Jylu jýrekti jylytady...
Bayqasaq, bizding qazaqtyng býkil qasiyeti osynday qiyn sәtte synalady eken. Qaybir jyly elordada bes qyz órtenip ólgen kezde, Arysta jarylys bolghanda, Maqtaaraldy su basqanda birinshi bolyp qol úshyn sozghan osy halyq edi. Qazir de sol halyq auruhanalarda qat bolyp túrghan ottegi konsentratoryn alu ýshin, tynys ala almay qinalyp jatqan jandardyng ómirin saqtap qalu ýshin jantalasuda...
Qayyrymdylyqqa shaqyrghan Qayrat Joldybayúlyna júrt 100 million tengeden astam aqsha audarypty. Jeli belsendileri Aynúr Túrsynbaeva, Dәulet Múqaevtyng oqyrmandary jiyp bergen aqshagha 825 apparatqa tapsyrys beripti. Onyng 125-i endigi elge jetipti. Syrymbek Tau bastaghan jigitter "Shúghyla" qorymen birigip "Ómir syila" aksiyasy arqyly 1000 ottegi konsentratoryn almaqshy. QMDB-nyng "Zeket" qory da "Ómirge ýmit syila" aksiyasyn bastap, apparat alugha aqsha jiyp jatyr. Tipti ótkende bir kishkentay balanyng tughan kýnine dep jyl boyy jighan bar aqshasyn apparatqa berip jatqanyn kórgende (viydeodan), kózge jas ýiirildi...
Múnyng bәri neni bildiredi? Bizding qazaq qanday qiyn shaqta da osylay júmyla ketedi, auzynan jyryp basqagha bergisi, ózgege kómekteskisi kelip túrady jәne eng keremeti olardyng eshqaysysy sol sauapty isi ýshin qayyrym súramaydy. Osy jylugha aqsha qosyp jatqandardyng kóbi – ne baspanasy, ne kóligi, tipti qyzmeti de joq eng qarapayym júrt. Qalay ghana meyirlenbeysin!
Búl qasiyet bizge qaydan keldi? Qan arqyly sindi. Qazaqta asar, jylu, bayghazy, erulik, keusen, baylau, shýlen, sauyn deeep kete beretin qayyrymdylyqtyng san atasy boldy. Kóbin qazir úmytyp baramyz. Ottegi konsentratoryna aqsha jinau – osyndaghy jylu dәstýri. Qazir damyghan elderde "kraufanding" degen nәrse bar. Ol – osy jylu jinaudyng zamanauy týri. Biraq olar bireuge bir tiyn beru ýshin býge-shýgesine deyin súrap, zerttep baryp beredi. Al bizding qazaq qaltasyndaghy baryn shyn senimmen, shynayy kónilmen úsynady.
Búrynghy qazaq toq adamnyng ash adamgha, sau adamnyng nauqas adamgha, bay adamnyng kedey adamgha jylu berui – Qúday aldyndaghy qaryz dep bilgen. Quanatynymyz, qazir de solay. Alla bizdi osy qasiyetimizden aiyrmasyn! Jylu jýrekti jylytady. Jylugha aqshasyn qosqan, dúghasyn qosqan barsha qayyrymdy jandardy Tәnir jarylqasyn!
Serikbol Hasannyng jazbasy
Abai.kz
