Barsha adamzat balasynyng tarihy kezenderine qarasaq, ejelgi zamannan býgingi kýnge deyin halyqtar arasynda sayasy diplomatiyalyq, sauda-ekonomikalyq, mәdeny әleumettik qarym-qatynastar bolghan, әli de bola beredi. Biraq ol dәuirde halyqaralyq qatynastar kóp jaghdayda teng qúqyly kelissózben emes, kýsh qoldanu, soghys ashumen tensiz sheshimin tauyp otyrghan. Osylaysha últtyq qauipsizdikti qorghau ýshin quatty armiya ústaugha mәjbýr boldy.

Ótken HH ghasyrgha oralsaq, birinshi jәne ekinshi dýniyejýzilik soghys halyqarada kelisimning qúny joyylghan tústa shyqty. Kelisimning qúny joghalghan jerde soghys bolatyny aqiqat. Soghystan song jengen jaqtyng mýddesine say taghy da kelissóz bolady. Jengeni útady, jenilgeni útylady.

Birinshi dýniyejýzilik soghystan keyin halyqtar arasynda dostyqty, tatulyqty arqau etip, qauipsizdik pen beybitshilikting kepili boludyng basty maqsatymen 1919-1920 jyldardaghy Parij konferensiyasynyng nәtiyjesinde 44 mýshe memleket bar «Últtar ligasy» qúryldy. Biraq, «Últtar ligasy» ekinshi dýniyejýzilik soghysta eshtene istey almady. Úiymgha mýshe memleketter kelisimdi búzdy. Tipti 1940 jyly «Últtar ligasy» halyqaralyq shiyelenisterdi sheshpek týgili, óz júmysyn toqtatty. «Últtar ligasynyn» ornyna 1945 jyly soghystan keyin qúrylghan BÚÚ óz jarghysynda: «býkil әlemde qauipsizdik pen beybitshilikti saqtaudy» basty maqsat etti.

BÚÚ alghashynda әlemdik arenada óte ýlken bedeldi kýshke ainalyp, halyqaralyq mәselelerge aralasyp, shiyelenisterding beybit týrde sheshiluine atsalysyp, kelissózderdi birshama jandandyryp, qúnyn arttyra týsti. Yaghny osy kezenderden bastap janadan qúrylghan nemese tәuelsizdigin jariyalaghan memleketter moyyndalghandyghynyng basty belgisi retinde eng aldymen BÚÚ tanuy kerek boldy.

BÚÚ óz kezeginde 1947 jyly 29 qarashada Palestina jerinde arab jәne evrey memleketterin qúru jóninde sheshim qabyldaghan kýnnen bastap eki halyq arasynda soghys oty tútandy. BÚÚ anyqtap bergen shekara syzyghy óz kýshine enbedi. Palestina men Izraili arasyndaghy soghys әli kýnge deyin jalghasuda.

1947 jyly Ýndistan men Pәkistan arasynda Kashmir mәselesi oryn alyp, soghys bastaldy. Búl iske BÚÚ aralasyp, úiymnyng Qauipsizdik Qenesi 5 memleketten qúralghan araghayyndyq komissiyasyn qúrdy. 1949 jyly eki memleket arasynda kelisimder jasalyp, soghys toqtatylyp, shekara syzyghy belgilendi. Biraq, búl kelisimning de qúny úzaqqa barmady. Eki el arasynda odan keyin de talay mәrte soghys boldy. Ótken ghasyrdyng ekinshi jartysynda AQSh pen KSRO-nyng qyrghiy-qabaqtyghy dýniyejýzining әr jerinde soghys otyn tútandyrdy.

1949 jyly mamyrda Germaniyanyng Amerika, Fransiya, Úlybritaniya yqpalyndaghy batys aimaghynda German Fedarativtik Respublikasy qúryldy. 1949 jyly qazan aiynda Germaniyanyng KSRO yqpalyndaghy shyghys aumaghynda German Demokratiyalyq Respublikasy qúryldy. 1950-1953 jyldary korey soghysyna AQSh, Qytay, KSRO qatarly elderding aralasuynyng nәtiyjesinde birtútas Korey memleketi ekige bólindi. AQSh, KSRO, Qytay qatarly alpauyttar 1957-1975 jyldary oryn alghan Vietnam soghysyna da qatysty. Nәtiyjesinde, eki Vietnam memleketi payda boldy. BÚÚ búl joly da AQSh, KSRO, Qytay qatarly alpauyt elderding aldynda qauqarsyzdyghyn kórsetti.

