Elimiz qylmys dengeyi boyynsha әlem elderining reytinginde 48-shi oryngha ie boldy. Jarty jyl búryn búl kórsetkish boyynsha memleketimiz 47-shi orynda túrghan, dep jazady Ulysmedia.kz.

Eldegi qylmys indeksi 52,7 boldy – ol neghúrlym joghary bolsa, qylmys jaghdayy soghúrlym nashar bolady.

Indeks saualnamalar negizinde memlekettegi qylmystyng jalpy dengeyin kórsetedi. Qylmys dengeyi 40-tan 60-qa deyi bolsa, reyting jasaushylar "ortasha" dep baghalaydy. TMD elderining arasynda Qazaqstangha qaraghanda Belarusi pen Qyrghyzstanda qylmys dengeyi joghary, al Moldova, Ukraina, Resey jәne Ózbekstanda búl kórsetkish әldeqayda tómen.

Reyting avtorlary qylmys túrghysynan eng qauipti elder retinde әli kýnge deyin Venesuela men Papua – Jana Gviyneyany qarastyrady, al Katar “әlemdegi eng qauipsiz memleket” ataghyn saqtap qaldy.

2022 jyldyng qorytyndysy boyynsha Qazaqstanda 157,5 myng qylmystyq qúqyq búzushylyq tirkeldi. Búl ótken jylmen salystyrghanda 0,3%-gha az. Ótken jyly Almatyda eng kóp qylmys tirkeldi – 34,9 myn, búl kórsetkish bir jylda 25,9%-gha ósti. Qylmys kóp jasalatyn ónirler men qalalardyng top ýshtigine Astana (17,1 myng qúqyq búzushylyq) jәne Almaty oblysy (12,6 myng qúqyq búzushylyq) kirdi. Qylmystar kóbinese janadan qúrylghan Abay, Jetisu jәne Úlytau oblystarynda tirkeldi. Jalpy el boyynsha 10 myng adamgha shaqqandaghy qúqyq búzushylyq dengeyi 2021 jylghy 82,7 -den 2022 jyly 79,9-gha deyin tómendedi, - delingen statistikada.

Qylmys týrlerine keletin bolsaq, 2022 jyly elde mýlikke qarsy qylmystar jii tirkelgen(122,2 myn, búl 2021 jylmen salystyrghanda 2,1% - gha kóp). Basqa keng taralghan qylmystardyng qatarynda halyqtyng densaulyghy men adamgershilikke qarsy qylmystyq qúqyq búzushylyqtar jәne jeke adamgha qarsy qylmystyq qúqyq búzushylyqtar bar.

Abai.kz