Qazirgi mynau, auru-syrqaudyng molayyp ketken zamanynda dәrigerlerge degen zәrulikting әli de joyylmay otyrghandyghyn joqqa shygharugha bolmas. Aymaq basshylary: «Búl baghytta biz bәrin de qatyryp jatyrmyz», - dep joghary jaqqa jaghymdy aqparat beruden  jalyqpaydy. Alayda kóp jerlerde sol «bayaghy jartas bir jartas» kýiinde qalyp otyrghandyghyn jasyrudyng ózi qiyn.

Osy orayda, bizding Qostanay oblysynyng da maqtanatyn jóni joq. Qayta kerisinshe, halyqty dәrigerlermen qamtuda bizding oblys kósh sonynda jýrgenderding qatarynda. Ózgesin bylay qoyghanda, oblys ortalyghynda buyn-buyndary syrqyraytyn jandardyng eshbir jerden em alugha mýkindigi joq. Qalalyq emhananyng shtatynda revmotolog degen dәriger mýldem qarastyrylmaghan. Al oblystyq auruhanadaghy osynday jalghyz dәriger týske deyin isteydi de, týsten aua aqyly emhanalargha tabys tabugha asyghady. Múnday soraqylyqty kórip otyrghan oblystyq densaulyq saqtau basqarmasyndaghylardyng memlekettik auruhanada isteytin dәrigerlerding audan, qalalardan keletin syrqattardy kózge ilmey, jarty kýnin aqyly emhanalarda ótkizui sekildi «erkelikterine» qalay jol berip otyrghandyghyn týsinu qiyn. Eger memlekettik mekemeden ailyq alatyn osynday dәrigerlerding barlyghy da pasiyentterdi emdeudi emes, qashan aqyly jerlerge baryp, tabysqa keneletindigin oilap otyrsa, qarapayym halyqtyng jaghdayy ne bolmaq? Oblys dengeyinde múny oilap otyrghan jandardy kezdestirmedik.

Al endi qalalyq jerlerde jaghday osynday bolsa, auyldyng kýii tipti de adam ayarlyq. Bir ghana fakti. Osydan túp-tura tórt jyl búryn ftiziatr-dәriger Serghazy Berdihanov Ýkimetting aitqanyna senip, sonday-aq, ózining azamattyq paryzyn ótemek bolyp, dәriger әieli ekeui «Diplommen - auylgha» baghdarlamasy boyynsha, jyraqtaghy Beyimbet Maylin atyndaghy audangha at basyn tiregen. Alayda, osy uaqyt ishinde ýmiti jelge úshqanday boldy. Beyne bir ózge deni dúrys baspana tabylmaghanday, búl ekeuine tóbesi tesik, qabyrghalary qúlaghaly túrghan ýidi úsynghan. Sodan beri búl ekeui eski ýige jóndeu júmystaryn jýrgizumen әlek. Jauyn jausa tóbeden su aghady, japsyrma qaghazdar qabyrghadan ajyrap ketedi...

- Biz osynda medisinalyq kómek kórsetu ýshin arnayy baghadarmamen kelip edik. Kópten beri júmys isteymiz, pasiyentterimiz de riza. Alayda múnda alansyz enbek etuge eshbir jaghday joq. Al endi múny kórgen jas mamandar auylgha qaydan kelsin - deydi  dәriger Serghazy Berdihanov.

Obaly ne, osyndaghy auruhananyng bas dәrigeri Bekbolat Uәliyev qolynan kelgenin isteuge uәde berip otyr. Alayda onyng da qoly qysqa. Auruhananyng budjetinde ýilerdi kýrdeli jóndeuge delingen qarajat joq. Sóitse de, ol jas dәrigerdi dalada qaldyrmaugha bekinip otyr.

Al endi audandyq әkimdik bolsa, «bizge eshqanday aryz-shaghym týsken emes. Jalpy, kýrdeli jóndeudi sol ýiding túrghyndarynyng ózderi sheshedi», - dep búl problemadan basyn alyp qashyp otyr.

Jaybergen Bolatov

Abai.kz