...Keshegi keshe qalmaqtan ghasyrlar boyy zәrezep bolghan kekti qazaq: «Jau ketken son, qylyshyndy tasqa shap!» - depti...

Jalghyz sózi - jaraly jauyngerge jan bitirip, bir elge úran bolugha jaraytyn halqymyzdyng aduyn keudesi men qanjar tiline kim oghyn atpady, kim shoghyn baspady?!.

Qazaqtyng jýzdegen jyldarda taptalmaghan keudesine, ondaghan ghasyrlarda jat bolmaghan tiline tәuelsizdik tabaldyryghynda tuylghan jahandanudyng jarymjan úrpaghy -  jatty jarmastyryp, bótendi basyndyryp qoyady, dep kim oilaghan?!.

Túrpaty tilengish, ruhtan júrday, quys keude, kompiuterbasty balalardyng elining erteni men jerining jelkeni ýshin tym erte topyraq qúshqan qaharman ata-babalarymyzdyng әlimsaqta qurap qalghan ghaziz sýiekterin solqyldatyp, qayta-qayta audaryp-tónkerip, ruhtaryna tynym taptyrmay, qarsha boraghan qarghys pen namysty tilgilegen nәletting astynda qaldyraryn kim bilgen?!.

***   ***   ***

...Eger erkindikting jiyrma qysynda batyr babalarymyzdyng jandaryna jәnnattyng tórin shynayy tilep, Haqtyng raqymynan saugha súraghan jalghyz qazaq bolsa, ol - qazaqtyng qaysar aqyny, últtyng úlaghatty úranshyly Múhtar Shahanov.

...Keshegi keshe qalmaqtan ghasyrlar boyy zәrezep bolghan kekti qazaq: «Jau ketken son, qylyshyndy tasqa shap!» - depti...

Jalghyz sózi - jaraly jauyngerge jan bitirip, bir elge úran bolugha jaraytyn halqymyzdyng aduyn keudesi men qanjar tiline kim oghyn atpady, kim shoghyn baspady?!.

Qazaqtyng jýzdegen jyldarda taptalmaghan keudesine, ondaghan ghasyrlarda jat bolmaghan tiline tәuelsizdik tabaldyryghynda tuylghan jahandanudyng jarymjan úrpaghy -  jatty jarmastyryp, bótendi basyndyryp qoyady, dep kim oilaghan?!.

Túrpaty tilengish, ruhtan júrday, quys keude, kompiuterbasty balalardyng elining erteni men jerining jelkeni ýshin tym erte topyraq qúshqan qaharman ata-babalarymyzdyng әlimsaqta qurap qalghan ghaziz sýiekterin solqyldatyp, qayta-qayta audaryp-tónkerip, ruhtaryna tynym taptyrmay, qarsha boraghan qarghys pen namysty tilgilegen nәletting astynda qaldyraryn kim bilgen?!.

***   ***   ***

...Eger erkindikting jiyrma qysynda batyr babalarymyzdyng jandaryna jәnnattyng tórin shynayy tilep, Haqtyng raqymynan saugha súraghan jalghyz qazaq bolsa, ol - qazaqtyng qaysar aqyny, últtyng úlaghatty úranshyly Múhtar Shahanov.

...Áu basta-aq, Múhannyng tandayyna qazaqtyng taryday baghy jylbysqa qanday jabysyp tuylghan tәrizdi. Qay zamanda da últtyng basyna kýn tuyp, qylyshtyng ótkir jýzi qyl moyyngha taqalyp, ajdaha ajaldyng azuy kóringende ghana qazaqtyng naghyz narkesken janashyry atoylap algha shyghady.

Dastarhan basynda tәtti shokolad jep, kýreng shәy ishken toghayghan peyilmen әrkim-aq «halqym» dep, ózeurey alady. Ottyng basynda, oshaqtyng qasynda «Otan» jayynda kim-kim de kósiltip-kóbiktetip kókezulik kórsetedi...

Sóz ben isting qúny - aityluy men isteluinde emes, onyng qay jerde aitylyp, qalay atqaryluynda jatsa kerek. Jaugha barmay, qylyshyndy tasqa shapqannan ne payda?

Ýiinen shyqpay, tóbege telmirip; dala kórse, bútynyng astynan bas kótere almaytyn jigersiz ezderding qadym zamannan satqyndyq sorpasyna semirgen sabalaq-kýshikteri osy kýnde «shiryghyp», ekijýzdilik renkine iykemdelip te aldy. Bes tiyndyq qúny joq jalghan-tirlikte qúlqynynyng qúlyna ainalyp, elin satyp, jerin saudalap, tilin taptap, dinin tәrk etken opasyzdyq - keshegi ezderding býgingi sarqyty...

