Jwma, 25 Qırküyek 2020
COVID-19 QAZAQSTANDA. Jwqtırğandar — 107529. Jazılğandar — 102323. Qaytıs bolğandar — 1699
Anıq 1118 2 pikir 14 Säuir, 2020 sağat 11:43

Wlttıq ruhani jañğıru Otanıñdı tanudan bastaladı

Ruhaniyat degen sözdi estisem, wlt-ziyalılarınıñ wrpağına qaldırğan önege-ösieti, babalar amanatı, wlttıq tanım-bolmısı köz aldıma elesteydi. «Men qanşalıqtı ruhani baymın» nemese «Janıma qanşalıqtı ruhani azıq berip jatırmın» degen swraqtardı qosa qoyamın özime.

Sananı twrmıs bilegen zamanda ömir sürip jatırmız, qala berdi kün sayın damığan tehnika, san qwbılğan qoğam bar. Osınau dürbeleñ zamanda men, jetpeytin uaqıttıñ qaysısın ruhani jañğıruğa arnamaqpın dep tolğanatınım qwpiya emes. Dese de, osıdan üş jıl bwrıñğı Elbasımızdıñ qoğamnıñ ruhani ilgerileuine jol aşqan bir ğana bağdarlaması – qanşama jas örenniñ ömirine oñ özgeris äkelgenin oylasam, şattıqtan şat-şadıman küy keşemin. «Bolaşaqqa bağdar: ruhani jañğıru» maqalasınıñ özi közi aşıq, kökiregi oyau jasqa dem berip, qazaqi tanımın keñeyte tüsedi. «Auruın jasırğan öledi» demekşi, jasırıp qaytemiz, jeti atasın bilmeytin jigersizder, tarihın tanımas talayı bir top jas qauım bar. Biz söz etip otırğan bağdarlama, olarğa da äser etip, bir uaqıt bolsın qanı ğana emes, janı da qazaq ekenin eske salsa kerek. Sözimizdiñ däleli bolsın, men keşegi – student, bügingi – qızmetker retinde «Ruhani jañğıru» bağdarlamasınıñ «Meniñ elim» bölimi boyınşa qay bir jıldarı qazınalı-bazınalı Oñtüstikke barğan saparımız jaylı az-kem ayta ketsem deymin. 

Arqanıñ ayazında, Sarıarqanıñ samalında ösken bizdey Soltüstik ölkeniñ örenderi Oñtüstikke at basın bwrıp körmegen edik. Sol jıldarı universitet basşılığınıñ qoldauımen häm elimizdiñ tarihi orındarın tanu maqsatında Oñtüstik Qazaqstan oblısına sapar şektik. Sır eli, jır eli Qızılordadan bastalğan sapar, tarihı tereñ Türkistan, şıraylı qala Şımkentpen jalğasqan edi. Joğarıda aytqanımday, Şığısı bar, Batısı bar, Soltüstiktiñ jastarı, bwrın kelip körmegen, tek kitaptan oqıp, suretten köretin Qorqıt baba jerlengen jerdi, Qoja Ahmet YAssaui men Arıstanbab kesenesin körgende, Qazaqstan deytin san ğasırlıq tarihı bar mamırajay mekende tuğanına quanıp, ömir sürip jatqanına Täñirge täube degenin öz qwlağımızben estidik. Tarihqa bay Taraz şaharına barıp, Ayşa Bibi kesenesin körip, tarihtan tağılım alğan zamandas qwrbı qızdarım - qazir şaşınan şolpısın tastamaydı. Qonaqjay halıqpız ğoy, Şım qalanıñ ağarman peyil, ayrıqşa ıqtiyarlı qonaq kütu ädebin añğarğan dostarım - äli künge deyin körise qalsaq, şını-ayaq şaysız jibermeydi. Qızılordanıñ kümis kömey änşi, jırau-jırşılarınıñ än-termelerin tıñdağan tetelesim - büginde dombıra üyrenip, halıq änderin tıñdaudan jalığar emes. Minekey, osınday san türli sanalı is-äreketter men özgeşe özgerister jastardıñ nağız ruhani jañğırıp, ruhani öskenin körsetpey me? Endeşe, osı rette elimizge engen bağdarlamağa, engizgen Elbasığa san märte alğıs aytamın. 

Añğarsam, Oñtüstikke jasağan sayahımızğa üş jıl tolıptı. Uaqıttıñ qaytip zımıranşa ötip, sınaptay sırğıp jatqanına qayran qalamın. 

Iä, bağdarlamağa da üş jıl tolıp otır. Men bwl bağdarlamamen qosa, Elbasınıñ keyingi jariyalanğan maqalasınıñ biri «Wlı dalanıñ jeti qırı» sındı wlttıq sipattağı dünielerdiñ äli talay jastarğa jol siltep, talay qauımnıñ ruhani örleuine septigin tigizerine senemin. Tileulespin jäne. Öytkeni bügingi tarihın tanıp, elin süyer jas buın – erteñgi eliniñ irgetasın qalar er. 

Tolğanay Nasihatqızı

Euraziya Wlttıq universitetiniñ Äleumettik jäne azamattıq damu departamenti, Jastarmen jwmıs böliminiñ ağa mamanı 

Abai.kz

2 pikir