Biyl elimizdegi bireshe aimaqta 1 synypqa baratyn balalardyng basym bóligi orys mektepterin tandaghan eken. Burahan Daqanov dostyng shaghyn postynda osyny anghardym.

Qatelik qaydan ketti? Balalar әlumettik jeliden shyqpaydy, ata-analardyng olargha qaraugha shamasy joq. Tipti ata-anasy taza qazaqsha, kerek deseniz, oryssha sóilespeytin otbasylarda balalar ana tilin bilmeytin dengeyde. Adam aitsa, nanghysyz jaghday. Sonday birneshe ata-anany kórip tang qaldym. Smartfon ata-anasyn almastyrghan balada qazaq tili de joq.

Al otandyq animasiyalyq filim salasy aqsap túr. Ony biylik organdary qoldan auyzdyqtap, túqyrtyp otyrghanyn moyyndau kerek. Búl eng ýlken memlekettik strategiyalyq baghyt ekenin sheneunikter týsinbeydi, týsingisi de kelmeydi. Elimizde 30-dan asa animasiyalyq kompaniya bar. Biraq olardyng neken-sayaghy ghana júmys istep túr. Nege? Sebebi, anmasiyalyq ónim óndirisine beriletin qarajat mardymsyz. Al júmystyng shyghyny shash-etekten. Rejisser, kompozitor, ssenarist, anmatorlar jәne taghy basqa mamandar qarajaty dúrys bolsa ghana, dúrystap júmys isteydi. Patriottyq sózder ótpeydi. Óitkeni, enbek onay emes.

Belgili animasiyalyq rejisser Aday Ábeldinov bizge bergen súhbatynda jemqorlyqtyng búl salany da jaulap alghanyn aghynan aqtarylyp әngimelep bergen edi.

Dәl osy salada basshylyqta әke, kókeler siresip otyr. Olar qazaqtyng bolashaghyna, kishkentay býldirshinderine jany ashysa, sәbiylerding tili oryssha shygha ma? Balalardyng týk kinәsi joq.

Endeshe, kishkentay perishtelerding obaly bezbýirek sheneunikter men nemqúrayly ata-analargha.

Qazir qazaq animatorlary júmyssyz bosyp jýr. Túraqty júmys bolmaghan song damuy da qiyn. Al sheneunikter shyn janashyr bolsa, olardy jobalar berip, júmyspen qamtymaq týgil jiyi-jii shetelge shygharyp oqytyp otyrar edi.

Ministrlikter mlrd, tipti trln qarajatty jútyp otyr. Bir halyqaralyq forumgha 187 mln tenge bólgenin bayqap qalyp shok bolghan edim. Solay jalaulatqan is-sharalardyng naqty paydasy qanday? Al naqty júmyspen ainalysyp jatqan otandyq kompaniyalargha nege dúrystap qarjy bólmeymiz? Aynalayyn-au, animasiya salasy qazaq elining bolashaghy ghoy. Óz bolashaghymyzdan qyzghanghan qarajat opa bere me?

Arman Áubәkir

Abai.kz