Eki kýnning birinde eki qatynnyng birining ez tabuy qalypty jaghday. Al, últynyng tabanyndaghy shógirdi tisimen shygharatyn ot jýrekti, kýn keudeli, dauyl ruhty oghlan qalyng qazaqtyng jýzdegen jyldarghy berekeli batasymen ghasyr aralap qana dýniyege keledi. Qayran, júrtym, múnyng ózin kóp kórip, bardy baghalay almay, jaqsyny sanalay almay, oghlanyna or qazady...

Bәribir, últynyng ystyghyna kýiip, suyghyna tonatyn birbetkey batyldyq pen eren erlik anyq arystardyng ghana mandayyna jazylghan taghdyr!..

***   ***   ***

...Sekseninshi jyldardyng basynda Múhtar Shahanovtyng esimi jәne onyng bólekshe saryndaghy uytty da quatty jyrlary manghaz taulardyng tasemshegin iydirip, baysaldy búirat qúmdar men boyjetken kerbez tóbelerding qol tiymegen qoynyn qytyqtap oyatyp, qazaqtyng sayyn dalasynda jeldey esip, auyl-auyldy andyzdap ótip, әrbir inkәr jýrekting qúpiya quysyn pana qyldy...

Múqannyng otty ólenderi tәtti úiqydaghy auyldy suyq su shashqanday shoshytyp oyatyp, artynsha sekseuil shoghynyng qyzuynday buyngha týsip, balqytty-ay dersin...

Qazaq silkinip, sergip sala berdi...

Shahanovtyng aryny qatty ruhty jyrlarynyng asau tolqyndary jalyndy jýrekterding dýrsilin ýdetip, tynyshyn qashyrdy.

Orystyng ospadar «әldiyi» aldap-sulap úiyqtatqan elding narau tartqan namysynyng tamyryna, kenetten, qyzuy kýshti qan jýgirip, janbyrdan songhy jauqazynday lap ete týsti...

Ghasyrlar attap, jyldar qattap, ózgening bolmysyna boyúsynyp bara jatqan Qazaq Eli ata-babasynan tarqaytyn tarau-tarau tarihynyng bar ekendigin, jalghan qaza bolghan kýni mandayy tiyetin mynau qara jerding atam zamanda óz babalarynyng at oinatqan kiyeli topyraghy bolghandyghyn týisindi...

Qazaqty kelte myltyghymen qorqytyp dәnikken, «Kónbis elge kósem bolghan» Kenes ýkimeti ór keude, er minezdi Múhtar Shahanovtyng aitqanyna kónip, aidauyna jýrmeytin bólek bolmysynan qatty shoshyndy...

***   ***   ***

...Osydan tura 29 jyl búryn, yaghni, 1982 jyly orys tilin aspandaghy kýnge balap, basqa tildi kýldey taptaghan Kenes ýkimeti qazaqtyng birbetkey úly, biregey daryny, jana keyiptegi aduyndy Mahambeti - Múhtar Shahanovtyng talanty aldynda bórkin sheshuge mәjbýr boldy. Osy jyly qazaq әdebiyetinde, onyng ishinde, qazaq tildi aqyndar men jazushylar arasynda túnghysh Býkilodaqtyq Lenin komsomoly syilyghyn Múhtar Shahanov iyemdendi.

Ózge últtan ýretin iyti men syghatyn biytin de qyzghanatyn ormanday orystyng múnday joghary dәrejedegi syilyghyn súrap ta, satyp ta alu mýmkin emes edi. Soqyr kórip, sanyrau tynday alatyn búl shyndyq orystyng óktem zamanynda esh búzylghan emes. Sany kóp, siqyry mәlim ózbekting ózi de múnday marapatty syilyqty qanjyghasyna baylaudy armanday da almaghan.

Múnday nesibeni, tek, Múhtar Shahanovtay poeziyada qaytalanbas qúbylys tughyzyp, eshkimge úqsamaytyn quatty jyrlarymen ónerding talapay tartysynda oq boyy oza shapqan has talanttar ghana tartyp alatyn.

Múnyng ózi qay tilge audarylsa da, Múhtar Shahanov ólenderining jasampazdyq jalyny suymay, shalqar shabyty kemimeytindigining aiqyn aighaghy bolatyn.

Búl kezeng - Múhtar shygharmashylyghyndaghy tebingisi endi ghana tershy bastaghan besti túlpardyng alghashqy ainalymdaghy aryny siyaqty su tógilmes jorgha jýrisi edi. Shahanov ózining alghashqy ólender, balladalar men poemalar jinaghy «Baqyt», «Ay tuyp keledi», «Qyrandar tóbege qonbaydy», «Sezim patshalyghy», «Ghashyqtyq ghalamaty» atty kitaptarymen kórinip, qalyng oqyrmannyng nazaryn tyng oi, dara talghamdarymen ózine audardy. Aqynnyng asqaq talanty qazaq tiline baqayshyghyna deyin qarsy adamdardyng jasyq jigerlerin qúmday ezip, borday ýkti...

