Jyl sayyn әlem elderi arasynda týrli reytingter jasalady. Onyng ishinde qauipsizdik dengeyi, azyq-týlik tapshylyghy men auyz su sapasy, baqyt indeksi, bilim jәne densaulyq saqtau salasyndaghy sapa men dengey jәne t.b.

BÚÚ әlem boyynsha baqytty elderge qatysty bayandamany әzirlep, jariyalady. World Happiness Report-2022 reytingi boyynsha Ortalyq Aziya elderine qatysty da zertteu jýrgizilgen.

Reytingke say Tәjikstan biyl Ortalyq Aziyadaghy eng baqytsyz el atandy. Ol 146 elding ishinde 83 oryndy iyemdengen. Bir jyl búryn Tәjikstan 78 orynda túrghan bolatyn. Bir jyl ishinde bes pozisiyagha tómendep ketken. Ol on balldyq esepteu jýiesinde 5,377 ball alghan.

Ortalyq Aziya boyynsha baqyt indeksinde eng joghary oryndy Qazaqstan iyemdendi. Ol reyting boyynsha 40 orynda túr. Ózbekstan 53 oryn, Qyrghyzstan 64 oryn, Týrkimenstan 78 oryndy alypty. Al baqyt reytinginde Ukrainagha soghys ashqan basqynshy Resey 80 oryngha jayghasypty.

Baqyt reytingin anyqtauda alty týrli ólshem esepke alynady. Onyng ishinde halyqqa shaqqandaghy IJÓ mólsheri, әleumettik kómek kórsetu, ómir sýru úzaqtyghy, halyqtyng sheshim qabyldaudaghy erkindigi, jemqorlyqpen kýres dengeyi. Reytingke qarap jyl sayyn memlekettik sayasattyng baghyty men kózqarasyn anyqtaugha, ekonomikalyq damuyn angharugha bolady.

Abai.kz