Keshe Qazaqstandaghy Ukraina Elshisining reseylikterge qaratyp aitylghan sózinen keyin, úzyq uaqyt úiqyda jatqan Qazaqstan halqy Assambleyasy bas kóterdi. Olar Elshi Petr Vrublevskiydin:

«Olady kóbirek óltiruge tyrysamyz. Biz qazir orystardy qanshalyqty kóp óltirsek, balalarymyz soghúrlym az óltiredi. Bary osy», - degen sózine shýilikken.

Resey Ukrainagha basqynshylyq shabuyl jasap, qalalaryn qiratyp, ayausyz atqylap, eki halyqtyng arasyna úmytylmas arazdyq otyn jaqqannan keyin ukrain azamatynyng sózi qanday bolary belgili. Onyng ýstine Ukraina Elshisi Qazaqstandaghy orystar turaly emes, Ukrainada oiran salyp jatqan Resey әskeri turaly aityp túrghany beseneden belgili.

Reseyding biylik organdarynda, BAQ salasynda jýrgen ýgit-nasihatshylary, tipti preziydentining ózi talay ret Qazaqstanda últarazdyq tudyratyn mәlimdemeler jasap keledi. Onday dauly mәlimdemelerge kelgende Qazaqstan halqy Assambleyasynyng kózi kórmey, qúlaghy estimey qalady. Biraq keshegi Ukraina Elshisining sózi Assambleyagha qatty әser etti.

«Biz, Qazaqstan halqy Assambleyasynyng mýsheleri, Ukrainanyng Qazaqstan Respublikasyndaghy elshisi Petr Vrublevskiy myrzanyng qazaqstandyq blogerding birine bergen súhbatynda aitqan sózderin qatang aiyptaymyz jәne olargha jol beruge bolmaydy dep sanaymyz. Beybitshilik pen birlik memlekettik sayasattyng jәne qoghamdyq shoghyrlanudyng basty qaghidattary bolyp tabylatyn bizding elde kim aitsa da múnday mәlimdemelerge jol berilmeydi.

Diplomatiya óshpendilik pen arazdyqty qozdyru ýshin emes, beybitshilik pen yntymaqtastyq iydealdaryna qyzmet etui kerek.

Qazaqstannyng birtútas kópetnosty halqy ýshin dostyq, ózara kómek jәne beybitshilik qaghidattary myzghymas ereje. Olar bizge Tәuelsizdigimiz qalyptasqan eng qiyn jyldarda etnosaralyq qaqtyghystardy boldyrmaugha jәne elimiz ben halqymyzdyng tútastyghyn saqtaugha kómektesti.

Bizge óshpendilik tili jat, etnostyq óshpendilikti onyng kez kelgen kórinisterinde nasihattaugha bolmaydy.

Barlyq qazaqstandyqtardy arandatulargha berilmeuge, kerisinshe, balalarymyzdyng býgini men bolashaghy ýshin eldegi beybitshilik pen halyq birligin saqtaugha jәne nyghaytugha shaqyramyz», - dep mәlimdeme jasady Assambleya.

Keyin «Qazaqstan orys, slavyan jәne kazak úiymdarynyng qauymdastyghy» Ukraina Elshisin deportasiyalaudy súrady.

«Múnday mәlimdemeler Elshi mәrtebesine jәne diplomatiyalyq etikagha sәikes kelmeydi. Búl tatulyghy jarasqan 120-dan astam etnikalyq top, sonyng ishinde, orystar men ukraindar túratyn elimizge,  beybitshiligimizge núqsan keltiredi. Osyghan baylanysty Qazaqstan orys, slavyan jәne kazak úiymdarynyng qauymdastyghy Qazaqstan Respublikasy SIM-nen Ukrainanyng elshisi Vrublevskiydi non grata dep jariyalaudy talap etedi», - dedi qauymdastyq.

Búghan deyin 2022 jylghy qantar aiynda alash.online saytynda Qazaqstan halqy Assambleyasyn taratudy talap etken petisiya jariyalanghan bolatyn.

«Nazarbaevtyng saylauda basqa últtar arasynda kóbirek dauys aluyn qamtamasyz etu ýshin ghana qúrylghan Qazaqstan halyqtary assambleyasyn taratu mәselesin taghy kóteremiz. Endi búl qúrylymnyng kerek emes ekendigi aidan da anyq. Núrsúltan Nazarbaev 2007 jylghy mamyr aiynda Qazaqstan Respublikasy Konstitusiyasyna birqatar ózgerister engizdi.

Qazaqstan halqy Assambleyasyna konstitusiyalyq mәrtebe berildi, ol QR Parlamenti Mәjilisine toghyz deputat saylau qúqyghyna ie boldy. Ol jerdegi basty talap deputattar Qazaq últynan bolmauy tiyis. Biz Qazaqstan respublikasynyng azamattary, Qazaq últynyng konstitusiyalyq qúqyghyn shekteytin, jәne elimizge eshqanday paydasy joq últaralyq arazdyqty qozdyratyn Qazaqstan Halyqtarynyng assambleyasyn taratuyn talap etemiz.

Osy petisiya turaly janalyqtar resurstaryn habardar etiniz. Tek osylay ghana biz qoghamdyq rezonansty kóterip, biylikting nazaryn problemagha audara alamyz», - dep jazyldy mәtinde.

Petisiya býginde 10494 adamnyng qoldauyna ie bolsa, 411 adam qarsy bolghan.

Áleumettik jelilerde de Qazaqstan halqy Assambleyasyn qajet emes organ dep sanaytyndar jeterlik.

«Assembleyanyng tóraghasy preziydent Toqaevtyng ózi bolsa da taratylsyn dep aitam! Búryn da búny aitqam. Qazir de búnday pikirdemin.

Býginge deyin búl Assambleya aman bolyp túrghany «Jana Qazaqstannyn» iydeologtaryna ýlken syn. Karin men Balaevanyng qúlaqtaryna altyn syrgha!»,- dep jazdy sayasatker Múhtar Tayjan.

«Ukraina elshisining departasiyasyna qarsymyn.Kerisinshe Assambleya zaman talaptaryna sәikes emes jәne unitarly birtútas Qazaqstanda múnday úiym kerek emes ,taratyluy kerek dep oilaymyn.Assambleya taratylsyn,elshi óz júmysyn atqara bersin»,- depti Lәzzat Ghúsman atty Facebook qoldanushysy.

Kópshilik osy sekildi pikirlerin birining izin ala ekinshisi әleumettik jelide jariyalap jatyr… Búl kópting pikiri. Al Aqorda qoghamnyng osy talabyn esty me? Belgisiz!

Ayjan Temirhan

Abai.kz