***   ***   ***

...KSRO Jazushylar Odaghy 1986 jyldyng basynda Mәskeudegi Ádebiyetshiler ýiinde Múhtar Shahanovtyng shygharmashylyq keshin ótkizudi josparlaghan bolatyn. Qazaq әdebiyetin ózge últtyng qúrmet tórine kótergen Múhtardyng búl jenisin orystyng klassik aqyny, esimi kýlli әlemge mәshhýr Evgeniy Evtushenko Múqana arnayy telefon soghyp, sýiinshileydi.

Osyghan deyin odaqtaghy últ aqyndarynyng ishinen tek Rasul Ghamzatov pen Qaysyn Kuliyevke ghana kórsetilgen múnday airyqsha qúrmetke qazaqtyng marqasqa jampozy Múhtar Shahanovtyng balasha quanbay, kerisinshe, asa bir tektilik bolmyspen salqynqandylyq tanytqanyna dosy Evtushenkonyng ózi tang qalady.

1986 jyldyng nauryzyna josparlanghan shygharmashylyq keshin Múhtar Shahanov: «Kesh ótkizetin kónil kýiim de, dayyndyghym da joq» - dep, mamyr aiyna qaldyrady. Mamyrda Múqang nauqastanynqyrap qalyp, keshti taghy da shegindirip, aqyrayaghy jeltoqsangha jetkizdi.

Sol kezdegi últ aqyndarynyng ishindegi tiri klassikterding kóbining qyzyghushylyghyn tudyrghan múnday ýlken qúrmetti qayta-qayta keyinge qaldyryp, kesheuildetken qazaq aqynynyng qylyghyna orystyng qarymdy qalamgerleri týsinbey: «Shahanov nege sonsha bәlsinip, shalqayyp jýr. Múnday qúrmetke qoly  jetkenine quanyp, alyp-úshyp jetpey me eken, Mәskeuge?!.» - dep, narazylyqtaryn da bildirdi.

IYә, úlyorystyq sasyq pighyldy shovinister Múhtar Shahanov siyaqty qazaqtyng keudesin eshkimge bastyrmaytin marqasqasynyng tabighy tәkәpparlyghy pen shynayy órligin týsine almay, dal boldy.

Al, M.Shahanovqa keregi - Mәskeuding kýldibalam qúrmetsymaghy emes, qazaqtyng namysy men mýddesi edi. Qasiyetti Arystan Bab әuliyening kiyeli ruhy mekendegen sherli Shәuildirding ayaq astyndaghy kәkir-shýkirdi elemey, alysqa qaraghan shabytty sayypqyrany bireuler sekildi qúrghaq ataqqa úmtylmay, elining ertenine elendedi...

***   ***   ***

1986 jyl... Mәskeu...

Búl jylghy qystyng qabaghy jyldaghydan qalynyraq týiilip, sýiegindi syrqyratar yzghary airyqsha ónmendep túrdy.

Qazaqtyng aqiyq aqyny Múhtar Shahanovtyng shygharmashylyq keshi 19 jeltoqsannyng kýni ótetin boldy. Múqang «Keshting dayyndyq júmystaryn jýrgizemiz» degen Evgeniy Evtushenkonyng әdeyi shaqyrtuymen Mәskeuge úshyp keldi.

Á degennen, Mәskeu qysynyng biylghy minezi Múqana múzday tiydi. Aspan súrlanyp, ayaz qaptaghan kókmúz kósheler súrghylt tartady. Ádette, әdemi kórinetin aluan týsti Mәskeu ghimarattary qalyng qar qymtanyp, «kәri qúdagha» qyryn qaraydy...

Mәskeude bilim alyp, qyzmette jýrgen qazaq azamattary az emes. Solardyng bәrine: «Múhtar Shahanovtyng jyr keshi jeltoqsannyng 19 kýni ótetin boldy» degen quanyshty habar jetip, jýrekterine auyldaghy anasynyng qaymaq qúighan ystyq shayynday jyly tiydi.

Keshting biyletteri qoldan-qolgha ótip, kassalardyng esigi tannan keshke deyin qaz-qatar tizilgen qazaqtargha toldy. Birneshe kýnning ishinde barlyq biyletter satylyp ketti. Biyletsiz qalyp, bilegin sybanghan jigitter men ókingen ainamkózder de az bolmady. Búl kýnderi Mәseude kezdesken eki qazaqtyng әngimesi Múhtar Shahanovtyng keshi turaly boldy.

Aqynnyng әr kitabyn qalt jibermey qadaghalap, ólenine qúrmetpen qaraytyn Qazaq teledidary men radiosynyng tóraghasy Ghadilbek Shalahmetov te Mәskeuge arnayy at basyn búrdy. Ózining qúrmet tútatyn aqynynyng sharualaryna qolghabys beru niyetimen erterek kelgen Ghadilbek 17 jeltoqsan kýni ayaq astynan Almatygha qaytatyn boldy. Abyrjynqy kónilmen, asyghystau: «Almatyda jastar kóteriliske shyghypty. Meni Kolbin izdep jatyr» - dep, Shahanovpen qysqa qoshtasyp, asyghys attanyp ketti...

