Qazaqstan men Armeniya preziydentteri «Astana» halyqaralyq qarjy ortalyghynda boldy. Búl turaly Aqorda habarlady. 

Memleket basshysy Qasym-Jomart Toqaev pen elimizge resmy saparmen kelgen Armeniya Preziydenti Vaagn Hachaturyan «Astana» halyqaralyq qarjy ortalyghyna bardy.

Preziydentterge AHQO basqarushysy Renat Bektúrov qarjy ortalyghy qyzmetining negizgi baghyttary jәne onyng ónirlik bastamalardy damytudaghy ýlesi turaly mәlimet berdi.

AHQO arqyly Qazaqstan ekonomikasyna tartylghan investisiya kólemi 13 milliard dollardan asqan. Onyng 5,9 milliard dollary AIX birjasyndaghy portfelidik investisiya bolsa, 7,3 milliard dollary AHQO-gha qatysushy kompaniyalargha tiyesili.

Býginde múnda әlemdegi 80-nen astam elding 3200-ge juyq kompaniyasy júmys isteydi. Olardyng qatarynda aqparattyq-kommunikasiyalyq tehnologiyalar, qarjy qyzmetteri men saqtandyru salalaryna mamandanghan Armeniyanyng 6 iri kompaniyasy da bar.

Sonymen qatar AHQO Soty men Halyqaralyq tórelik ortalyghynyng qyzmeti, ortalyqtaghy sot jýiesining ereksheligi jóninde de aqparat berildi.

Búdan bólek, AHQO qarjy qyzmetterin retteu komiytetining júmysy turaly bayandaldy. Atalghan komiytet pen Armeniya Respublikasynyng Ortalyq banki arasynda Bank jәne saqtandyru qyzmetterin, baghaly qaghazdar naryghyn qadaghalau jәne retteu salasyndaghy ózara is-qimyl turaly memorandum jasalghan.

Abai.kz