Preziydent Toqaevtyng jeti jyldyq merzimge qayta saylanghannan keyingi alghashqy sayasy әreketi oblys pen qala әkimderin taghayyndau boldy. Eski ýrdis jalghasyn tauyp, bir-eki ýmitker kandidatty jergilikti masilihattar dauysqa salyp saylaghan keyip tanytty.

Qys qahary bastalghanda qyrsyqqanday Reyder, Ekibastúzda jylu qúbyrlary jarylyp, júrt әure-sarsangha týsken shaqta, Preziydentting taghayyndaghan әkimderin birden qoldady dep aita almaymyz. Ásirese, «divan sarapshylarynyn» anysy súrapyl boldy. Nazarbaev kezinde biylikte auys-týiis bolghanda aitylatyn «Qosylghyshtardyng oryny auysqanymen, qosyndynyng mәni ózgermeydi» mysqyly osy joly da qaytalandy.

Shymkent qalasynyng әkimi Múrat Áytenov pen Shyghys Qazaqstan oblysynyng әkimi Daniyal Ahmetovtyng orynynda qalghanyna әleumettik jeli belsendileri jappay qarsylyq tanytty. Jaqynda ótken Ýkimetting keneytilgen otyrysynda Preziydentting «divan sarapshylaryn» elemeu jayynda sheneunikterge qarata aitqan sózine osy jaytter týrtki boldy dep oilaymyz.

Áleumettik jelide aitys-tartystyng órshuine orynyn bosatpaghan әkimder ghana emes, ótken jyly Toqaevtyng jarlyghymen II dәrejeli «Dostyq» órdenimen marapattalghan Reseyding Qazaqstandaghy elshisi Aleksey Borodavkinnyng atyshuly súhbaty da sebepker boldy.

Elshinin: «Qazaqstandy әsire últshyldyq jaylap aldy. Qazaqstandyqtar eki ayaghyn teng basuy ýshin memlekettik til men orys tilin qatar alyp jýrui kerek», - degen maghynada aitqan sózderi «divan sarapshylarynyn» ashuyn tudyrdy.

Koronaviruspen birge elimizde dýrkin-dýrkin Resey sayasatkerlerining qanqu sózderi janghyryp, elding kónilin alandatyp qoyghany belgili. Ákimderge arystanday aqyrghan «divan batyrlary» orys elshisinen de qaymyghyp qalmady. «Jaman ýidi qonaghy biyleydi» degeni me, mýnysy nesi?! tәubesine keltireyik», degendey orys elshisin elden shygharu turaly petisiya jariyalady.

Búdan búryn Ukrainanyng Qazaqstandaghy elshisi aidaladaghy orysqa qarata aitqan bir auyz sózi ýshin Qazaqstannan ketken edi. Preziydentting «divan sarapshylary» jayynda aitqan sózining astaryna ýnilsek, belsendilerding kezekti narazylyghy da eskerusiz qalatyny aidan anyq edi. Taghy bir jaghynan orys elshisining jogharydaghy sózi ana tilining óz otanyndaghy mýshkil haline narazy júrttyng namysyna tiygenimen, preziydent Toqaevtyng Putinning batasyn alghan halyqaralyq orys tilin damytu qoryn qúru iydeyasymen ýndesip jatqanyn basa aitumyz kerek.

Aytyp-aytpay әleumettik jeli bizde ghana emes, demokratiyaly Batysta da sayasatkerlerding bas auruyna ainalyp otyrghany belgili. Internet alpauyttarymen ashyq aiqasqa týsken Amerikanyng eks-preziydenti Tramp qayta saylanu orayynan aiyryldy. Songhy birneshe jylda júrt ynghayyna baghyp kelgen Aqorda endi qatang keyipke enetin siyaqty. Al Internet paydalanushylar kerisinshe batyl oppozisiyasy joq, búqaralyq aqparat qúraldary men baspalary ýkimetting tenderine telmirip otyrghan elde әleumettik jelining birden bir pikir talas minberine, biylikpen dialog alanyna ainalyp otyrghanyn algha tartuda.

Esbol Ýsenúly

Abai.kz