BÚÚ 1974 jyly ekige bólingen Kipr Respublikasyndaghy qaqtyghysty toqtatugha ýndegenimen, mәsele tolyq sheshilmedi. BÚÚ Bas assambleyasy 1975 jyly Batys Saharagha qatysty qararyn qabyldap, Ispaniya kýshterining elden shyghuyna yqpal etkenimen, Batys Saharanyng keyingi taghdyry Marokko, Mavritaniya, Aljir qatarly elderding talasyna týsti.

1979-1989 jyldary KSRO men Aughan soghysy, 1980-1988 jyldardaghy Iraq pen Iran soghysy BÚÚ-nyng beybitshilik turaly jarghysyn óreskel búzu bolyp tabylady.

Biraq BÚÚ sheshken janjaldar da bar. Mysaly, 1990 jyly Kuveyt territoriyasyna Iraq qaruly kýshteri basyp kirdi. BÚÚ birden qatang narazylyq bildirdi jәne úiymgha mýshe memleketterden qúralghan halyqaralyq koalisiyasy 100 saghattyq soghysta Iraq әskerine soqqy berip, Kuveytti azat etti. Desek, BÚÚ alpauyt elderding mýddeleri toghysqan soghysty emes, kishkene memleketter arasyndaghy mәselelerdi sheshuge ghana qauqarly ekendigin anghartty.

AQSh bastaghan NATO elderi Yugoslaviya, Aughanstan, Iraq, Liviya qatarly elderdegi janjalgha aralasuy әlemde tәrtip ornatugha úmtylghanday kóringenimen, qaqtyghystyng saldarynan zardap shekken beybit halyq óte kóp boldy. Al, Siriyadaghy ishki qaqtyghys syrtqy kýshterding aralasuyna yqpal etip, Siriya jeri soghys maydanyna ainaldy.

1991 KSRO ydyraghanda RF, Qazaqstan, Ukraina, Belarusi aumaghynda yadrolyq qaru boldy. 1992 jyly 23 mamyrda Qazaqstan yadrolyq qarudan bas tartyp, Lissabon hattamasyna qol qoydy. Mine osylaysha, 1991-1994 jyldar aralyghynda Qazaqstan, Belarusi, Ukraina yadrolyq qarudan bas tartyp, yadrolyq arsenalyn Reseyge syigha tartty. Qaldyq materialdardy Amerikagha berdi.

1994 jyly 5 jeltoqsanda Budapeshtte EQYÚ sammiytinde AQSh, Resey, Úlybritaniya «yadrolyq qarudan bas tartqan elderding qauipsizdigine kepildik» turaly shartqa qol qoyady. Oghan Qytay men Fransiya da qosylady.

Resey armiyasynyng 2008 jyly Gruziyagha, 2014 jәne 2022 jyly Ukrainagha basyp kirui, Resey ýshin 1994 jylghy Budapesht kelisimining kók tiyndyq qúny joq ekeni belgili boldy. BÚÚ-nyng jarghysy jayynsha qaldy. BÚÚ Reseydi aiyptaudan ary asar emes. Kerisinshe, BÚÚ-ning rólin NATO men Euroodaq atqaryp jatqanday kórinedi. Mynanday jaghdaydan song BÚÚ jәne basqa da halyqaralyq úiymdar elimiz jәne әlem elderi egemendigining túraqty kepili bola almaytyny anghartady. Sondyqtan da kelisimderding qúny qashyp bara jatqan myna dәuirde, songhy ýlgidegi qarumen jabdyqtalghan kýshti armiya kerek-aq! Kórshilerimizding bәri jaqsy, biraq, jau joq deme, jar astynda degen ómir tәjiriybesinen alynghan ataly sóz bar. Imperialistik ústanymdaghy alpauyttar túrghanda, halyqaralyq, memleketaralyq kelisimderding kýshi әli talay joyylatyn týri bar. Memleketimizding tútastyghyn, elimizding egemendigin, halqymyz ben jerimizding amandyghynyng kelisimge senip bar bir japyraq qaghazben ghana emes, quatty armiyamen qorghaytynymyzdy týsineyik.

Ertay Jomart

Abai.kz