Qazir Reseyding zomby jәshigi Ortalyq Aziya elderine «Orys әleminin» patshalyq jәne qyzyl imperiya kezinde tamasha ekonomikalyq-әleumettik ómir men ilim-bilim syilaghanyn jer-kókke kótere dәripteuge kiristi. Búl jantalasudyng astarynda kóp nәrse jatyr. Shyndyghynda býgingi kýni barshamyz búrynghy «agha halyqty» últ sanasynan óshiretin resey metropoliyasy men ortalyqaziya elderi arasyndaghy jana qarym-qatynastyng kezeni bastalghanyna kuә bola týsudemiz. 

Biraq Ortalyq Aziya elderining elitasy men búqarasynyng ústanymy eki bólek bola týsude. Biyleushi tap ortaq tarihtyng kenestik jәne tipti patshalyq kezendegi dәuirin óz elderinde ekonomikalyq, әleumettik jәne intellektualdyq jaqtan tamasha boldy degenge maldanuda. Biraq ótkende ketken ese men qorlyqty este ústaudy kerek etetin postkenestik, postimperiyalyq dәuir óz degenin isteude. 

Osy otqa may qúighan kenes-pәshes ayarlyghynyng dәleli Molotov-Ribbentrop  Paktisining avtorlarynyng biri Molotovtyng nemeresi, resey sayasattanushysy Vyacheslav Nikonovtyng reseyding Ortalyq 1 arnasynyng tikeley efirdegi: «Qazaqstan degen mýldem bolghan joq, soltýstik Qazaqstan tipti júrt túrmaghan qúla dýz edi. Olar boldy, biraq sәl-pәl ontýstikke qaray qonystandy. Bir sózben aitqanda, Qazaqstan territoriyasy degenimiz – Resey men Kenester Odaghynyng tarapynan jasalghan úly syiy. Ortalyq Aziyagha qarata tap osynyday týitkildi mәselelerdi aita alamyz»! degen mәlimdemesi boldy.

Mine osy sózge qazaq sayasattanushysy Aydos Sarym ózining Facebook paraqshasynda Reseyding Memlekettik dumasy men «Edinaya Rossiya» partiyasynan resmy týsinik beru men júrt aldynda keshirim súraudy talap etti. 

Onda: «Qazaqtargha eshkim de, eshqashanda bir sýiem jerin syilaghan emes. Tәuelsiz de, Egemen Qazaqstannyng býgingi aumaghyn qamtyghan Barsha jer – ata-babalarymyzdyng qanshama ghasyrlar boyy qany men terin tógip jaulap alghan kiyeli topyraghy....

Óz atymnan jәne «Nur-Otan» partiyasyndaghy әriptesterim atynan búnday mәlimdelerge jol beruge bolmaydy dep sanaymyn! Reseyding Memlekettik dumasy men «Edinaya Rossiya» partiyasy Nikonovtyng memleketter men halyqtar arasyndaghy qarym-qatynasqa zor syzat týsiretin qorlau men ótirikke qúrylghan jalghan tarihy mәlimdesine qatysty resmy týsinik berip әm júrt aldynda keshirim súraydy degenge senimdimin» delingen.

Sonda, әsireimperiyashyldar ótkenimizge kýl shasha bermek pe?! Saylaugha týsip jatqan partiyalar Reseyding Memlekettik dumasy men «Edinaya Rossiya» partiyasynan resey sayasattanushysy Vyacheslav Nikonovtyng reseyding Ortalyq 1 arnasynyng tikeley efirdegi mәlimdemesine qatysty óz narazylyghyn ashyq bildire ala ma!?

Ábil-Serik Áliakbar

Abai.kz