Ukrainanyng Reseyge agressiyasy postkenestik elderde «kelesi kim» degen súraqty tudyrghany anyq. Ony әriyne ashyq talqylau negizsiz, alayda azamattardyng kókeyinde osynday súraqtyng bar ekeni ras. Arnayy zertteu ortalyqtary da búl saualdy talqylap jatyr. 

Demoscope monitoring jәne zertteu ortalyghy «Ukrainadaghy ispettes soghysty Resey basqa elderge, onyng ishinde Qazaqstangha ashuy mýmkin be» degen sipatta saualnama jýrgizipti. Saualnamagha jauap bergenderding 65%-y «joq» dep jauap beripti. Qaqtyghystyng boluyn joqqa shygharatyndardyng basym bóligi әielder qauymy bolyp shyqty. Olardyng sany 58 payyzdy qúraydy. Orystildi azamattardyng 72%-y «qaqtyghys mýmkin emes» dep sanaydy eken, al qazaqtildi jandardyng ishinen 39%-y ghana qaqtyghysty «mýmkin emes» dep sanaydy. Al jauap berushilerding tórtten biri «Reseymen qaqtyghys boluy mýmkin» degen oida.

Reseymen qaruly qaqtyghys boluy mýmkin degen pozisiyany ústanatyndardyng basym bóligi er azamattar, olardyng sany 61%-dy qúraydy. «Qaqtyghys mindetti týrde bolady» degen pikirdi ústanushylardyng ishinde 38%-y qazaqtildi azamattar, 9%-y orystildi azamattar bolyp shyqty.

Saualnamada Reseymen әriptestik pen seriktestikke qatysty da súraqtar qozghalady. Jauap berushilerding 70%-na sanksiyalar da, qaqtyghys ta manyzdy emes eken. Olar qanday jaghday bolsa da, Resey Qazaqstannyng basty seriktesining biri bolyp qala beredi degen oida. Respondentterding 10%-y bolsa, Reseymen barlyq odaqtan shyghu kerek degen pikirde. Jauap berushilerding ishinde Reseyding Ukrainagha soghys ashuynyng saldarynan inflyasiya ósedi degender sany 42%, al esh әseri bolmaydy degender sany 15% adamdy qúraydy. Al jauap berushilerding ishinde 10%-y Resey ýshin Qazaqstangha da sanksiyalar saluy mýmkin degen pikirde.

Jalpy respondentterding kópshiligi (59%) reseylikterding Qazaqstangha qonys audaruyna ong kózqarasta eken. Olardyng ýshten bir bóliginen astamy (34%) qonaqjaylylyq dәstýrlerin qoldaydy, oghan sәikes Qazaqstan әrqashan óz Otanyn tastap ketuge mәjbýr bolghan adamdardy qabyldauy tiyis dep sanaydy. Jauap berushilerding 14%-y alandaushylyqtaryn bildirdi jәne olardyng sayasy kózqarastaryn múqiyat teksergen jaghdayda ghana orystardyng qonys audaruymen kelisu kerek dep sanaydy. 11%-y múny Qazaqstangha jana mamandardy tartu mýmkindigi dep sanaydy eken.

Qazaqstandyqtardyng 18%-y reseylikterding qonys audaruyna qarsy pikir bildiripti. Osylaysha týrli faktorlardy eskergen zertteude qazaqtildi auditoriya men orystildi auditoriyanyng jauaby qarama-qayshy bolyp shyqqan. Ol aqparat alu kózderine de baylanysty bolyp otyr.

Ka Myrza

Abai.kz