Túrghyndardyng sózinshe, mektepke koronavirus júqtyrghan jәne pnevmoniyagha shaldyqqan nauqastardy әkelmek. Olardyng aituynsha, búl jergilikti túrghyndar ýshin qauipti. Ákimdik mektepting emdeu ortalyghyna ainalatynyn jergilikti túrghyndargha aitpaghan.

– Mektepten auruhana ashugha kim rúqsat berdi? Ákim be, dәriger me, kim bolsa da halyqtyng aldynda jauap bersin. Halyq kóp shoghyrlanghan jerge júqpaly aurumen auyryp jatqan adamdardy alyp kelgenine qarsymyz, – deydi jergilikti túrghyn Berdighaly Beynetov.

Mektep manynda jinalghan túrghyndardy jiyrma shaqty polisiya kýzetip túrdy. Mektep ornalasqan kóshe basyna blokpost qoyyldy. Eki saghattyng ishinde mektep artynan kiretin jolmen shamamen jiyrma shaqty jedel jәrdem kóligi birinen song biri nauqastardy alyp keldi. Múny kórgen túrghyndar olardy ishke kirgizbeymiz dep kósheni japty. Shymkent qalasy Abay audany әkimining orynbasary Sanjar Bórlibaev kósheni jabu zansyz ekenin aityp, jinalghandardan tarauyn súrady.

Osy kózde kezekti jedel jәrdem kóligi keldi. Túrghyndar kólikti ishke kirgizbeymiz dep aldyn japty. Polisiya birneshe әieldi kýshtep kólikke otyrghyzdy. Jinalghan túrghyndar polisiyanyng kóligin bógep, әielderdi jiberudi talap etti. On minuttan song polisiya ústalghan әielderdi kólikten shyghardy. Polisiya “Joldy jabu – zansyz. Taranyzdar, әitpese zandy shara qoldanamyz” dep jinalghandargha eskertti. Sodan keyin túrghyndar bir-birden tarady.

Mektep Shymkent qalalyq №6 emhanadan 200 metrdey jerde ornalasqan.

Jergilikti basylymdardyng habalauynsha, 26 mausym kýni qaladaghy "Shymsiti" shaghyn audanynda dәl osynday jaghday bolyp, jergilikti túrghyndar óz mektebining emdeu ortalyghyna ainalugha jol bermegen. Narazylyq bildirgen túrghyndargha qala әkimi Múrat Áytenovtyng ózi kelip, biylikting sheshimin týsindirgen. Biraq túrghyndar degeninen qaytpaghan son, әkim rayynan qaytyp, medisinalyq jabdyqtardy mektepten shygharudy tapsyrdy.

Mausymnyng basynan beri Shymkentte pnevmoniyamen auyrghandar sany kýrt ósken. 22 mausymda qala biyligi pnevmoniyamen auyrghandardyng 7.2 esege óskenin, auruhanalarda oryn jetpey jatqanyn aitty. 26 mausymda qala әkimi Múrat Áytenov qosymsha provizorlyq ortalyqtar ashylatynyn mәlimdedi.

Qazaqstan biyligi 3 mausymnan koronavirus júqtyrghandardy auru belgilerining bar-joghyna qaray “auyrghandar” jәne “tasymaldaushylar” dep eki bólek sanaq jýrgizip keledi. Negizgi statistikagha tek “auyrghandar” qosylyp jatyr. Bólmey sanaghanda Shymkentte epiydemiya bastalghaly 2856 adamnan koronavirus anyqtaldy. Auru belgileri onyng 1556-ynda bar, 1300-inde joq. Virus júqtyrghandardyng 686-sy jazylghan, 14-i qaytys bolghan.

Abai.kz