Seysenbi, 4 Tamız 2020
COVID-19 QAZAQSTANDA. Jwqtırğandar — 93820. Jazılğandar — 65132. Qaytıs bolğandar — 1058
1165 5 pikir 4 Şilde, 2020 sağat 16:23

Düniejüzilik bank Qazaqstanğa 500 million dollar beredi

Düniejüzilik bank Qazaqstanğa mal şaruaşılığın damıtu üşin 500 million dollar beredi. Bwl turalı QR Auılşaruaşılıq ministrligi habarladı.

«Düniejüzilik banktiñ Direktorlar keñesi Vaşingtonda (AQŞ) Qazaqstan üşin dayındalğan «Mal şaruaşılığın twraqtı damıtu» jobasın qarjılandıru turalı şeşim qabıldadı», - dep jazılğan ministrlik aqparatında.

Kelesi qadam - ​​tiisti nesie kelisimine qol qoyu. Boljam boyınşa ol ağımdağı jıldıñ küzinde ötedi.

Joba şartı boyınşa respublikağa mal şaruaşılığın jan-jaqtı damıtuğa 500 million AQŞ dolları bölinedi. Bank äzirlegen jospar 5 jıl işinde - 2021 jıldan 2025 jılğa deyin jüzege asırıluı kerek. Osı kezeñde Qazaqstan qorşağan ortağa teris äserin tigizbesten, mal etin öndirudiñ eksportqa bağıttalğan sektorın damıtuğa jäne köbeytuge mindetti.

Jobanı iske asıruda Qazaqstan üşin müldem jaña qarjı qwralı - nätijege bağıttalğan bağdarlama (NBB) nesiesi qoldanıladı. Bwl mehanizm qarız aluşığa qarajat kelisilgen nätijege jetken kezde ğana tölenetin boladı.

Jobanıñ negizgi nätijesi veterinarlıq qızmetter men januarlardı tirkeudi jaqsartu jäne et salası üşin tiimdi agroekologiyalıq sayasat ornatu.

Sonday-aq, eksport pen bäsekege qabilettiliktiñ twraqtı ösui üşin baqılau jüyesi jasaladı, veterinariya qızmeti jañğırtılıp, siır etin ösirumen aynalısatın fermerlerdiñ biliktiligin arttıru  jüyesi qwrıladı.

Sonımen qatar, jwmıs orındarın qwru jäne auıl twrğındarınıñ kiristerin arttıru maqsatı  közdelip otır. Bordaqılau alañdarımen birlesip jwmıs jasaytın 20 mıñnan astam otbasılıq fermalardı qwrudı qoldau josparda bar.

Abai.kz

5 pikir