Jwma, 10 Şilde 2020
COVID-19 QAZAQSTANDA. Jwqtırğandar — 53021. Jazılğandar — 31277. Qaytıs bolğandar — 264
46 - söz 1413 4 pikir 1 Mausım, 2020 sağat 16:50

Balıq jadı qoğambız ba?

Siz balıq jaylı oylanıp kördiñiz be? Jalpı balıqtı jegennen basqa, ol jaylı ne aqparat bilemiz? Balıqtıñ miğa paydası barın jaqsı bilemiz, biraq balıqtıñ miı jaylı şe? Qızıqtıñ kökesi sonda. Balıqtıñ este saqtau qabileti bar bolğanı 8 sekund. 8 sekund jarq etkennen keyin, ol üşin aqparat joyılıp, ömir qayta bastaladı. Sondıqtan da ol bir tüsken qarmağına qayta aynalıp tüsip qaluı mümkin.

Ee, biz şe? Bizdiñ jadımız qanday? Este saqtauımızdı aytamın? Sayttar swmdıq genocid jaylı jazıp jatır, äleumettik jeli aqparattarğa tolıp ketti. Biraq erteñ jaña kün tuadı. Söytip biz 364 künge bwl genocid jaylı jılı jauıp qoya twramız. Jıldağı scenariy.

Kün sayın qayğığa bat demeymin. Kün sayın Aza twtu da aqımaqtıq. Biraq bwl zwlmat tek mamırda aytılıp, 11 ay boyı jabulı qazannıñ keypinde jatpauı kerek qoy. Qoğamğa aytılıp, esine salıp twru abzal. Ideologiya degen sodan bastaladı. Adamnıñ jadına aqparattı siñirip tastaudıñ bastı jolı, onı qaytalay beru. Küni-tüni.

Arnayı ideologiyalıq bağdarlamalar men ortalıqtar bar. İşki sayasat bölimderi degendey. Solar tek arnaulı datalarda qolğa gül, jürek twsına lenta jabıstırıp, qabaqtan qar jauıp, eskertkişke barumen şektelmey, ay sayın arnayı rolikter jasap, maqalalar berip twrsa, qoğam sanası aqparattı qabılday beredi. Birtindep siñedi. Mi özi sonday dünie. Közden ketse, köñilden ketedi. Bwl söz tek adamğa qatıstı emes, aqparatqa da qatısı bar. Eger biz rasımen dekommunizaciyanı bastan ötkizgimiz kelse, onda jüyeli jwmıs bolu kerek.

Tüsiniñiz. Lenin men Stalinniñ eskertkişin qwlatıp tastau oñay, biraq olardı key keñestik adamnıñ miınan şığarıp tastau qiın. Aşarşılıq pen sayasi qudalau jaylı aytu oñay, biraq onı key keñestik adamğa "Genocid" ekenin tüsindiru qiın. Ol üşin jüyeli jwmıs, üzdiksiz aqparat kerek. Olay bolmasa, biz balıq jadı küyimizde jüre beremiz. Qazir este bar, al erteñ joq.

Ashat Qasenğalidıñ äleumettik jelidegi jazbasınan

Abai.kz

4 pikir