...Dauyl aldyndaghy óli tynyshtyqtay ýnsiz mýlgip, siltidey tynghan Kenes halqy 1986 jyldyng qaharly jeltoqsanynda Almatyda qazaq jastary narazylyqqa shyghyp, 70 jyl halyqtyng ensesin ezgen biylikke qarsy kóteriledi, dep mýldem oilamaghan bolatyn.

Biraq, әkki Kenes ýkimeti erte me - kesh pe, múnday tótenshe jaghdaydyn, әiteuir, bir oryn alaryn aldyn-ala boljap, «Metel» operasiyasyn әzirlep, kóterisshilerdi qyryp tastaugha saqaday say túrghan edi.

Almatydaghy qazaq jastarynyng kóterilisin Mәskeudegi Ortalyq telearna jeltoqsonnyng 18 kýni habarlady. Búl kýni Qazaqstan Elshiligining qonaq ýiindegi M.Shahanov jayghasqan bólmede Mәskeudegi qazaq jastarynyng on shaqty belsendi ókilderi bas qosyp, tughan jerinde tu kóterip, atqa qonyp jatqan bauyrlaryna qalay ýn qosyp, demeu beruge bolatyny jayly qyzu pikirtalas qúryp jatty...

Mәskeu kósheleri týkirik jerge týspeytin ayaz, ýilerding terezeleri múzdan «kóz ashpay» qaldy. Syrt kiyimin sheshpesten siresip otyrghan jigitterding kirpidey týiilgen suyq qabaqtary men Múhtardyng oy ýstindegi salqyn jýzi Almatydaghy jeltoqsan ayazyn ayaday bólmege әkelip tyghyp jatty. Bólme ishindegi әngime qanshalyq qyzu bolghanymen, bәrining dauysynda belgisiz bir saqtyq bar bolatyn.

Ýy ishindegi kónilsiz әngimeni esikti asyghyp ashyp, abyrjy kirgen KSRO Jazushylar Odaghyndaghy Qazaqstannyng ókili Rollan Seysenbaev búzyp jiberdi. R.Seysenbaev ózine ýdire qarap túrghan jigitterge sәlemning isharasyn jasady da, M.Shahanovqa tike qarap: «Býgin KSRO Jazushylar odaghynyng basshylaryn KOKP Ortalyq Komiytetine shaqyryp, shúghyl jinalys ótkizdi. Jinalysta sizding jyr keshinizdi keyinge qaldyru jayly tapsyrma berdi. KSRO Jazushylar Odaghy Basqarmasynyng jauapty hatshysy Kim Selihov joldastyn: «Biylet týgel taratylyp ketti. Jinalghan qalyng júrtqa ne uәj aitamyz?» - degen qarsylyghyna: «Múhtar Shahanov jol apatyna týsip, ayaghyn syndyryp aldy. Osynday laqap taratyndar» dep búiryq berdi» dedi de, kýrsinip, otyra ketti.

Jazushylar odaghynyng ókili jetkizgen búl habary birsәt ýreyli, ýnsiz tynyshtyq ornap, artynsha kýbir-sybyr kóbeyip ketti. Sosyn, jauyryndy kelgen qonyrqay jigit ornynan týregelip, otty kózimen ainalasyn bir sholyp ótti de, sýiikti aqynyna birinshi ret tike qarap:

- Eger Ortalyq Komiytet sonday emeurin tanytsa, aitqanyn isteydi. Múqa, «ýsheudegiler» siz mingen mashinagha basqa bir mashinany soqtyryp, ayaghynyzben birge býirek-bauyrynyzdy da ezdire saludan tayynbaydy. Sondyqtan, biz sizding qasynyzdan ketpey, qorghap jýremiz, - dep, mәselening manyzdylyghyn da, kesimin de ózi aitty.

Búl sózderdi shala esitip, jýzi kýrendenip otyrghan Múhtardyng ishki dýniyesi әlem tapyryq kýige týsip, ózimen-ózi әlek boldy. Shynymen, tughan topyraghynda ghasyrlar boyy úiqyda jatqan janartaudyng oyanghany ma?

Jýrek týkpirinen kógershindey úshyp shyghyp, jyrlarynyng әr tarmaghyna qonaqtaghan últtyq ruh pen namys shynayy ómirden, óz halqynyng boyynan, rasynda, tabylghany ma? Izdegeni - tabylghanday, ólgeni - tirilgendey, aqyl-esten aiyrylyp otyrghany osy...

Múhtardy jyr keshining ótpeui alandatyp otyrghan joq. Ol Almatyda alangha shyqqan qazaqtyng batyr úl-qyzdarynyng bolashaq taghdyryna alandap, bayyz tabar emes...

***   ***   ***

Múhtar Shahanovtyng ómiri tolassyz, keskilesken qayshylyqtargha toly boldy. Ár qadamyn órge basyp, aghysqa qarsy jýzgen aqyn taghdyr jolynda kezikken kedergilerdi tas-talqan etip búzumen keledi.

