Jeksenbi, 9 Mamyr 2021
1460 1 pikir 20 Sәuir, 2021 saghat 18:36

«Tәuelsizdik: Sóz ben Suret» onlayn-bayqauy bastaldy

QR Tәuelsizdigining 30 jyldyghyna oray Qaraghandy oblysy әkimdigi mәdeniyet, arhivter jәne qújattama basqarmasynyng qoldauymen «Mәdeniyet portaly» aqparattyq agenttiginde túnghysh ret ótkizip jatqan «Tәuelsizdik: Sóz ben Suret» atty aqyndar men suretshiler arasyndaghy respublikalyq onlayn-bayqauy jariyalandy. Onlayn-bayqaudyng jýlde qory - 7 600 000 tenge.

Búghan deyin elimizde bolmaghan búl mega jobanyng negizi maqsaty – Respublikadaghy suretshiler men aqyndardyng shygharmalaryn nasihattau hәm tanytu, olardyng tuyndylary arqyly Qaraghandy oblysynyng tarihy túlghalaryn, mәdeny eskertkishterin, sakraldy oryndaryn, tabighatyn, Tәuelsizdik kezeninde ólsheusiz ýles qosqan túlghalardyng esimin asqaqtatu, poeziya men suret ónerining ýndestigin baghalau әri baghamdau, oqyrman qauymnyng moderndik ortasyn qalyptastyru.

Bayqaudyng ereksheligi – óner sayysyna qatysushy aqyndar men suretshilerding jas ereksheligine shekteu qoyylmaydy, yaghny kez-kelgen jastaghy shygharmashylyq túlgha qatysa alady.

Onlayn-bayqau qazaq jәne orys tilinde ótedi. Bayqaugha respublikanyng barlyq oblystary pen megapolisterindegi suretshiler men aqyndar shygharmalaryn «Mәdeniyet portalyna» onlayn týrde óz qolymen tirkey alady. Ol ýshin ýmitkerler «Mәdeniyet portalyna» tirkelip, búryn esh jerde jariyalanbaghan, konkursqa úsynylghan shygharmalary men jeke mәlimetterin portalda kórsetilgen «Shygharmany qosu» batyrmasy arqyly ornalastyra alady. Sonymen qatar onlayn-bayqaudyng basqa da sharttaryn «Mәdeniyet portalyndaghy» (madeniportal.kz) Erejesinen oqyp alugha bolady.

«Tәuelsizdik: Sóz ben Suret» atty aqyndar men suretshiler arasyndaghy respublikalyq onlayn-bayqauy ayasynda jenimpaz Aqyndardyng ólenderi qazaq, orys jәne aghylshyn tilderine audarylyp, Suretshilerding kartinalarymen birge arnayy alibom dayyndalady. Jenimpazdardyng shygharmalarynan qúralghan atalmysh alibom aghylshyn jәne orys tildi memleketterding últtyq kitaphanalaryna joldanady. Múnymen qosa alibom arnayy týsirilgen beynerolikterge silteme berilgen QR-kodtarmen jaryq kórmek.

Onlayn-bayqau 2 kezenmen ótedi: 1-kezeng – Suretshiler ýshin; 2-kezeng –Aqyndar ýshin. Bayqaudyng Suretshilerge arnalghan 1-kezeni 20.04.2021 – 20.06.2021 aralyghynda ótedi. Jenimpaz 8 suretshi anyqtalyp, ýzdik 8 kartina ashyq jariyalanady. 26.06.2021 – 26.07.2021 aralyghynda ótetin bayqaudyng Aqyndargha arnalghan 2-kezeninde ýzdik 8 suretting bireuin tandap, sol suret turaly 1 poeziyalyq shygharmasyn (ólenin) joldau arqyly qatysa alady.

Jenimpazdardyng jýldeleri tómendegidey tabys etiledi:

Eki Bas jýlde /aqyn men suretshining әrqaysysyna/ teng bólinedi – 2 000 000 tg

Eki I oryn /aqyn men suretshining әrqaysysyna/ teng bólinedi – 1 600 000 tg

Tórt II oryn /aqyn men suretshining әrqaysysyna/ teng bólinedi – 2 000 000 tg

Alty III oryn /aqyn men suretshining әrqaysysyna/ teng bólinedi – 1 800 000 tg

Eki yntalandyru syilyghy /aqyn men suretshining әrqaysysyna/ teng bólinedi – 200 000

Abai.kz

1 pikir