Kesheli-beri әleumettik jelining qazaqstandyq segmentinde Saryaghash qalasyndaghy «Abdusattar» meshitinde bolghan jaghday yzu-qyzu talqylanuda.

Jelige taraghan beyne jazbadan namazda barysynda sapta túrghan er azamat qasyndaghy adamdy úrghanyn anyq kóruge bolady. Al oqigha bayany mynaday: Imam: «Namaz ýstinde «Ámiyn» degen sózdi dauystap aitugha bolmaydy», - dep eskertken. Alayda búl eskertudi elemegen bir adam: «Ámiyn», - dep dauystap aitqan. Búghan shydamaghan bireu әlgini betinen úryp, shalqasynan týsiredi.

Suret: Viydeo skriyni.

Búl oqighagha qatysty Qazaqstan músylmandary diny basqarmasy resmy týsiniktime berdi. Onda:

«Oqys oqigha der kezinde toqtatylyp, polisiya qyzmetkerleri tiyisti júmys jýrgizude. Qazaqstan músylmandary diny basqarmasy meshitke kelushi jamaghatty meshit erejesine baghynugha, sonymen qatar qúlshylyq ýiinde sabyr saqtap, kórkem minez tanytugha shaqyrady. Eske sala ketsek, QMDB bekitken «Meshit erejesi» boyynsha Qazaqstan músylmandarynyng auyzbirshiligi men birtútastyghyn qamtamasyz etu ýshin namaz ben diny rәsimder Ábu Hanifa mәzhaby boyynsha oryndalady», - delingen.

Suret: Aghabek Qonarbayúly jazbasynyng skriyni.

Biz taqyrypqa túzdyq retinde, jurnalist Ámirhan Almaghanbetovtyng Aqmola oblysy, Qosshy qalasyndaghy «Bógenbay batyr» meshitining nayb-imamy Qazanghap Ybyray qajymen jasaghan súhbatyn Abai.kz oqyrmandarynyng talqysyna úsynghandy jón sanadyq.

Qazirgi kezderi el ishinde dýmsheler әbden tayrandap boldy. Tayrandaghany sol, internet jelisin emin-erkin paydalanyp, halyqqa týsiniksiz maghynadaghy diny uaghyzdardy ashyq nasihattauda. Sonyng biri, «sharighattyng bir túsynda júmysynnan airylyp qalmas ýshin basshyna para beruing qúptalghan» deui, tipti jagha ústatyp otyr. Mazasyz oidyng jetegimen saualdarymyzgha naqty jauap almaq bolyp, Aqmola oblysy, Qosshy qalasyndaghy «Bógenbay batyr» meshitining nayb-imamy Qazanghap Ybyray qajygha jolyqtyq.

– Jaqynda әleumettik jeli betinen «júmysynnan airylyp qalmas ýshin sharighattyng bir túsynda para beruge rúqsat etilgen» degen viydeo-uaghyz kórinis tapty. Siz búghan qatysty qanday uәj aitasyz?

– Sharighat boyynsha, istep jýrgen qyzmetinen airylyp qalmas ýshin basshyna para beruge bolady degen úigharym joq. Búl sóz eldi adastyrugha baghyttalghan dep naqty aita alamyn. Eshbir basshynyng «kresloda» qansha uaqytqa deyin otyratynyn adamzat balasy bilmeydi. Sondyqtan biz ýshin rizyq Allanyng qúzyretinde ekenin eskeruimiz qajet.

– Sonda adamnyng týsinigi men aqyl-parasatyna keri әser etip jýrgen arandatushylargha qalaysha toqtam jasaymyz?

– Jalpy myna әleumettik jelige kim bolsa da shyghyp, ózining oiyn aitugha qúqyly. Osyny arandatushylar jaqsy biledi. Sondyqtan da búlar basyna taqiyasyn kiyip alyp, әdeyi imam keypine enedi. Endeshe, osylar aitty eken dep, sózderine ilanugha әbden bolmaydy. Sudy da búlaqtyng taza jerinen ishetinimiz siyaqty, diny uaghyz aitushynyng da kim ekenin әbden anyqtauymyz shart. Áytpese, diny sauaty kemshin adam myqtap adasady.

– Jekelegen adam júmysynda ózine tapsyrylghan mindetterdi tolyq oryndamay túryp, namaz oqitynyn algha tartady da, júmys ornyn tastap ketedi. Onyng búl әreketine әriptesteri renishin bildirip jatady. Jalpy namaz oqudyng erejesi qanday?

– Adam balasy namaz oqudy ózining erikti sheshimimen qabyldaydy. Alayda, júmys ornyndaghy ózine jýktelgen tapsyrmalardy tolyq oryndamay túryp, júmysyn tastap, júma namazgha baramyn deui әbestik bolyp sanalady. Búl talapty bylayghy júmys kýnderi de qatang este saqtauy qajet. Sol ýshin namazdy ózining bos uaqytynda oquy qúptalady.

– Adam dýniyeden ótkende, ol Allanyng bergen jasyn jasady deymiz. Al negizinde biz qúdiretti kýsh iyesining adamzatqa «saqtansan saqtaymyn» degenin úmytpauymyz qajet. Búghan qatysty Sizding pikiriniz qanday?

– Ras aitasyz, eshbir adam balasy ózining qansha jasqa deyin ómir sýretinin anyq bilmeydi ghoy. Osy sebepten biz ózimiz saqtana biluimiz kerek. Óz-ózindi kýtinbeseniz, densaulyghynyzgha mәn bermeseniz oghan Allanyng qatysy qansha?! Bastysy, óz taghdyryng óz qolynda degendi basa aitqym keledi.

– Saualdarymyzgha naqty jauap bergeniniz ýshin alghys bildiremin.

Súhbattasqan Ámirhan Almaghanbetov

Abai.kz