Memleket basshysy Qasym-Jomart Toqaev Týrkiyanyng ontýstik-shyghysynda kóptegen adam shyghynyna әkep soqtyrghan jer silkinisine baylanysty osy elding Preziydenti Rejep Tayip Erdoghangha kónil aitu jedelhatyn joldady, dep habarlaydy Aqorda.

«Týrkiya Respublikasynda bolghan asa kýshti jer silkinisi saldarynan kóptegen adamnyng qaza tapqany turaly suyt habardy zor kýizelispen qabyldadym. Osynday qiyn sәtte jaqyndarynan aiyrylghan otbasylargha, sonday-aq býkil týrik aghayyndarymyzdyng auyr qayghylaryna ortaqtasyp, Qazaqstan halqynyng jәne jeke ózimning atymnan kónil aitamyn», – dep jazylghan jedelhatta.

Sonymen qatar Preziydent Qazaqstannyng Týrkiyagha tiyisti kómek kórsetuge dayyn ekenin jetkizdi.

Búghan deyin habarlanghanday,Týrkiyanyng ontýstik-shyghysynda 7,4 magnitudasyna deyin ýsh ret jer silkindi. 7,4 baldyq eng quatty jerasty dýmpui Kahramanmarash provinsiyasyndaghy Pazardjik audanynda jergilikti uaqyt boyynsha 04:17-de, 7 km terendikte boldy. Sodan keyin әrtýrli aimaqtarda - Adana, Ankara, Antaliya, Gaziantep, Kayseri, Mersiyn, Trabzon, Urfada jarty saghat boyy jer silkingen.

Songhy aqparatqa sәikes, qaza tapqandar sany 76-gha jetken. 440 adam jaraqat alyp, 140 ghimarat qiraghan.

Abai.kz