M.Shahanovtyng Mәskeudegi jyr keshi qatardaghy kesh emes, sheshushi kezendegi salmaqty shara bolgha tiyis edi. Keshting belgilengen uaqytyna birneshe saghattar qalghanymen, jogharghy jaq әli rúqsatyn bermedi.

Shydamy tausylghan aqynnyng dosy Evgeniy Evtushenko KOKP Ortalyq Komiyteti Sayasy burosynyng mýshesi, KOKP Ortalyq komiytetining hatshysy Yakovlevke telefon soghyp: «Búl keshting býgin ótetininen qalyng júrt habardar. Shetelden kóptegen jurnalister, belgili adamdar qatysayyn dep otyr. Sondyqtan, múny keyinge qaldyrugha bolmaydy. Barlyq jauapkershilikti KSRO Jazushylar Odaghynyng qoghamdyq negizdegi hatshysy retinde men óz moynyma alamyn», - dep, tótesinen aitady.

M.Gorbachevpen aqyldasqan Yakovlev, aqyry, Múhtar Shahanov keshining óz uaqytynda ótkiziluine rúqsat berdi. Sóitip, Kenes odaghynyng tarihynda KOKP Ortalyq Komiyteti Sayasy Burosynyng mýsheleri, Ortalyq Komiytetting hatshylary, tipti, onyng bas hatshysy M.Gorbachevting tikeley aralasuymen ótken eng ýlken sayasilandyrylghan keshting shymyldyghy der kezinde ashyldy.

A.Fadeev atyndaghy Ádebiyet ýiining myng adamdyq zalyna myng tórt jýz adam kirip, kórermenning kóbisi otyratyn oryndyq emes-au, ayaq tirep túratyn últaraqtay jerding búiyrghanyna quanghan kesh boldy, búl.

M.Shahanovqa qalyng kórermenning arasynda Qauipsizdik komiytetining 60-70 qyzmetkeri ýsh-tórtten bólinip, jayghasyp alghany turaly aqparat jetti. Ádebiyetshiler ýiining syrtynda ýsh jerden kýzet qoyylyp, biyletsizderdi jolatpady. Ádebiyetshiler ýiine jaqyn mandaghy Krasnopresnenskaya men Barrikadnaya metrolary «tehnikalyq aqau boluy sebepti» syltau etilip, jabylyp tastaldy.

Osydan keyin-aq, Múhtar Shahanovtyng әrbir keshi naghyz últshyl, otanshyl, tilin saqtaghan, dini berik, ruhy múqalmaghan qazaqtardyng bas qosatyn Kýltebesi bolyp qalyptasa bastady. Óitkeni, aqyn shygharmashylyghynyng kýlli ózegi órlik pen namystan, ruh pen shyndyqtan taza týzilgen bolatyn.

Múnyng dәleli Mәskeudegi atyshuly keshten bastau aldy. Kórermenderding ortasynan Erbol Bayjarqynov degen qazaq jigiti M.Shahanovqa gýl bermek bolyp sahnagha shyghyp, eki jýz elu adamnyng qoly qoyylghan Mәskeudegi qazaq studentterining KOKP Ortalyq Komiytetine batyl narazylyq, qarsylyq bildirilgen Ýndeuin oqy jóneldi. Zalda qarapayym kiyinip otyrghan qauipsizdik komiytetining qyzmetkerleri Erboldy sahnadan sýirep týsirip, alyp ketti. Qauipsizdik komiytetining qalyng «qasqyrlary» bolmaghanda, kim biledi, jyr keshining ayaghy ekinshi jeltoqsan kóterilisine úlasyp ketui de әbden mýmkin edi.

Kesh sonynda KOKP Ortalyq komiytetining bir qyzmetkeri M.Shahanovqa: «Siz Ortalyq teledidardaghy «Vremya» habaryna Almatydaghy jeltoqsan oqighasyn qatysqan búzaqy jastardy aiyptap súhbat beriniz. Alangha shyqqandar kileng maskýnemder men nashaqorlar, dep aiyp taghynyz!» - degende, Múhang oghan qolyn bir-aq siltedi...

Osy kýnnen bastap, Múhtar Shahanovtyng «Jeltoqsan oqighasynyn» aqiqaty ýshin úzaq jyldarghy kýresi bastaldy...

Osy sәtten bastap, qazaqtyng tiri jýrgen jalghyz qas batyry egeuli nayzasyn qolgha alyp, ereuil atyna er saldy...

Osy saghattan bastap, M.Shahanovtyng ólispey - berispeytin, shataspay - sheginbeytin, moyyndatpay - moyymaytyn úly joryghy bastaldy...

***   ***   ***

Jaratqan IYemiz M.Shahanovtyng mandayyna últy ýshin kýresudi o basta jazghan boluy kerek, Múhang ne istese de, әrdayym poezdyng qos relisindey, últ mәselesi qatar jýretin. Odan Múhtar Shahanov qashyp qútylmaytyn jәne qashugha da talpynbaytyn...

