Biz Tayau Shyghystaghy tasyr-týsirge alandap otyrghanda, Ukraina maydanynda da qyz-qyz qaynaghan shayqastar jýrip jatyr. Sol jaqqa qaray bir sholu:

DONESKI OBLYSY: UGLEDAR

Naghyz qanqasap shayqas dәl qazir Doneski oblysynyng Ugledar deytin shaghyn qalashyghynda jýrip jatyr. Búl qala qazir ýsh baghyttan jau qorshauynda qaldy. Soghysqa deyin 14 myng adam ómir sýrgen qalada qazir adam sany jýzge de jetpeydi.

Ugledardy Resey 2,5 jyl boyy shabuyldaumen keledi. Byltyr Reseyding Tynyq múhit flotyna qaraytyn 155-shi brigadasy Ugledargha shabuyldap, jeke qúram men tehnikanyng 80 payyzy talqandalghan. Sóitken, Ugledar Resey baqylauyna ótti. Qalanyng soltýstik bóliginde 300-ge tayau Ukraina sarbazy qaluy mýmkin.

Doneski oblysyndaghy úrys nýkteleri: Krasnyy Liman baghytyndaghy Nevskiy men Makeevkide de qiyaqkeski shayqas jalghasyp jatyr.

HARKOV OBLYSY: VOLChANSKI

Harikov oblysynda «Volchanski agregat zauyty» bar. Bir apta búryn Ukraina zauyt aumaghyn jaudan tazartyp, tolyq baqylaudy óz qolyna alghan. Resey әskeri osy zauytqa da shabuyl jasauda. Biraq, sonday bir quatty shabuyl emes. Brondy tehnikamen qarulanghan Reseyding әskery toptary zauytqa shabuyldap, ýlken shyghyngha úshyrady. Tipti, Reseyding әskery korrespondentteri de búny synap jatyr.

Harikov oblysynda qyzu shayqas jýrip jatqan taghy bir nýkte bar. Ol – Viyshevoe auyly. Búl jaqta da Resey әskeri toytarys tapqan.

KURSKI ShAYQASTARY

Búl baghytta qazir aitarlyqtay ózgeris bayqalmaydy. Ukraina óz pozisiyalaryn ústap otyr. Kerisinshe, Ukraina búl baghytta jana brigadalar jasaqtap, jau pozisiyalaryna dýrkin-dýrkin soqqylar úiymdastyruda. Jәne jana eldimekenderge qaray jyljugha әreket etude. Kurskidegi negizgi shayqastar Glushkovski jәne Sudja audandarynyng territoriyalarynda jalghasuda.

Glushkovski audanynda Novyy Puti auyly ýshin keskilesken úrys jýrip jatyr. Nәtiyjesi – itjyghys.

Sudja audanynda Resey Plehovo auylyn qaytaryp alugha tyrysuda. Biraq búl tyrysulary sәtsiz ayaqtalyp jatyr.

Korenevo baghytynda negizgi úrystar orman ishinde jalghasuda. Ukraina búrynnan ormanda shayqasudyng sheberleri ghoy. Key jerlerde jaudy aldap, ormangha kirgizip alyp, tóbelerinen termit tógip, tiridey ot qúrsauynda qaldyryp jatqanyn osyghan deyin jazghanbyz.

BELGOROD OBLYSY

Aytpaqshy, Reseyding Belgorod oblysynda Ukrainadan soqqy jep jatqan Shebekino degen jer bar. Kesheli-býgin Ukraina Shebekinony ayap jatqan joq. Býgin osy Shebekinonyng Novaya Tavoljasy soqqy jedi. Al Belgorod oblysynyng shekaralyq Krasnoyarujski audanyndaghy Vyazovoe auyly da tayaq jedi býgin.

Núrgeldi Ábdighanidyng jelidegi jazbasy

Abai.kz