(nemese So my dreams come true!)

Býgin tanerteng júmysqa әdettegiden sәl keshiginkirep keldim. Ofiysime kirgen betim sol edi, aldymnan ýstinen Shaneli әtiri anqyghan hatshym qúshaghyn jaya jýgirip shyghyp, «Aghay!» - dep moynymnan qysyp qúshaqtap aldy. 

- «Qúttyqtaymyn, aghay! Qúttyqtaymyn! Sizge Nobeli syilyghy beriletin boldy. Nobeli alghan túnghysh qazaq bolasyz!» – dep quynyshy qoynyna syimay meni qúshaghyna qattyraq qysyp jatyr. Shaneliding iyisi múrnymdy jaryp barady. Ne bolyp jatqanyn týsine alar emespin...

- Qaydaghy Nobeli? Ne aityp túrsyn?

- Aghay maghan senbeysiz be? Qazir kórsetemin, - dedi de, meni qúshaghynan bosta salyp ýsteline qaray úmtyldy. Dereu bir japyraq qaghazdy aldy da, maghan úsynyp «Qaranyz! Qaranyz!» dep bezek qaghyp túr. Qaghazdy alyp qarasam óz kózime ózim sene almadym, Nobeli komiytetinen kelgen resmy shaqyrtu. 

Sóitip, mejelegen uaqytta Norvegiya astanasyna jol tarttyq. Astana qalasynan Oslogha úshatyn tike reys bolmaghandyqtan úshaq auystyrugha tura keldi. Boingpen Astanadan әueli Londongha úshyp keldim. B-757 degen keremet úshaq qoy. Sýp-sýikimdi bortserik qyz Mars shokoladyn әkelip berdi bizge. Lipton shayyn iship, qasymda otyrghan Fulbrayt týlegimen әngimelesip bardym. Galiyfe shalbar kiygen әiel qolyna Suarovsky asyl tastarynan jasalghan әshekeyler taghyp alypty. 

Áuejayda 2 saghattay ayaldadyq. Sol aralyqta múqabasynda Eyfeli múnarasy beynelengen aghylshyn tilindegi Forbs jurnalynyng birneshe betin oqyp ýlgerdim. Eki saghattan song taghy da Boingke otyryp Oslogha tarttyq. 

Ol jaqta úiymdastyrushylar kýtip alyp, bes júldyzdy Hilton qonaq ýiine ornalastyrdy. Maghan djakuzziy bar nomer búiyrypty. Qonaq ýige qarama-qarsy bette MekDonalids bar eken. 

Djakuzziyge týsip alyp ainagha qarasam, bet-auzymdy aram shóp basyp ketken. Dereu qolyma jilletti aldym da, qyryp tastadym. Sodan song birinshi qabatqa týsip, qolyma Parker qalamyn aldym da, Djek Deniyelsten úrttap otyryp saltanatty sharada sóileytin sózimdi jazdym. 

Syilyqty tabystau rәsimi kelesi kýni bastaldy. Norvegiya korolimen qol alysqanda qatty qobaljyghanym ras. Jýregim dýrsildep túr. Qalay degenmen de Nobeli syilyghy búiyrghan birinshi qazaqpyn ghoy... Osydan song tribunagha shyghyp, mikrofondy ynghaylap, saltanatty týrde sóz sóileuge ynghaylandym. Zalgha bir kóz tastasam lyq toly adam, shyrtyldaghan fotoapparattar men beynekamera ústaghan operatorlar. Birynghay iygi jaqsylar jinalghan eken. Bәrining de nazary mende. 

Tereng bir dem aldym da, «Good afternoon dear ladies and gentlemen!» – dep kóterinki dauyspen saltanatty sózimdi bastay berip edim, bireu artqy jaghymnan kelip sol jaq iyghymnan artqa qaray júlqylady. Shoshyp kettim. «Áy, túr! Tal týske deyin úiyqtaysyng ba? Qoy ketip qaldy. Ákeng esegindi erttep ketti. Minip al da, quyp jet! Ákeng jalghyz ózi bagha almaydy» - degen aighay aralasqan ashuly dauys estildi. Kózimdi ashsam qoy kezekke oyatyp jatqan sheshem eken. Baghanaghy kórip jatqanymnyng bәri týs eken. Qap, әttegen-ay! Typ-tym jaqsy týs kórip jatyr edim, oyatyp jibergenin qarashy.

- Tuu, mama! Kýshti týs kórip jatyr edim, bәrin qúrttyn! 

- Solay jata beresing be tal týske deyin? Júrttyng sendey balalary qoy kezekti jalghyz ózi baghyp kelip jýr. Sen bolsang jasyng jiyrma beske kelse de qasyna әkeng erip jýrui kerek. Eng bolmasa qoy kezek baghu da qolynnan kelmeydi. Túr boldy! – dep ýstimdegi kórpeni júlyp aldy da, esikti tars jauyp shyghyp ketti sheshem.

- Júrttyng balalary Nobeli turaly týs kóredi me? – dep aighayladym men úiqyly-oyau, yzam kelip... Áriyne, sheshem mening búl sózderimdi estigen de joq. Estise de týsingen joq... 

Oralbek J. Óteghúlov

Filolog, sayasattanushy

Abai.kz