جۇما, 14 تامىز 2020
COVID-19 قازاقستاندا. جۇقتىرعاندار — 101848. جازىلعاندار — 78633. قايتىس بولعاندار — 1269
984 0 پىكىر 2 شىلدە, 2020 ساعات 14:55

قازاقستاندا ءدارى-دارمەكتى ءبىر ادامعا بىرنەشە قوراپتان عانا ساتاتىن شەكتەۋ ەنگىزىلەدى

قر دەنساۋلىق ساقتاۋ ۆيتسە-ءمينيسترى ليۋدميلا بيۋرابەكوۆا كەي ءدارى-دارمەكتى ءبىر ادامعا بىرنەشە قوراپتان عانا ساتاتىن شەكتەۋ ەنگىزەتىنىن مالىمدەدى. 

ونىڭ ايتۋىنشا، قازاقستاندىقتار پاندەمياعا بايلانىستى 138,8 ملن تەڭگەگە ءدارى-دارمەك ساتىپ العان.

“بىرنەشە ءوڭىر ءدارى-دارمەكتى ساتۋدا شەكتەۋ ەنگىزىپ ۇلگەردى، باسقالارى دا ءتۇرلى جەلىلەر اسسوتسياتسياسىمەن  بىر ادامعا ەكى-ءۇش قوراپتان ارتىق بەرمەۋ تۋرالى مەموراندۋم جاساسپاق. سەبەبى ءبىر ەمدەۋ كۋرسىنا وسىنشا عانا پرەپورات كەتەدى.  ولاردىڭ ساقتاۋ مەرزىمى، ساقتالۋ جاعدايى بار. سوندىقتان ءدارى-دارمەكتەر ۇيدە پايداعا اسپاي قالىپ قويماس ءۇشىن وسىنداي شارالار جاساماق”، –دەيدى بيۋرابەكوۆا.

ۆيتسە-مينيستر اۋرۋدىڭ ۇيدە ەمدەلۋگە بولاتىن جەڭىل جانە ورتاشا تۇرىندە تەگىن ءدارى الۋعا بولادى دەيدى.

“انتيباكتەريالدى تەراپيا قاجەت بولاتىن جاعدايدا بىزدە تەگىن ءدارى-دارمەكپەن قامتاماسىز ەتۋ قاراستىرىلعان. رەتسەپت ەلەكتروندى تۇردە بەرىلەدى. بارلىق ەمحانالار قازىر ءدارى-دارمەكتى ءوز ءدارىحانالارى ارقىلى تەگىن تاراتىپ جاتىر جانە كوپتەگەن ايماقتاردا ءدارىنى پاتسيەنتتىڭ ۇيىنە دەيىن جەتكىزىپ بەرۋ قاراستىرىلعان”، –دەدى ول.

سونداي-اق، بيۋرابەكوۆا حالىقتى دارىگەردىڭ كەڭەسىنسىز وزدىگىنەن ەمدەلمەۋگە شاقىردى.

Abai.kz

0 پىكىر