Keshe Shymkenttegi M.Áuezov atyndaghy Ontýstik Qazaqstan uniyversiytetinde atalghan oqu ordasy men QMDB Shymkent qalalyq ókildigining úiymdastyruymen «Hәkim Abay hәm Ihsan ilimi» respublikalyq ghylymiy-tәjiriybelik konferensiyasy ótti.

Konferensiyany ashqan M.Áuezov atyndaghy OQU-ning birinshi prorektory Qayrat Enbekshiúly jiyngha qatysushylardy jyly qabyldap, rektor Dariya Perneshqyzynyng qúttyqtauyn jetkizdi. Sharagha arnayy shaqyrylghan QMDB Tóraghasy, Bas mýfty «Ihsan ilimi – tәrbie bastauy» taqyrybynda bayandama jasap, Ihsan ilimin keninen dәriptedi.

«Árbir iygi isti shynayy yqylaspen, riyasyz isteuding aqyrette adam balasyna paydasy zor. Osy túrghydan alghanda Ihsan ilimin qúlshylyq pen jaqsylyqty riyasyz, shynayylyqpen jasaudy dep bilemiz. Shynayylylyq, shynshyldyq –birtútas maghynany bildiredi. Alla Taghala qasiyetti Qúran Kәrimning birneshe ayatynda shynshyldardan boludy búiyrady. Qayda bolsang da, meyli jalghyz qalsang da, Allagha shynayy yqylaspen qúlshylyq etuing Ihsan bolyp sanalady.

Adamdardyng kóbi ghibrat pen riyany shatastyrady. Imamdardyng izgi amaldaryn riya dep emes, ózgelerge ghibrat dep qarau kerek. Óitkeni Payghambarymyz (oghan Allanyng salauaty men sәlemi bolsyn): «Amaldar niyetke baylanysty», – degen. Adam balasynyng ruhany nesibesi bolady. Ol – Allany tanuymyz. Jaratqangha degen yqylasymyz. Hәkim Abay:

Jýrekting kózi ashylsa,

Haqtyqtyng týser səulesi.

Ishtegi kirdi qashyrsa,

Adamnyng hikmet keudesi, – deydi. Jýrektegi qyzghanysh, maqtanshaqtyq, təkapparlyq dertining emi – Ihsan ilimi» dedi Nauryzbay qajy Taghanúly.

Sonday-aq jiynda abaytanushy, ghalym, professor Mekemtas Myrzahmetov Abaydy tanu, Ihsan ilimi jayly óz oi-pikirin ortagha saldy. «Býginde Abaygha deyingi bolmys ózgerdi. Múny bolystyq jýie ózgertti. Sóitip minezimiz de ózgerdi. Abay búrynghy tәrbiyeni saqtap qalghysy keldi. Ony barynsha saqtaugha tyrysty. Ol ózining әrbir sózinde izgilik, adamdyqty nasihattady. Múhtar Áuezov Abay múrasyn, onyng «Tolyq adam» konsepsiyasyn nasihattay almady. «Abaydyng Batysynan Shyghysy basym» degeni ýshin kóp syngha úshyrady. Abaydy zertteu ýshin ghylymy jýie kerek» dedi Mekemtas Myrzahmetov.

Jiyngha sonday-aq uniyversiytet ústazdary Qayrat Saparhanúly, dosent Aqjol Qalshabek, jas ghalym Ázimhan Isabek qatysyp, Hәkim Abay men Ihsan ilimi jayynda bayandama úsyndy.

Konferensiyagha QMDB Apparat basshysy Ghylymbek Jәdigerúly, Aqparat jәne qoghammen baylanys bólimining mengerushisi Marat Bektazinov, Shymkent qalasynyng bas imamy Baghdaulet Ábdrahmanov jәne onlayn jýiede týrli sala mamandary qatysty.

FOTODEREK:

Abai.kz