Abay oblysynda orman órtimen kýreste qaza tapqan órt sóndirushiler men ormanshylargha eskertkish ashyldy. Ashylu saltanatyna oblys әkimi Núrlan Úranhaev, oblystyq mәslihat tóraghasy Quanysh Sýleymenov, qaza tapqan ormanshylardyng tuystary, memlekettik organdardyng qyzmetkerleri jәne jergilikti túrghyndar qatysty. Sharada batyrlardyng qúrmetine gýl shoqtaryn qong rәsimi de ótkizildi.

Eskertkishting avtory — mýsinshi Núrbol Qaliyev. Granit túghyrgha ornatylghan segiz metrlik eskertkish tilsiz jaugha qarsy túrghan «Semey Ormany» rezervatynyng batyl ormanshylarynyng ruhyna taghzym ispettes.  Qoladan jasalghan eskertkish qaza tapqandardyng batyldyghy men óz isterine degen adaldyghyn beyneleytin relieftermen bezendirilgen.

Eskertkishting ashyluynda sóz alghan aimaq basshysy Núrlan Úranhaev jerlesterimizding erlik danqy óshpeytindigin erekshe atap ótti.

«Qara ormandy qadirlep, batyldyq pen batyrlyqtyng jarqyn ýlgisin kórsetkender úrpaq jadynda mәngi saqtalady. Búl túghyrtas tabighattyng tosyn minezine tótep bergen azamattardyng atyn әigileu ýshin arnayy qoyylyp otyr. Esimderi tarih taqtasyna altyn әrippen jazylyp, úrpaghy maqtan eter jerlesterimizge, biz, qashanda basymyzdy iyemiz!», - dedi aimaq basshysy Núrlan Úranhaev óz sózinde.

Sharada qaza tapqan ormanshylardyng tuystary sóz sóiledi. Solardyng biri Aray Ámirhanova eskertkish batyrlargha qúrmet ekenin atap ótti.

«Ashylghan eskertkish  beybit kýnning batyrlaryna kórsetilgen qúrmet dep esepteymin. Memleket tarapynan kórsetilgen qoldaudy sol qayghyly kýnnen beri sezinip kelemiz. Biri jarynan, biri úlynan, biri agha-bauyrynan aiyrylghan qayghyly jaghdaydy el bolyp birge ótkerdik. Býgin mine enseli eskertkish ornatyldy. Alghash ret bizben kezdeskende Memleket basshysy Qasym-Jomart Kemelúly barlyq kómekti alasyzdar dep aitqan bolatyn. Preziydentimizge  qoldau kórsetip, kómek qolyn sozghany ýshin zor alghys bildiremin. Barlyq kómekti aldyq, oghan myng da bir alghys» - dedi Aray Ámirhanova.

Eskertkish Boroduliha audanyndaghy Kamyshenka ormanshylyghynyng many men respublikalyq kýre joldyng boyynda ornalasqan. Búl batyldyq pen adaldyqtyng mәngilik simvolyna ainalyp, óz halqynyng qauipsizdigi men tabighatty qorghau ýshin ózin qúrban etkenderdi eske salady.

Abai.kz