Jwma, 14 Tamız 2020
COVID-19 QAZAQSTANDA. Jwqtırğandar — 101848. Jazılğandar — 78633. Qaytıs bolğandar — 1269
1819 33 pikir 3 Şilde, 2020 sağat 14:49

Astanada Nwrswltan Nazarbaevqa monument ornatıldı

Astanadağı Wlttıq qorğanıs universitetiniñ aldına Qazaqstannıñ bwrınğı prezidenti, Qauipsizdiñ keñesiniñ jäne «Nwr Otan» partiyasınıñ törağası Nwrswltan Nazarbaevqa arnalğan monument ornatıldı. Bwl turalı «tengrinews.kz» jazdı.

El prezidenti Qasım-Jomart Toqaev monumenttiñ aşılu räsimine onlayn rejimde qatıstı. Ol öziniñ qwttıqtau sözinde Nwrswltan Nazarbaevtıñ qazirgi Qazaqstannıñ negizin qalağanın, Täuelsiz Qazaqstan tarihındağı Nazarbaevtıñ alar ornı men wstanğan sayasatı turalı aytıptı.

«Twraqtılıq pen tatulıq, bereke men birlik – Elbasınıñ sarabdal sayasatınıñ nätijesi. Kez kelgen memlekettiñ tarihında öşpes iz qaldırğan biregey twlğalar bar. Olardıñ siñirgen eñbegin bağalay bilu jäne jan-jaqtı däripteu – öskeleñ wrpaqtıñ parızı», – dedi Qasım-Jomart Toqaev.

Memleket basşısınıñ aytuınşa, Qazaqstannıñ Qarulı Küşteri Twñğış Prezidenttiñ Jarlığımen qwrılğandıqtan, bwl monumenttiñ Wlttıq qorğanıs universitetinde ornatıluınıñ simvoldıq mäni zor.

«Täuelsizdik alğan sätten bastap Nwrswltan Äbişwlı Nazarbaev äskeri äleuetimizdi qalıptastıru barısında eñ kürdeli degen mäselelerdi şeşuge özi tikeley aralastı. Onıñ basşılığımen halqımız ben elimizdi ıqtimal äskeri qaqtığıstardan qorğau maqsatında armiyamızdıñ perspektivaları men mindetteri, wlttıq qauipsizdikti qamtamasız etudiñ basımdıqtarı men mehanizmderi ayqındaldı. Nwrswltan Nazarbaev Prezident bolğan jıldarı äskeri qwrılımnıñ zañnamalıq jäne qwqıqtıq-normativtik bazası äzirlendi. Sonday-aq Qarulı Küşterdiñ qwrılımı men qwramı jasaqtalıp, armiyanıñ qarulanuı kezeñ-kezeñimen iske asıp, zamanaui infraqwrılım qalıptastı», – dedi Qasım-Jomart Toqaev.

Ayta keteyik, 6 şilde eks-prezident Nwrswltan Nazarbaevtıñ tuğan küni jäne Astana küni. Biıl Nazarbaev 80 jasqa toladı. Osığan deyin prezident Toqaevtıñ Elbası turalı maqalası «Egemen Qazaqstan» gäzetinde jariya bolğan edi.

Nwrswltan Nazarbaevtıñ qazirgi qızmetteri:

Ol bıltır naurızda prezident ökiletin toqtatatının mälimdegen. Biraq «Nwr Otan» partiyasınıñ lideri jäne Qauipsizdik keñesiniñ törağası qızmetinde qaldı.

- Qazaqstan Respublikasınıñ Qauipsizdik Keñesiniñ törağası,

- «Nur Otan» partiyasınıñ Törağası,

- Qazaqstan halqı Assambleyasınıñ Törağası,

- Qazaqstan Respublikası wlttıq äl-auqat qorın basqaru jönindegi Keñestiñ Törağası,

- Nazarbaev universiteti, ziyatkerlik mektebi jäne qordıñ Joğarı qamqorşılıq keñesi Törağası,

- Düniejüzi qazaqtarı qauımdastığınıñ törağası.

Nwrswltan Nazarbaevtıñ ataqtarı men marapattarı:

- «Elbası» statusı,

- «Qwrmetti senator» atağı,

- «Euraziya ekonomikalıq odağınıñ qwrmetti törağası» atağı,

- «Türkitildes memleketterdiñ ıntımaqtastığı keñesiniñ ğwmır boyğı qwrmetti törağası» märtebesi,

Nwrswltan Nazarbaevtıñ Qazaqstannan alğan jäne şeteldik ğılımi ataqtarı men lauazımdarı turalı biz bwğan deyin de jazğan edik.

Bwlardan bölek, Qazaqstanda Elorda, äuejay, iri qalalardağı bastı köşeler Nwrswltan Nazarbaevtıñ atımen ataladı. Sonday-aq onıñ birneşe eskertkişi bar.

Abai.kz

33 pikir