QR Senatynyng Tóraghasy Mәulen Áshimbaevtyn,

QR Memlekettik Kenesshisi E.T. Qarinning nazaryna!

Arazdasyp aghayyn keter edi,
Bir qariya bolmasa bir auylda...

Múqaghaly Maqataevtyng osy ólenin bilmeytin qazaq joq.

Bizding býgingi dәuirimizdegi sol Múqaghaly aitqan sol qariyanyng biri, biri bolaghanda da biregeyi – Rysbek Sәrsenbayúly der edim.

Ókinishke oray, biz sol Rysbek Sәrsenbayúly aghamyzdy qadirleudin, aqyl-kenesin tyndaudyng ornyna, ony songhy kezde ýnemi qughandaumen kelemiz. YouTube kanalyn ashyp qalsaq boldy, «Rysbek Sәrsenbay aghamyzdyng ýiine POLISIYa keldi...», «Sot Rysbek Sәrsenbayúlyna Ayyppúl saldy», «Rysbek Sәrsembayúlyna SOT ShEShIMI shyqty»... degen «janalyqtardan» kóz ashpaytyn boldyq.

IYә, Rysbek Sәrsenbayúlynyng oppozisioner sayasatshy ekeni ras.

Biraq, Tәuelsiz Qazaqstannyng otyz jyldyq tarihynda múnday shynshyl, birbetkey, әdiletti oppozisionerdi Alataudy alty ainalsaq ta taba almaymyz. Rysbek agha óte mәdeniyetti sayasatker. Ol dәlelsiz sóilemeydi.

Bar bolghany, «Saylau әdiletsiz ótti!» dep, «Halyq parlamenti» degen atpen jinalys ótkizipti, beybit miting ótkizipti. Sol jinalystarda bir-eki auyz ashy pikir aitypty. A, biraq TÓNKERIS jasaymyn, búzyp-shaghamyn degen joq qoy!

Sol ýshin jasy jetpisten asqan qadirmendi aqsaqalymyzdy sonsha qughyndaugha bola ma!? Ákemizdey admnyng býkil el-júrttyng aldynda sot zalyna sýiretkenimiz úyat emes pe?! Esesine, Aqordagha shaqyryp pikirin tyndamaysyzdar ma?!

Kezinde Onyng tughan inisi Altynbekting bolashaq jayly aitqan úshqyr boljamdary býgin aina qatesiz oryndalyp jatqan joq pa?!!

Ertengi úrpaq Rysbek aghamyzdyng da býgingi kýresin baghalap, ony ýlgi tútatyn bolady!

Óz basym osy oppozisiya degen auyldan aulaq jýretin adammyn. Elge oralghan 25 jyldyng ishinde eki-aq oppozisiyalyq baghyttaghy sayasatkermen jaqyn aralasyp, ini bolyppyn. Onyng biri – osy Rysbek Sәrsenbay, ekinshisi – qazirgi deputat Ermúrat Bapi. Qalghanymen keziksem amandasqan shygharmyn, al bylay otyryp sóilesken emespin.

Sebebi, búl ekeui de tekti aghalar! Eng bastysy halyqqa, memleketke degen niyeti týzu túlghalar.

Núrjan Áltaev pen Múhtar Tayjandy, Janbolat Mamaydy auyq-auyq qamap túrghan eshtene etpeydi. Olar – jas. Pysuy kerek! Endigi jerde kәbiynetten shyqpaghan, týrmening dәmin tatpaghan túlghanyng dúrys preziydent nemese premier-ministr bolmaytyny belgili bolyp qaldy. Tarihtaghy eng yqpaldy memleket basshylarynyng bәri osynday qughyn-sýrginning qúrbany bolyp, týrmede otyryp shyqqandar ekeni belgili.

Sol ýshin keleshek memleket basqaratyn túlghaldardy osylay dayynday bergenning artyqtyghy joq dep oilaymyn.

Al, men jaqsy bilemin, Rysbek Sәrsenbayúly aghamyzda preziydent nemese Ýkimetbasy bola qoyayyn degen niyet joq ekenin bilemin. Ary ketkende, bir kezek Mәjilis deputaty bolyp, Parlametke biraz ózgeris әkelgisi ghana kelgen.

Menshe, Qasym-Jomart Toqaev «Ana Rysbek Sәrsenbayúly nege miting ýiymdastyrady?! Ony nege qamamaysyndar?!» dep, búiryq bermesi anyq. Eger, Qasym-Jomart Kemelúly Rysbek Sәrsenbay aghamyzben kezdesip sóilesip jatsa, biraz pikirine qúlaq asary sózsiz!

Sol ýshin, Rysbek aghamyzdy qudalaudy toqtatynyzdar!

Ákelerinizdey adamdy sotqa sýirep jýru úyat bolady!

Qayta, osynday aghamyzdyng bolghanyna maqtanuymyz kerek!

Auyt Múqiybek

Abai.kz