Tura eki jyl ótken son, 1988 jyldyng 2 qyrkýieginde Qazaqstan Jazushylar Odaghynyng Plenumynda Jeltoqsan oqighasy tóniregindegi әdiletsizdikter turaly túnghysh ret qaymyqpay, qara qyldy qaq jaryp, jariya aitqan Múhtar Shahanov aragha bir jyl salyp, 1989 jyldyng 6 mausymynda Mәskeudegi Kremliding Sezder Sarayynda kóptegen bógetterge qaramastan, «Aral problemasyn aitamyn!» - dep, KSRO Halyq deputatarynyng birinshi sezining minberine aldarqatyp shyghyp, tipti, Birinshi hatshy M.Gorbachevtyng ózin jer sipatyp, kýlli kenes aspanynda nayzaghayday jarq etken Jeltoqsan oqighasynyng shyndyghyn jayyp saldy...

Shahanov sol otty nayzaghaydyng jalynyna ózining kýiip ketuining әbden mýmkin ekendigin bile túra, qazaq tarihynynyng jiyrmasynshy ghasyryndaghy eng ýlken erlikke bas tikti.

Shahanovtyng búl jýrektiligi - ghasyr basyndaghy ayauly Alash ziyalylarynyng últy ýshin shybyn janyn oqqa baylaghan erligimen para-par qaharmandyq edi. Eger osy kezdegi sayasy jaghday otyzynshy jyldardaghyday qanjútar qalpynda túrsa, onda Shahanov birinshi týnde-aq qamalyp, Maghjan shekken sherding dәmin tatar edi.

Áytkenmen, parasatty Qadyr Myrza-Áli aitpaqshy: «Qazaq bәrin keshiredi, tek, tiri jýrgenindi keshire almaydy» eken, Mәskeuding Kremliin kýniretken Múhandy aidyng kýni amanynda Esilding sol jaghalauyna jautandatyp qoydyq...

***   ***   ***

...1989 jylghy 6-mausym kýni Kremliding Sezder sarayyndaghy Múhtar Shahanovtyng býkil Kenester Odaghyn dýrliktirgen sózinen son, shúghyl týrde M.Gorbachevpen aldyn-ala kelisilgen, kórnekti aqyn Qadyr Myrzaliyev basqarghan komissiya Almatyda qúryldy. Jeltoqsan oqighasynyng naghyz shyndyghyn ashugha qúlyqsyz túlghalardyng birazy túmsyghyn tiregen búl komissiyany әdiletsizdikting taghy bir qadamy ekenin tolyq týsingen Shahanov bayaghy kózsiz batyrlyghyna basyp, Gorbachevting aldyn taghy da kesip ótip: «Komissiya qúramyna jeltoqsan oqighasyna tikeley kinәli adamdar әdeyi engizilgen: Búl mәselede shyndyqqa jetu ýshin tek KSRO Jogharghy Kenes mýsheleri men KSRO Halyq deputattarynan arnayy komissiya qúru qajet» dep baybalam salyp, qazaqty juas týiedey jýndep ýirengen Ýkimetting ýreyin úshyrdy.

Últynyng bolashaghy ýshin bel sheshe kirisip, betinen qaytpaghan batyr aqyn múnymen toqtamay, akademik Andrey Saharovtyng úsynysymen Jeltoqsan oqighasyn tekseretin, KSRO halyq deputattarynan arnayy komissiya qúrudy jaqtaghan hatqa 110 deputatqa qol qoydyryp, M.Gorbachevty tyqsyra týsti. Sóitip, birinshi komissiyagha qosymsha 8 qazaqstandyq KSRO halyq deputattaryn qosymsha kirgizgen, M.Shahanovty teng tóragha etip bekitken ekinshi komissiya dýniyege keldi.

Barlyq aqyl-oyy men qayrat-jigerin Jeltoqsan shyndyghynyng ashyluyna arnaghan Múqang búl komissiyada da últshyl, namysty  túlghalardyng tym azdyghyn birden anghardy.

Qazaq KSRO Jogharghy Kenesi bekitken qaulynyn: «Eger komissiya qajet dep tapsa, júmysshy-ekspert tobyn qúruyna bolady» degen tarmaghyn paydalanyp, Múhang jazushylardan, ghalymdardan, zangerlerden, sayasatkerlerden, qogham qayratkerlerinen, ishki ister salasynyng zeynetkerlerinen qúrylghan, jalpy sany 250 adamgha jetetin 8 júmysshy tobyn qúrdy.

Jeltoqsan kóterilisi auqymynda Ishki ister ministrliginin, Qauipsizdik komiytetinin, prokuraturanyn, әsker kýshterinin, jasaqshylargha arnayy temir tayaqtar әzirlegen zauyttardyng jasaghan zansyzdyq әreketteri men jogharghy biylik basyndaghylardyng әperbaqandyq qylyqtaryn zerttegen búl 8 júmysshy toby bas-ayaghy bir jarym aidyng ishinde kóptegen әdiletsizdikterding betin ashty.

