Sәrsenbi, 1 Aqpan 2023
46 - sóz 972 6 pikir 22 Qarasha, 2022 saghat 15:10

Qandastardy qaytaru qolgha alynuy kerek

Saylau ótti,  endi jana Qazaqstanda jarqyraytyn kýnning kózi — shet eldegi qandastargha da týsetin shyghar?!

Aughanstandaghy qazaqtardyng jan aiqayyn búrynnan beri aityp ta,  jazyp ta kelemiz.  Biraq dym ózgeris joq.

Ay búryn jazghanymday Pәkistandaghy Karachy qalasynda da elge jete almay,  qinalyp otyrghan qazaqtar bar. Barlyghy 43 otbasy,  300 den astam adam. Naqtyraq aitsam 18 jastan tómen 75 qyz bala,  87 er bala jәne enbekke qabiletti erkek-әiel aralas 127 eresek adam bar. Bәri qazaq,  Kereyding Sarbas ruynan.  Sol aghayynnyng ishindegi Hamit bauyrym maghan múnyn aityp apta sayyn habarlasady. Elge jete almay jýr. «Ystyq-suyq demeymiz, jaman-jaqsy demeymiz, soltýstikke sizding janynyzgha baryp,  bir auyl bop qonystanugha razymyz deydi. Suyghynan qoryqpaymyz, mal asyrap, eginshilik etip ayaqqa túryp ketemiz»,- deydi. Ruyn biledi, jeti atasyn aityp túr. Qazaqsha sóileydi. Búdan artyq ne kerek?

Qúday ondap, osy qandastardy kóshirip jatsa,  búlardy bólip-jarmay, bir audangha ornalastyrghan jón. Negizi,  soltýstikte infrostrukturasy tolyq býlinbegen,  biraq jabylu aldynda túrghan auyldar az emes.  Ol auyldarda arzan baghagha satylyp túrghan, 500-1 000 000 tenge arasyndaghy iyesi joq, qora qopsysy bar, túrugha, mal asyraugha qolayly ýiler de jeterlik. Ontýstikten soltýstikke bir otbasyny kóshiru ýshin Ýkimet tarapynan 10 million tenge júmsalady( 8 million, janadan saldyryp satyp alynghan ýiding baghasy jәne adam sanyna qaray beriletin kvota). Sol aqshagha «raschet» jasap, Aughanstannan,  Pәkistannan keletin osynday otbasylargha bosap qalghan auyldardan ýiler alyp,  ony kýrdeli jóndeuden ótkizip, qalghan aqshagha mal alyp berudi,  sol maldy ósiretin mýmkindikter paketin jasaudy úsynamyn.  Tegin emes,  kredit retinde.  Sol maldyng ósimin,  ónimin saudalauy arqyly  managhy aqshany ýkimetke bolashaqta qaytaryp beretin bolsyn.

"TAUEKEL". Teriskey bizge amanat.

Buraqan Daqanov

Abai.kz

6 pikir