Jeksenbi, 9 Tamız 2020
COVID-19 QAZAQSTANDA. Jwqtırğandar — 97829. Jazılğandar — 71609. Qaytıs bolğandar — 1058
46 - söz 1340 8 pikir 26 Mamır, 2020 sağat 16:29

Öz äskeriniñ qamın oylamağan jwrt bögdeniñ jemtigine aynaladı

Kez-kelgen wlttıñ Täuelsizdigin kepildeuşi alğışarttardıñ işinde qarulı küşter şeşuşi orınğa ie. Ärine, soğıstan aulaq bolayıq. Biraq el basına kün tuğanda jauğa qarsı twra almağan Täuelsizdiktiñ qwnı da kök tiın. Onıñ üstine qolda bar äskeri äleuettiñ özi jauger körşilerdi sabasına salatın qwdiretin de nazarda wstayıq.

Qazirgi Qazaqstannıñ qorğanıs qabiletine qatıstı türli bağalaular boluı mümkin. Öz basım, ökinişke oray, onısı zamanaui täuekelderge tötep beruge jetkilikti dep sanamaymın. Bwğan däleldi KSRO şekpeninen şığıp, alısqa kete qoymağan TMD-dağı körşilerdiñ ayanıştı täjiribesinen tabu qiınğa soqpaydı.

Jalpı, Keñes odağı, onıñ mirasqorı - bügingi Resey Federaciyasınıñ äskeri äleuetinen qorqu, ne odan üyrengisi kelu eş qisınğa kelmeydi. Qarap köriñiz - maqtaulı Keñes-Resey äskeri soñğı 70 jılda 40-tan astam soğıs jürgizdi: Kuba, Angola, Auğanıstan, Moldova, Gruziya, Mısır, Korey tübegi, Nikaragua, V'etnam, Çehiya, Vengriya, Şeşenstan, Ukraina, t.b. Barlığında da jeñiliske wşıradı. Osıdan kep tuındaytın kelesi tüytkil - resmi äskerilerdiñ, auğan jauıngerleri sekildi toptardıñ Mäskeuge qarap qalğanı alañdatadı. Osınday soqır senimşildik kezinde Ukraina men Gruziyanı jağa wstattı - sın sağatta sengen armiyasınıñ, işki äskerdiñ, wlttıq gvardiya men qauipsizdik orındarınıñ 80 payızı Reseydiñ jansızdarı bolıp şığıp öz Otanına qarsı äreket jasadı.

Aytpağım - putinşil Reseydiñ küşi mülde armiyada emes, körşilerin arandatuda, olardı iştey bir-birine aydap saluda jatır. Osınday keleñsizdik pen satqındıqtan neğwrlım erte sabaq alsaq, soğwrlım basımız aman bolmaq. Al bastısı - şirigen Resey emes, kezinde jartı älemdi bağındırğan Ata-Babanıñ tağılımınan när alsaq. Naqtılağanda bügingi Qazaqstanda armiyağa qosa keñ auqımdağı Wlttıq gvardiya qanatın jaysa, onıñ qatarına tek Qazaqtıñ tili men bolmısın boyına siñirgen patriot sarbazdar ense, al olardıñ jalaqısı bankirlerden kem bolmasa. Qanımızğa jaqın är sarbaz jauapkerşiligin anıq bilgen ondıq, jüzdik, mıñdıq, tümendik jüye qalıpqa kelse.

Meniñ kelesi armanım - Qazaq qarulı küşteri Türkiyadağı siyaqtı tübi qoğamdağı aristokratiyağa aynaluı.

Meniñ armanım - Şveycariyadağı sındı armiya ğana emes, är azamatı eline qauip töngende qolındağı qaruımen jerin qorğauğa dayın boluı.

Meniñ armanım - Izrailde sekildi bükil halıq öz qarulı küşterine qwrmet körsetip törge şığarğanı.

Osınday jüye Qazaqta qwrılsa iştegi besinşi kolonnanıñ da auızına qwm qwyıları anıq. Tüsinemin, bizge, Qazaq qoğamına, birinşi kezekte sayasi reformalar, demokratiya, narıqtıq ekonomika auaday qajet. Tek küştik qwrılımdardı qayta qwrmay, älgi bağıttardağı ıqtimal jetistigimiz bir künde joq boluı bek mümkin.

Aynalıp kelgende öz äskeriniñ qamın oylamağan jwrt tübi bögdeniñ jemtigine aynaladı.

Rasul Jwmalınıñ äleumettik jelidegi jazbası

Abai.kz

8 pikir