Múhannyng ózi teng tóraghalyq etken búl komissiyanyng әr basqan qadamy biylikting qatang baqylauynda bolumen qatar, onyng tynyshyn ketirip, qútyn qashyrdy.

Aqyrynda, «jylannyng ayaghyn sanaghan» sayasatkerlerding bar «ónerin» saluymen búl komissiya jabylyp qaldy. Al, qazaqty qoyday iyirip, qoyanday ýrkitip ýirengen Kenes biyligi uaqytsha maqsatyna jetti.

Jeltoqsan shyndyghyn býkpesiz jetkize bastaghan komissiyanyng jabyluymen últ tarihyndaghy úly kóterilisting kýie jaghylghan kýiinde qaluyn aqiqat ólshemi men azamattyq aryna sidyra almaghan Múhtar Shahanov alghan betinen qaytpay, shyndyqqa jetuding sony soqpaghyn izdep, jana sýrleuin salugha kiristi.

Múhtar qazaq teledidarynyng beldi jurnaliysi Qajy Qorghanovpen jolyghyp, últ taghdyry jolyndaghy oilary ortaqtasqan son, Jeltoqsan shyndyghyn ashatyn komissiya jónindegi jaghdaydy qalyng elge jetkizuding tiyanaqty josparyn qúrdy. Qajy Qorghanov ózi jýrgizetin telearnadaghy «Deputattyq kanal» dep atalatyn tikeley efirge eki-ýsh deputatty shaqyryp, solardyng bireuining kelmey qaluyn syltauratyp, onyng ornyna M.Shahanovty shygharyp, úly maqsatqa jetpek boldy.

Últy ýshin kýresken asyl azamattardyng aiy onynan tuyp, býkil Qazaqstangha taraytyn telearnanyng tikeley efiyrinen M.Shahanov jeltoqsan jayly bar shyndyqty jayyp saldy. Temirdi qyzuynda soqqan Múhang kelesi bir belgili jurnalist, últshyl azamat Qúdaybergen Túrsynovtyng kómegimen tikeley efirding tizginine ekinshi ret qol jetkizdi...

Múhanmen qayta oyanghan qazaq jastary ekinshi jeltoqsannyng pisip-jetilip kele jatqanyn týsindi. «Múhtar Shahanov bastaghan qazaqtyng últshyl azamattary Ekinshi jeltoqsan kóterilisin úiymdastyruy mýmkin» degen zildi habar tóbesinen suyq su qúighanday tiygen M.Gorbachevtyn: «Jaraydy, M.Shahanov Jeltoqsan oqighasyn tekseretin komissiyany qaytadan qúrsyn. Qazaqstan azamattarynan qalaghan adamyn endirsin, qarsy bolmaymyn» - dep, uәde beruine tura keldi.

Últyn qorlaugha jol bermegen Múhtar Shahanov Jeltoqsan shyndyghyn aiqyndau turaly komissiyany tórtinshi ret qayta qúrghyzyp, onyng qúramyna Almaty qalalyq advokattar alqasynyng advokaty T.Búrabaevty, zang ghylymdarynyng kandidaty, S.M.Kirov atyndaghy Qazaq memlekettik uniyversiyteti zang fakulitetining dekany M.Sәrsenbaevty jәne osy uniyversiytetting dosenti, zanger n.Duberman men Sovettik qylmystyq prosess kafedrasynyng agha oqytushysy N.Jaqsymbetovty, Qazaqstan LKJO Ortalyq Komiytetining birinshi hatshysy IY.Tasmaghambetovty, Almaty sәulet-qúrylysy institutynyng agha oqytushysy N.Fokinany, Qazaq KSR halyq deputaty S.Ábdirahmanovty, Qazaq KSR Preziydenttik kenesining kenesshisi S.Qasymovty engizdi. Myqtylarmen qataryn tolyqtyrghan búl komissiya Jeltoqsan kóterilisining qandy sipat aluyna kinәli 44 adamdy tizip kórsetti.

Biraq, kenetten, Qazaqstannyng basshylyghynan KSRO Halyqtyq baqylau komiytetining tóraghalyghy qyzmetine auysqan G.Kolbin M.Gorbachevti 1986 jylghy Almatydaghy Jeltoqsan oqighasyn teksergen komissiyanyng sheshimin joqqa shygharu, qorghau maqsatynda KSRO Qauipsizdik komiyteti, KSRO Ishki ister ministrligi, KSRO Bas prokuraturasy qyzmetkerlerinen arnayy komissiya qúrghyzugha kóndiredi...

Búl qadam - M.Shahanovtyng jýregi toqtaghansha óshpeytin ruh otyna may qúighanday mazdata týsti. Shyndyqtyng aspanynda búlt túrghyzbaytyn Shahanov dauyly qayta qozdy.

