Baydenning Reseyge, Ukrainagha, Belorussiyagha sayasy ústanymy qanday bolmaq?

Batystyq analitikter Baydenning ústanghan sayasaty Tramptyng sayasatyna mýldem úqsamaydy dep boljauda. Jana kóshbasshy Reseyge, Ukrainagha, Belorussiyagha jana, tyng formattaghy pragmatikalyq josparymen qarym-qatynasta bolady. Tramp siyaqty Reseyding yghyna jyghylyp ketpeytinine senimdi. Ukrainalyq keybir sayasy sarapshylar Trampty «podkuplennaya figura» dep atady. Sebebi, olardyng aituynsha Tramp basqarghan 4 jyldyng ishinde TMD elderining shenberinde AQSh-tyng tarapynan eshqanday da sayasy yqpal bolmaghan, Putinmen auyz jalasqan. Tramptyng AQSh preziydenttigine keluin de Putinmen sabaqtas dep boljaydy.

Atlantic Council ortalyghynyng diyrektory Djon Herbst Baydenning uaqytyndaghy AQSh-tyng Reseyge qatysty syrtqy sayasaty qatang әri sóz kýiinde qalmaydy deydi. Ol 2018 jyly Helisinkiydegi Putin men Tramptyng kezdesuindegi AQSh preziydentining «birtýrli» ústanymyn syngha alady. Sebebi, dәl osy kezdesuden keyin AQSh-tyng Reseyge qatysty ústanymy nәtiyjesiz qalghan. Onda Putin Tramptan «Resey men Ukrainagha kómek berudi ashyq súraghan» delingen.

Reseyge qaraghan «qarshygha»

Bayden 2009 jyly viyse-preziydent kezinde AQSh-tyng memlekettik hatshysy Hillary Klintonmen birge Reseyding Syrtqy ister ministri S.Lavrovqa Reseymen aradaghy aiqastyng jana etapy bastalghanyn ashyq eskertken. Batystyng sayasy ekspertteri Baydendi sol kezde «Reseyge tóngen qarshygha» dep atady. Biraq Bayden sol sayasy pozisiyasynyng әli sol qalpynda ekenin keshegi saylau aldynda taghy qadap aitty. Demek, Reseydi Ukraina men Belorusi isine baylanysty qat-qabat sanksiyalar kýtip túr degen sóz.

Bayden Trampty Reseyge ashyq ústanymynda túra almady dep aiyptap, «Putinning kýshigisin! Resey meni saylaudan ótkizgisi kelmeydi, sebebi men olardy jaqsy bilemin, olar meni de jaqsy biledi» dep, debatta betine basyp tastady. Batys sarapshylarynyng pikirinshe, Vashington Kremlige qatang sayasy pozisiya ústanady, ózining shenberinde ashyq talap pen «dialogqa» shaqyruy da mýmkin deydi. Reseymen aradaghy birneshe stragegiyalyq kelisim sharttardy da toqtatatynyn keshe ghana aitty.

Bayden Belarusiti barynsha qoldap otyr. Al Tramp Belarusi mәselesine bas qatyrmady. Ol Tramptyng komandasyn synap, eshqanday pozsiya ústanbaghanyn aiyptap, Belorusi halqynyng demokratiyalyq qúndylyqtar jolyndaghy kýresine rizashylyghyn bildirgen. Al, Belorusiting qazirgi «nelegitimnyi» preziydenti Aleksandr Lukashenkogha sanksiyalar baryn aityp, AQSh-taghy esep shottarynyng búghattalatynyn eskertken.

Alda talay, talay qyzyq bolatyny endi ap-anyq. Múnyng bizge de sayasy yqpaly kýshti ekenin úmytpanyz.

Bekbolat Qarjan

Abai.kz