Qazaqstan energetika ministri Bolat Aqsholaqov Reseyge salynghan sanksiya Qazaqstannyng múnayyna әser etpeydi dedi.

"Qazir Qazaqstan múnayyna eshqanday sanksiya salynghan joq, Resey arqyly múnay tasymaldaugha da sanksiya joq. AQSh keshe Resey múnayyn satyp aludan bas tartty, biraq búl jaghdayda Qazaqstan ýshin bastysy búrynghyday júmysyn jalghastyra beru" dedi ministr 10 nauryzda ýkimet kuluarynda jurnalisterge.

Aqsholaqov Resey arqyly ótetin múnay qúbyrlaryna, Qazaqstan múnayyna eshqanday sanksiya joq dep mәlimdedi. Onyng sózinshe, biyl Qazaqstan múnay eksportyn azaytpaydy, jyl boyy 87,5 mln tonna múnay óndiru jospary oryndalady.

Ministr Qazaqstan múnayyn eksporttau ýshin "basqa da marshruttar qarastyrylyp jatqanyn" aityp, Qytay men Europany atady.

"Qazirge sanksiya salynghan joq, sondyqtan múnaydyng belgili bir mólsherin basqa qúbyr arqyly jiberu jospary joq. Qalypty jaghdayda júmys istep múnaydy "Kaspiy qúbyr jelisi konsorsiumy" arqyly, Atyrau – Samara arqyly jibere beremiz" dedi Aqsholaqov.

"Kaspiy qúbyr jelisi konsorsiumy" arqyly әlemdik naryqqa kýnine 1,2 million barreli múnay shygharylady, búl әlemdik múnay tasymalynyng 1,2 payyzyn qúraydy. Qazaqstannan shyghatyn múnaylardy Chevron, Exxon Mobil, Eni jәne Shell kompaniyalary óndiredi.

Keyingi kýnderi "Kaspiy qúbyr jelisi konsorsiumy" Resey sanksiyasynan zardap shege bastady, sebebi satyp alushylar búl qúbyr arqyly ótken múnay Reseydegi múnay sortymen aralasatynyn aitady.

Resey Ukrainagha soghys ashqan song Batys elderi Mәskeuge sanksiyany kýsheytip, AQSh pen Úlybritaniya Resey múnayy men gazy satyp aludan bas tartty.

Abai.kz