Düysenbi, 21 Qırküyek 2020
COVID-19 QAZAQSTANDA. Jwqtırğandar — 107307. Jazılğandar — 101941. Qaytıs bolğandar — 1671
1038 0 pikir 2 Şilde, 2020 sağat 14:55

Qazaqstanda däri-därmekti bir adamğa birneşe qoraptan ğana satatın şekteu engiziledi

QR Densaulıq saqtau vice-ministri Lyudmila Byurabekova key däri-därmekti bir adamğa birneşe qoraptan ğana satatın şekteu engizetinin mälimdedi. 

Onıñ aytuınşa, qazaqstandıqtar pandemiyağa baylanıstı 138,8 mln teñgege däri-därmek satıp alğan.

“Birneşe öñir däri-därmekti satuda şekteu engizip ülgerdi, basqaları da türli jeliler associaciyasımen  bir adamğa eki-üş qoraptan artıq bermeu turalı memorandum jasaspaq. Sebebi bir emdeu kursına osınşa ğana preporat ketedi.  Olardıñ saqtau merzimi, saqtalu jağdayı bar. Sondıqtan däri-därmekter üyde paydağa aspay qalıp qoymas üşin osınday şaralar jasamaq”, –deydi Byurabekova.

Vice-ministr aurudıñ üyde emdeluge bolatın jeñil jäne ortaşa türinde tegin däri aluğa boladı deydi.

“Antibakterialdı terapiya qajet bolatın jağdayda bizde tegin däri-därmekpen qamtamasız etu qarastırılğan. Recept elektrondı türde beriledi. Barlıq emhanalar qazir däri-därmekti öz därihanaları arqılı tegin taratıp jatır jäne köptegen aymaqtarda därini pacienttiñ üyine deyin jetkizip beru qarastırılğan”, –dedi ol.

Sonday-aq, Byurabekova halıqtı därigerdiñ keñesinsiz özdiginen emdelmeuge şaqırdı.

Abai.kz

0 pikir