Qazir bәrimiz qúlaq týretin oqigha orys-ukrain soghysy. Biraq búl soghys Qyrymdaghy Resey Qara teniz flotynan bastalghanyn eskere bermeymiz.

Orta Aziyada Resey әskeri qyrghyz, tәjik jәne qazaq jerinde ornalasqan. Qazaqstanda Reseylikterding Bayqonyrdy esepke almaghanda, odan bólek ýsh birdey әskery bazasy bar. Olardyng alyp jatqan aumaghy Ukrainanyng Kiyev, Jotomir jәne Volyn oblystaryn qosa alghan kólemde.

Elimizdegi osy ýsh aimaqta ornalasqan Resey әskeriylerining ne istep, ne qoyyp jatqany eshkim bilmeydi. Biraq songhy kezde qazaq jerindegi Reseylik әskeriyler qara arhelogqa ainala bastaghany Abay oblysy boyynsha qylang bere bastady.

«Habar 24» arnasynyng tilshisi  Azamat Qasymnyng FB jazbasynda: «Myna fotodaghy jәdigerlerdi altyn izdeushiler Degeleng tauy (Kurchatov) jaqtan qazyp alyp, «muzeyge tapsyrmaymyz, satamyz» dep bermey otyrghan kórinedi.

Olar deldaldar arqyly arheolog Aydyn Junishanov aghamyzgha habarlasqan kórinedi. Búl jaghdayda ne isteuge bolady, ne aitasyzdar», - degen jazba payda bolyp, Shyghys aimaqtaghy júrt arasynda qyzu talqygha týsti.

Sonda qarpayym qazaq týgil, qúzyrly mekeme qyzmetkerleri de kire almaytyn Resey әsker bazalary aumaghynda ne bolyp, ne qoyyp jatqanyn eshkim bilmeydi. Sonda tarihy jәdigerlerimizdi tonap jatqan әskerlerge kim tosqauyl qoyady degen oy shyghystaghy aghayyndardy tolghandyra bastady.

Abai.kz