Senbi, 15 Tamız 2020
COVID-19 QAZAQSTANDA. Jwqtırğandar — 102287. Jazılğandar — 80716. Qaytıs bolğandar — 1269
Äne, kördiñ be? 1416 15 pikir 9 Şilde, 2020 sağat 16:30

Bir parkti jöndeuge 1 milliardqa juıq qarjı jwmsaladı

Almatıdağı 28 panfilovşı parki 946,6 million teñgege qayta jöndeledi. Almatı äkimdiginde «Jaylı qalalıq orta» deytin basqarma bar eken. Mine, sol basqarma jañağı aqparattı rastadı.

Atalğan departament 2019 jıldıñ qañtar ayında tender ötkizetini turalı habarlağan. Söytip, qaladağı 28 panfilovşı parkin äsemdep, ärleuge, abattandıruğa wzın-ırğası 1,05 milliard teñge böludi josparlaptı.

Al, osı jıldıñ 25 mamırında Almatı äkimdiginiñ jañağı «Jaylı qalalıq orta» deytin departamenti «G.S.G.Vısotnik» JŞS degen merdiger kompaniyamen kelisimşartqa qol qoyğan. Ol jerde jobanıñ jalpı qwnı 946,6 mln dep körsetilgen. Bwl aqparattı jurnalist Daniyar Moldabekov öziniñ Telegram kanalında jariyalaptı.

Onı Almatı qalası äkimdiginiñ «Jaylı qalalıq orta» departamentiniñ ökili Quandıq Aytmağanbetov te rastağan eken.

«Iä, solay. Kelisimdi tirkeu 2020 jılı ötti. Tender 2019 jılı jariyalandı», - depti ol.

Jobalıq-smetalıq qwjatqa säykes, sayabaqta ülken subwrqaq ornatılıp, qoğamdıq därethana qoyıladı. Orındıqtar auıstırıladı. Qorşaular qayta jasaladı. Su jüyesi jañartılıp, plitkalar töselip, ağaştar otırğızıladı.

Bwl turalı äleumettik jeli qoldanuşıları da öz pikirlerin bildirdi. Mäselen, Ashat Qasenğali qazir qarjını parkke emes, halıqtıñ densaulığına qatıstı naqtı isterge jwmsau kerek dep esepteydi.

«WTF? Almatıdağı Panfilov parkin jöndep, sändeuge 946 mln teñge jwmsamaq. 946 mln! Halıq bolsa IVL-ğa qarjı jinap jür. Qazir park emes, parqı bar şeşimder kerek qoy. İndetti jeñeyik, halıqtı däri-därmekpen tolıq qamtamasız et, auruhanalardı jabdıqta, sosın parkiñdi jöndey ber», dep jazdı Ashat Qasenğali.

Ayta keteyik, resmi mälimet boyınşa qazir Almatı qalasında koronavirus pandemiyasın jwqtırğandar sanı 7 mıñ adamğa juıqtağan. 3877 adam jazılıp, 30 adam qaytıs boldı.

Abai.kz

15 pikir