6 tamyz kýni tanerteng júmysshylar Kiyevtegi «Otan – Ana» eskertkishining qalqanyna Ukrainanyng resmy simvolyn ornatty. Dnepr jaghasynda ornalasqan «Otan – Ana» eskertkishi Europadaghy eng biyik, al әlemde besinshi monumentaldy mýsin bolyp tabylady. Túghyry bar eskertkishting biyiktigi – 102 metr. Mýsinde qalqan men qylysh kótergen әiel beynelengen.

Tamyz aiynyng basynda Ukraina ýkimetining sheshimimen mýsinning qalqanynan KSRO eltanbasy alynyp tastaldy.

«Boldy! Onyng ornynda ukrain eltanbasy ornatyldy. Búl kýrdeli, jauapty, tarihy joba boldy. Osyny jýzege asyrghandardyng barlyghyna – materialdyq qoldau bergender, dizaynerlerge, qúrylysshylargha, mýsinshilerge, Soghys múrajayynyng qyzmetkerlerine, osy ózgeristerdi qoldaghandargha, barlyghyna alghys aitamyn», – dep jazdy Ukrainanyng eks-mәdeniyet ministri Aleksandr Tkachenko.

Al panelidi qúrastyru jalghasuda. Ukrainanyng Mәdeniyet jәne aqparattyq sayasat ministri Rostislav Karandeev búl júmysty 24 tamyzda atap ótiletin Ukrainanyng Tәuelsizdik kýnine deyin ayaqtau kerektigin aitty.

Eskertkishting ózin ózgertu josparlanuda. Ukraina biyligi «Otan - Ana» degenning ornyna «Ukraina - Ana» dep ataghylary keledi. Ekinshi dýniyejýzilik soghystaghy Ukraina tarihy múrajayynyng diyrektory Yuriy Savchuktyng aituynsha, múrajaydyng ghylymy kenesi múnday sheshimdi bekitip qoyghan, biraq ony Mәdeniyet ministrligi әli de týpkilikti bekitui kerek. Mýsin 1981 jyly 9 mamyrda Pechersk taularynda, Dneprding ong jaghalauynda, qazir Ekinshi dýniyejýzilik soghystaghy Ukraina tarihynyng múrajayy dep atalatyn keshen aumaghynda ashyldy.

Búl múrajayy bar mýsindi túrghyzugha Kenes memleketi 12 million rubli júmsady. Býkil keshenning qúny 30 million rubliden asty. 2015 jyly Donbassta Resey bastaghan soghystan keyin dekommunizasiyalau prosesining bir bóligi retinde KSRO eltanbasyn Ukraina eltanbasymen auystyru iydeyasy payda boldy. Qymbat shyghyn men Eltanbany bólshekteu eskertkishting túraqtylyghyna núqsan keltiredi degen qauipten júmys birneshe ret keyinge shegerildi.

2022 jyldyng jazynda Ukraina ýkimeti «Diya» memlekettik sifrlyq platformasynda eskertkishpen ne isteu kerektigi turaly onlayn saualnama jýrgizdi. Dauys beru 7 shildeden 21 shildege deyin sozyldy, ukraindyqtargha eki jauaptyng birin tandau úsynyldy: Birinshisi - barlyghyn sol kýiinde qaldyru. Ekinshisi - KSRO eltanbasyn alyp tastap, ony Ukraina eltanbasymen auystyru. Saualnamagha barlyghy 780 myngha juyq adam qatysty. Songhy núsqany qoldaushylardyng sany 85 payyzdy qúrady.

Aghymdaghy jyldyng 13 shildesinde Ukrainanyng sәulet jәne qala qúrylysy memlekettik inspeksiyasy júmysty bastaugha rúqsat berdi. «Dizayn sheshimderinde eskertkishting qalqanyna Ukrainanyng memlekettik eltanbasyndaghy suretke sәikes keletin trezubes ornatu qarastyrylghan», - dep habarlady agenttik.

Aytu kerek, aghymdaghy jyldyng sәuir aiynyng ortasynda Joghary Rada Ukrainada Reseyding imperlyq sayasatyna qatysty rәmizder men toponimderge tyiym salatyn zang qabyldady, onyng ishinde Reseyding resmy rәmizderi (Mәskeu patshylyghynan qazirgi Resey Federasiyasyna deyin) tyiym salyndy. Reseyde basshylyq qyzmetter atqarghan nemese reseylik imperlyq ýgit-nasihatpen ainalysqan tarihy túlghalardy nasihattaugha da tyiym salyndy.

Birneshe jyl búryn Ukrainada dekommunizasiya turaly zang qabyldanyp, oghan sәikes kenestik memleket qayratkerlerine arnalghan kóptegen eskertkishter búzylyp, kóptegen kósheler, alandar men eldi-mekenderding atauy ózgertildi. Reseyding Ukrainagha basyp kirui bastalghannan keyin Kenes Odaghymen ghana emes, Reseymen de baylanysty ataulardy ózgertu bastaldy. Mәskeu kenestik eltanbanyng joyylyp, mýsinning atyn «Ukraina - Ana» dep ózgertkenine ashuly reaksiya tanytty.

«Búl Kiyev rejiymi men ol basqaratyn kiborgtardyng býkil mәni. Ananyng atyn ózgertu mýmkin emes. Ol bir. Ony tek sýng kerek. Olar múny qalay isteu kerektigin bilmeydi», - dedi 6 tamyzda Resey Syrtqy ister ministrligining resmy ókili Mariya Zaharova.

KSRO eltanbasy Mәskeuding ortalyghyndaghy Resey Syrtqy ister ministrligining bas ghimaratynyng qasbetinde jәne basqa da kóptegen reseylik ýkimettik ghimarattarda әli de túr.

Kerimsal Júbatqanov

Abai.kz