«QazMúnayGaz» janar-jagharmay stansiyalar jelisi jekeshelendirilgennen keyin bir jarym jyldan song onyng qúryltayshylary qataryna «Joint Technologies» JShS endi, - dep jazady centralasian.org.

Búl jauapkershiligi shekteuli seriktestik eks-preziydent Núrsúltan Nazarbaevtyng kýieubalasy Timur Qúlybaev («Kipros» JShS arqyly) pen Raushan Saghdiyevagha tiyesili. Búl jóninde 4 qarashada kompaniya qújattaryna sýiengen Forbes sayty jazdy.

Sayt aqparatynsha, qazir Qazaq Oil degen atqa kóshirilip jatqan «QazMúnayGaz» stansiyalar jelisi 2019 jyly sәuirde jekeshelendirilgen. Kelisim qúny 60,5 mlrd tenge (sol kezdegi kurs baghamymen 163,3 mln dollar) bolghan. Qazir stansiyalar jelisi PetroRetail kompaniyasyna qaraydy.

Kompaniya saytyndaghy mәlimetke qaraghanda, respublika boyynsha «QazMúnayGaz» stansiyalar jelisine 342 janar-jagharmay stansiyasy kiredi.

Forbes jazuynsha, «PetroRetail» qúryltayshylarynyng arasynda odan bólek «Prime case» JShS (Qazaqstandaghy eng yqpaldy kәsipkerler tizimine engen Daniyar Ábilghazin men «Head company» JShS-gha tirkelgen) men Rufat Hodjalakov (Atyrau oblysynyng auyr atletika federasiyasynyng tóraghasy, «QazMúnayGaz» óndeu marketing jetekshisi bolghan) bar.

«Head company» kompaniyasynyng qúryltayshysy – búryn Qarjy ministrliginde lauazymdy qyzmet atqarghan, Últtyq kәsipkerler palatasy prezidiumynyng mýshesi Bauyrjan Toybazarov.

«PetroRetail» – Timur Qúlybaev portfelindegi múnay ónimderimen ainalysatyn jalghyz aktiv emes. Onyng «GasEnergy» degen atpen belgili diyzeli jәne benzin satumen ainalysatyn «Avtogaz Treyd» kompaniyasynda da ýlesi bar. Jeli Qazaqstannyng iri alty qalasynda júmys isteydi, 41 janar-jagharmay kesheni men týrli tasymaldaushylarda 115 gaz monoblogy bar.

Amerikanyng Forbes jurnaly biyl sәuirde Timur Qúlybaev pen onyng әieli Dinaranyng (Nazarbaevtyng ortanshy qyzy) jiyntyq baylyghy 5,6 milliard dollar (әrqaysysynda 2,8 milliard dollardan) dep baghalaghan. Erli-zayypty Qúlybaevtar óz menshigindegi «Almeks» kompaniyasy arqyly eldegi eng iri kommersiyalyq bank – Halyq bankke iyelik etedi. Biyl Timur Qúlybaev eldegi eng iri әuejay – Almaty aeroportyn týrik holdingine 365 million dollargha satty.

54 jastaghy Timur Qúlybaev – «KAZENERGY» múnaygaz jәne energetika kesheni úiymdarynyng qazaqstandyq assosiasiyasy jetekshisi, reseylik «Gazprom» kompaniyasy diyrektorlar kenesining mýshesi әri Qazaqstan Últtyq olimpiada komiytetin, Qazaqstan boks federasiyasyn basqarady.

Abai.kz