- 1 qyrkýiek pen 16 qarasha aralyghynda kezekshi synypqa baryp jýrgen 302 oqushydan koronavirus anyqtaldy. Bir baladan virus pnevmoniyasy tabyldy. Qazir 456 bala emdelip jatyr. Oqu jylynyng basynan beri mektep qyzmetkerlerining arasynda 241 jaghday tirkeldi, - dedi komiytet jetekshisi.

Onyng sózine qaraghanda, koronavirus júqqan oqushy men múghalim elding barlyq aimaghynan tabylghan. Árbir jaghday boyynsha epiydemiologiyalyq zertteu jýrgizilip, virus júqqan adammen baylanysta bolghandar anyqtalyp jatyr.

Koronavirusqa baylanysty Qazaqstanda oqushylardyng basym bóligi 1 qyrkýiekten beri qashyqtan bilim alyp jatyr. Tek keybir mektepterde bastauysh synyptargha arnalghan "kezekshi synyptar" úiymdastyrylghan. Búghan qosa, keybir aimaqta bala sany 300-den aspaytyn shaghyn mektepterge dәstýrli formatta oqugha rúqsat etilgen.

Bilim jәne ghylym ministrligining mәlimetinshe, 3 millionnan astam oqushynyng altydan bir bóligi nemese jarty millionnan astam bala mektepke baryp jýr.

16 qarashada barlyq mektepte ekinshi toqsan bastaldy.

Qazaqstanda songhy uaqytta koronavirus júqtyrghandardyng kóbeygeni bayqalady. Densaulyq saqtau ministrligining Telegram-arnasyndaghy mәlimet boyynsha, qazir Shyghys Qazaqstan jәne Soltýstik Qazaqstan oblysy "qyzyl aimaqqa" engen. Núr-Súltan, Almaty qalasy, Qostanay, Pavlodar oblystary - "sary aimaqta". Qalghan aimaqtar - "jasyl zonada". Osyghan deyin Batys Qazaqstan oblysynda karantin kýsheygeni habarlanghan edi.

Songhy mәlimet boyynsha, Qazaqstanda koronavirus júqqany testpen dәleldengen 121 mynnan astam adam bar: 109 myny jazylghan, 1952 adam qaytys bolghan. Búghan qosa, 40 mynnan asa adamgha koronavirus pnevmoniyasy diagnozy qoyylghan: basym bóligi aiyqqan, 421 adam qaytys bolghan.

Elde koronavirus statistikasyna kýmәn keltiretinder de bar. Tәuelsiz zertteu jýrgizgen Sandj zertteu úiymy "elde ýsh millionnan astam adamgha virus júqqan" dep sanaydy.

Abai.kz