Qazaqstannyng barlyq ónirlerinde kóterme-taratu ortalyqtarynyng jelisin qúru josparlanuda. Olardyng qúny 237,5 mlrd tengeni qúraydy. Búl turaly Ýkimetting selektorlyq otyrysynda sauda jәne integrasiya ministri Baqyt Súltanov mәlimdedi.

«Jyl sayyn aqpannan mamyrgha deyin, ótken jylghy egin qory tausylyp, kórshiles elderden jana ónim kele bastalghanda, biz baghanyng joghary qúbylmalylyghyn bayqaymyz. Búl, óz kezeginde, inflyasiyagha teris әser etedi. Elimizde óndiriletin azyq-týlikti dúrys saqtap, ótkizetin jýieni qúru qajettiligining sebebi óndirushilerding kóp shyghyngha batuymen baylanysty», - dedi B. Súltanov. 

Ministrding aituynsha, tauarlardy jedel jýkteuge mýmkindik beretin zamanauy jýk týsiru (qazir ony «kross-dok» dep ataydy) jәne temperaturalyq qoymalardyng jetkiliksizdigi baghagha tikeley әserin tiygizedi. Júmys istep túrghan bazarlarda tauar aghymyn baqylaytyn aqparattyq jýie joq.

Búl rette, óndirushilerding sórelerge qol jetkizu tetigi búrmalanghan baghagha, әdiletsiz sauda ýstemesine jәne belgili kezenderde baghalardyng negizsiz ósuine negiz bolady.

«Qalalarymyzda karantin engiziluine baylanysty tuyndaghan dýrbeleng osy mәselelerdi kórsetti. Atalghan problemalardy jedel jәne jýieli sheshu ýshin, kóterme-taratu ortalyqtarynyng birynghay keshenin qúraytyn últtyq tauar ótkizu jelisin qúru úsynylady. Búl ekojýie óndirushi men tútynushyny jaqyndatatyn jekelegen ekonomikalyq klaster qúrap, sonday-aq birynghay tetikti qúray otyryp, respublikanyng sauda infraqúrylymyna qosylady», — dedi B. Súltanov. 

Súltanovtyng aituynsha, kóterme-taratu ortalyqtarynyng qyzmeti ónimdi saqtau men qayta óndeuden bastap taratu men ótkizuge deyingi mamandandyrylghan qyzmetterdi úsynatyn bolady. Búl infraqúrylym ónimdi jetkizuding negizgi baghyttary ýshin tiyimdi kóliktik-logistikalyq arnalardy qúrugha mýmkindik beredi. Sonday-aq Euraziyalyq ekonomikalyq odaq, Ortalyq Aziya jәne Qytaygha eksporttyq-importtyq operasiyalar jýzege asyrylatyn bolady, búl ótkizu naryghyn keneytedi.

Auyl sharuashylyghy ministrligining mәlimetinshe, eldegi kókónis qoymalarynyng tapshylyghy 70% qúraydy, al keybir aimaqtarda búl kórsetkish 90% jetedi.

«Jalpy alghanda, 2022 jylgha qaray quattylyghy jylyna 4,8 mln tonna kólemdi qúraytyn tetikti әzirlep, úsynyp otyrmyz. Búl quat tapshylyghyn tolyq jabady jәne aldaghy uaqytta eksporttyq ekspansiyagha jaghday jasaydy. Biz әkimdiktermen alghashqy eki kezeng ýshin jer telimderin bólu mәselesin pysyqtadyq. Qalghan 15 nysan boyynsha qysqa merzimde júmys jýrgiziletin bolady», —  dedi  Baqyt Súltanov.

Abai.kz