Ónimde bolsa, ónmenim ýzilsin, sizge ótirik, maghan shyn, týlkining kәkәsy bolghyr, týnde eshbir tәrbiyelik mәni joq, әleumettik astarsyz, mәn-maghynasyz, ýlgi-ónegesiz týs kórippin. Tura ónimdegidey, «Habar» men Últtyq arna siyaqty túp-túnyq, týrli-týsti, tipti muzykasy bar týs.

Sonymen, týsimde ýkimetting qúramynda jýr ekenmin. Qúramynda bolghanda, kәdimgidey bel ortasynda otyrmyn, qayyn-júrttyng tórine qonjighanday. Jan-jaghym – ózdering kýnde telebizirden kórip jýrgen ministir, deputat, senator, әkim. Oiboy, solarmen qatar sholjiyp men otyrmyn! Ýlken zalgha jinalyppyz. Ózderine mәlim asa kóp ezu tarta bermeytin ýkimetting bir mýshesi yrjiyp amandasty. Álgi jelkildek deputat ta jýgirip kelip, qolymdy aldy. Elim dep eniregenderding bir-ekeui bas iyzep óte shyqty. Soghan qaraghanda, manyzdy bireu bolghangha úqsaymyn.

Bәrimizdi preziydent jinaghan eken. «Nege jinady eken?» – desken júrt. Eshkim bilmeytin siyaqty. Bir-eki senator maghan ala kózimen qarap otyr. Meni biledi dep kýdiktenip otyrghan siyaqty. «Óllәhi, dym bilmeymin!» – degendi ymmen sezdire almay otyrmyn.

Preziydent minbege kóterilip, sóz bastady:

– Aghayyn! – dedi kәdimgi týsinikti tilde. – Sizder men bizderge el senedi, aitqan sózimizge, istegen isimizge, basqan qadamymyzgha deyin zer salyp, qadaghalap, bizge ýmitpen qaraghan elding senimin aqtauymyz kerek. Eng bastysy – ótirik aitpayyq!

Zal du qol shapalaqtap, әr jerden «dúrys», «shyndyq kerek», «aqiqat aspandasyn» degen jalyndy sózder shyghyp, bireuler tolqyp, kózderine jas alyp jatyr. Bayqaymyn, zalgha ómiri ótirik aitpaghandar jinalghan siyaqty. Oghan shýba bar ma?! Ózim de otyrmyn ghoy!

– Shyndyq kerek! – dep, preziydent sózin әri jalghady. – Sózimizge aiqyndyq, isimizge jariyalyq kerek. Shyndyqpen iske kósheyik degenderiniz qoldarynyzdy kóterinizdershi?

Týgel kóterdik! Qarsy, qalys bolmady.

– Men sizderdi sol ýshin shaqyrdym býgin. Shyndyqqa kósheyik. Ol ýshin Elbasynyng «Aqiqat pen әdildik әlippesi» degen kitabyn taldayyq. Ol kitapty kim oqydy?

Zal týgel qol kóterdi! Tipti keybireuleri eki qolyn kóterip otyr. Men de kóterip, әueli meni kórsin degendey jartylay ornymnan túryp kettim.

– Óte jaqsy! – dedi preziydent. – Keremet! Bәriniz oqyghan ekensizder!.. Menen basqa. Men ghana oqygham joq. Sebebi Elbasynyng onday kitaby joq! Sondyqtan bәrinizdi osynda jinadym! – dep stoldy bir qoyghanda, әlgi saraydyng barlyq esigi sart-súrt qúlyptanyp, jaryghy әlsirep, ishi suyp, týrmege ainalyp ketti!

Shoshyp oyandym. Balkongha shyqsam, kýn búlt eken...

Songhy kýnderi aua rayy ózgerse, synghan jerlerim syzdap, týsime qaydaghy bir bylshyldar kiretin bolyp jýr...

Asqar Naymantaev

Abai.kz