Songhy aptada Ukraina soghysy birshama pozisiyalyq negizge ótti. Oghan eki jaqtyng da iri shayqastargha dayyndalyp jatqany әser etude. Ukrainagha Batys seriktesteri "Ramshtayn-5" pen "Ramshtayn-6" kezdesulerinde uәde etken qarulardy jetkizude. 

Ukraina aumaghyna zymyran soqqylaryn jiyiletken Resey Kiyevke NATO elderi tarapynan әue jәne zymyran kesheninen qorghau jýielerin jyldam arada beruge mәjbýrleude. Zymyrangha qarsy jýieler Ukrainanyng iri qalalaryn qorghamaq. AQSh uәde etken NASAMS jýiesi qazan aiynyng sonyna deyin kelip jetetini belgili boldy. Al Germaniya Kiyevke alghashqy IRIS-T qorghanys jýiesin jetkizdi. Ol býgingi tanda elding ontýstigin qorghaugha jiberilgeni aityluda, mamandar Odessa qalasyn zymyran shabuylynan qorghaytyn bolady degen pikir aituda.

Soghan qaramastan Resey qorghanys ministrligi Ukraina aumaghyna zymyranmen jәne kamikadze drondarmen shabuyl jasaudy ýdetude. Shoygudyng basty maqsaty manyzdy azamattyq infraqúrylym jýielerine soqqy jasap, jaryq pen susyz qalghan qarapayym halyq arqyly Kiyevke degen pishologiyalyq qysymdy kýsheytu. Alayda búl әdisteri keri effekt berip, qoghamdy úiystyru prosessterin jyldamdatyp jatqanday.

Resey Irannan alghan kamikadze drondaryn qoldanudy arttyryp, kýnine ondaghan shabuyl úiymdastyruda. Búl Zelenskiy ofiysi mәlimdegen aqparatqa say keletindey. Zelenskiy ofiysi bir apta búryn "Resey Irannan 2400 dana kamikadze dronyn satyp alugha tapsyrys berdi" dep barlau qyzmetterine silteme jasay otyryp mәlimdegen bolatyn. Kýni keshe ghana "Iran Reseyge zymyran berui mýmkin" degen aqparat shyqty. The Washington Post-tyng jazuynsha Iran Reseyge zymyran keshenderin bermek. Olar "Fateh-110" zymyrany (300 shaqyrymgha jetedi), "Zolfaghar" zymyrany (700 shaqyrymgha jetedi). Tegeran men Mәskeu búl aqparatty әriyne joqqa shyghardy, osyghan deyin eki el kamikadze drondaryn da joqqa shygharghan edi.

Mәskeu Belarusi biyligine de qysymdy arttyrdy. Segiz aigha juyq amalyn tauyp, soghystan qashyp jýrgen Lukashenko endi búl soghystyng tikeley qatysushysy boluy yqtimal. Uaqyt sozyp kelgen Belarusi basshysynda endi uaqyt joq siyaqty. Belarusi jerine Reseyding 9 myng jauyngeri men shabuyldaushy úshaqtary kele bastady. Búl "Odaqtas el" jobasy ayasynda iske asyp jatyr deydi Lukashenko. Minsk óz әskery qoymasyndaghy qarularyn, eski-qúsqy tehnikalaryn sýirep shyghyp, Mәskeuge beruge kelisti. Osylaysha Resey Ukrainagha shabuyldy ýdetudi kózdep otyr.

Al qazirgi jaghdaydy dauyl aldyndaghy tynyshtyq desek bolady. Ukraina Batystyq әskery tehnikany, qarudy aluda. Úlybritaniyada әskery jattyghudan ótip, tәjiriybe jinaghan 10 myng ukrain sarbazy eline oraldy. Búl jaqyn arada Ukraina әskeri birneshe baghytta shabuylgha shyghady degendi bildiredi. Al Resey mobilizasiyalanghandardyng jappay frontqa keluin kýtude. Sonymen birge Irannan zymyrandar alyp, soltýstik baghytta Belarusi aumaghyn arqyly da soqqy jasaudy oilastyruda. Búl dauyl aldyndaghy tynyshtyq.

Abai.kz