Múhang dereu KSRO Preziydenti M.Gorbachevqa, KSRO Jogharghy Kenesining tóraghasy A.Lukiyanovqa ashyq hat joldady. Shyndyqty qorghap shynghyrghan aqynnyng hattary birneshe aqparat qúraldarynda jariyalandy. KSRO halyq deputattarynyng tórtinshi sezinde M.Shahanovpen úzaq súhbattasqan A.Lukiyanov Gorbachevti teris baghytynan qaytarugha uәde berdi. Kelesi kýni A.Lukiyanov M.Shahanovqa habarlasyp: «Joldas Shahanov, Siz jendiniz. Qoghamgha óziniz siyaqty qaysar adamdardyng qajet ekenin taghy bir ret dәleldediniz. Endi Siz basqarghan Parlamenttik komissiya sheshimine Memlekettik Qauipsizdik komiytetinin, Ishki ister ministrligining jәne Bas prokuraturanyng tújyrymy qarsy qoyylmaytyn boldy. Osyghan men Mihail Sergeevichti kóndirdim», - dep aghynan jaryldy...

***   ***   ***

Jasyratyny joq, qazaqta aqyndar az emes, talanttar da tolyp jatyr. Degenmen, adamdyghyn aqyndyghyna jyghyp bermegender men talantyn taza qalpynda saqtay alghandar biren-saran ghana...

Qazaqta shygharmalary әlemning 50-den astam elderining tilderine audarylghan, ólenmen jazylghan birneshe romandary YuNESKO-da dýrkin-dýrkin talqylanghan, múhittardyng mynsiqyrly mýiisindegi mәngilik júmbaq Japoniya elimen birge әlemdik dengeydegi 20-dan astam halyqaralyq akademiyalardyn, bilim ordalarynyng akademiygi, doktory, professory atanghan hәm aqyn, hәm qayratker jalghyz-aq, ol - Múhtar Shahanov.

Qazirgidey oilaushy men jazushynyng qúny kók tiyngha tatymaytyn tar zamanda ziyaly topty jaryp shyghyp, zyndannyng kýlimsi iyisinen qaymyqpay, qazaq últynyng qamyn (ózinin, balasynyn, otbasynyng nәpaqasyn emes) oilap, múqym qazaqtyng mәngilik mýddeleri jolynda Jeltoqsan aqiqaty ýshin atoyly aiqastarda basyn ajalgha tikken de - Múhtar Shahanov.

Tabany tartylyp, qúrdymgha ketip bara jatqan Aral tenizining qasiretin әlemdik dengeyge alyp shyghyp, der kezinde dabyl qaqqan da - Múhtar Shahanov.

1926 jyldan bastap, 62 jyl boyy toylaugha tyiym salynghan «Nauryz» merekesin últymyzben qayta qauyshtyrugha múryndyq bolghan da - Múhtar Shahanov.

1989 jyly 22 qyrkýieginde Qazaqstanda qazaq tilimen qatar, orys tili de memlekettik mәrtebe almaqshy bolghan kezde ótkirding jýzindey jarq etip belsenip shyghyp, tang atqansha tynym tappay, әrbir deputatpen jeke-jeke sóilesip, әngimelesip, ilandyryp, ana tilimizding abyroyyn saqtap qalghan da - Múhtar Shahanov.

Kenes odaghynyng «aq degeni - alghys, qara degeni - qarghys» bolyp túrghan shaghynda shyndyqty shimirikpey aityp, keskilese kýresken de - Múhtar Shahanov...

Aqyrynda, Múhtar Shahanovtyng kýlli ghúmyrynyng baghasy - bir zamandaghy jonghar shapqynshylyghynan qazaqty aman alyp qalghan batyrlardyng erlik dәrejesimen para-par. Búrynghy batyr babalarymyzdyng jasampazdyghy býginde jalghyz Múhtardyng ghana qabaghyna týnep, jýregine ornyqqan tәrizdi...

Ajaldan qaymyqpaytyn, qúrbandyqtan qoryqpaytyn, baylyqqa qyzyqpaytyn, mansapqa qúlamaytyn, teksizdikke tózbeytin, jemqorlyqty jek kóretin, últyna últaraq bolugha әzir naghyz adal perzenttik qadir-qasiyet әzirshe Múhtar Shahanovtan basqanyng talayyna taban tirer emes...

Qazaqtyng qaysar aqyny M.Shahanovtyng últ ýshin tasty jaryp, taudy tesken; otty jalang ayaq keship, oqty jalang tósimen tosqan erligi qalyng qazaqtyng jadynda mәngilik saqtalatyn bolady...

...Eger qazaqtyng qadym tarihynda úlylar qonystanghan qút-meken bolsa, qazir olardyng qataryna layyq jer basyp jýrgen jalghyz qazaq bar.

Ol - Múhtar Shahanov!

«Abay-aqparat»