جۇما, 29 ناۋرىز 2024
انە، كوردىڭ بە؟ 3692 15 پىكىر 9 شىلدە, 2020 ساعات 16:30

ءبىر پاركتى جوندەۋگە 1 ميللياردقا جۋىق قارجى جۇمسالادى

الماتىداعى 28 پانفيلوۆشى پاركى 946,6 ميلليون تەڭگەگە قايتا جوندەلەدى. الماتى اكىمدىگىندە «جايلى قالالىق ورتا» دەيتىن باسقارما بار ەكەن. مىنە، سول باسقارما جاڭاعى اقپاراتتى راستادى.

اتالعان دەپارتامەنت 2019 جىلدىڭ قاڭتار ايىندا تەندەر وتكىزەتىنى تۋرالى حابارلاعان. ءسويتىپ، قالاداعى 28 پانفيلوۆشى پاركىن اسەمدەپ، ارلەۋگە، اباتتاندىرۋعا ۇزىن-ىرعاسى 1,05 ميلليارد تەڭگە ءبولۋدى جوسپارلاپتى.

ال، وسى جىلدىڭ 25 مامىرىندا الماتى اكىمدىگىنىڭ جاڭاعى «جايلى قالالىق ورتا» دەيتىن دەپارتامەنتى «گ.س.گ.ۆىسوتنيك» جشس دەگەن مەردىگەر كومپانيامەن كەلىسىمشارتقا قول قويعان. ول جەردە جوبانىڭ جالپى قۇنى 946,6 ملن دەپ كورسەتىلگەن. بۇل اقپاراتتى جۋرناليست دانيار مولدابەكوۆ ءوزىنىڭ Telegram كانالىندا جاريالاپتى.

ونى الماتى قالاسى اكىمدىگىنىڭ «جايلى قالالىق ورتا» دەپارتامەنتىنىڭ وكىلى قۋاندىق ايتماعانبەتوۆ تە راستاعان ەكەن.

«ءيا، سولاي. كەلىسىمدى تىركەۋ 2020 جىلى ءوتتى. تەندەر 2019 جىلى جاريالاندى», - دەپتى ول.

جوبالىق-سمەتالىق قۇجاتقا سايكەس، ساياباقتا ۇلكەن سۋبۇرقاق ورناتىلىپ، قوعامدىق دارەتحانا قويىلادى. ورىندىقتار اۋىستىرىلادى. قورشاۋلار قايتا جاسالادى. سۋ جۇيەسى جاڭارتىلىپ، پليتكالار توسەلىپ، اعاشتار وتىرعىزىلادى.

بۇل تۋرالى الەۋمەتتىك جەلى قولدانۋشىلارى دا ءوز پىكىرلەرىن ءبىلدىردى. ماسەلەن، اسحات قاسەنعالي قازىر قارجىنى پارككە ەمەس، حالىقتىڭ دەنساۋلىعىنا قاتىستى ناقتى ىستەرگە جۇمساۋ كەرەك دەپ ەسەپتەيدى.

«WTF? الماتىداعى پانفيلوۆ پاركىن جوندەپ، ساندەۋگە 946 ملن تەڭگە جۇمساماق. 946 ملن! حالىق بولسا يۆل-عا قارجى جيناپ ءجۇر. قازىر پارك ەمەس، پارقى بار شەشىمدەر كەرەك قوي. ىندەتتى جەڭەيىك، حالىقتى ءدارى-دارمەكپەن تولىق قامتاماسىز ەت، اۋرۋحانالاردى جابدىقتا، سوسىن پاركىڭدى جوندەي بەر»، دەپ جازدى اسحات قاسەنعالي.

ايتا كەتەيىك، رەسمي مالىمەت بويىنشا قازىر الماتى قالاسىندا كوروناۆيرۋس پاندەمياسىن جۇقتىرعاندار سانى 7 مىڭ ادامعا جۋىقتاعان. 3877 ادام جازىلىپ، 30 ادام قايتىس بولدى.

Abai.kz

15 پىكىر

ۇزدىك ماتەريالدار

العىس ايتۋ كۇنى

العىس ايتۋ كۇنى جانە ونىڭ شىعۋ تاريحى

جومارتبەك نۇرمان 1578
الاشوردا

قوجانوۆ مەجەلەۋ ناۋقانىندا (جالعاسى)

بەيبىت قويشىباەۆ 2276
عيبىرات

قايسار رۋحتى عازيز جان

مۇحتار قۇل-مۇحاممەد 3592