Sheshenbasy Ramzan Qadyrovtan maza ketti. Ukraina drondary keshe Sheshenstannyng Gudermesine úshyp jetip, dóp soqqy jasady. Onda da Gudermestegi Reseyding arnayy jasaq uniyversiytetine dóp tiydi.

Sheshenstan basshysy Ramzan Qadyrov Ukraina dronynyng uniyversiytetke dәl tiyip, órt shyqqanyn rastady. Keyin: «Biz Ukrainagha búl shabuyly ýshin ondyrmay jauap beretin bolamyz. Ukraina týsinde kórmegen soqqyny jasaymyz», - dep jatty.

Gudermestegi uniyversiytetting negizi 2013 jyly qalanghan. Al biyl aqpanda Sheshenbasy Qadyrov uniyversiytetke Resey preziydenti Putinning aty berilgenin sýiinshilep aitqan.

Búl soghys bastalghan 2022 jyldan bergi Sheshenstan aumaghyna jasalghan alghashqy belgili shabuyl.

Ayta keteyik, soqqy jegen nysan maydan dalasynan 1000 shaqyrymnan asatyn qashyqtyqta ornalasqan. Ádette, múnday qashyqtyqqa dóp soqqy jasaugha úshaq tiptes drondar qoldanylady. Mysaly, «Bayraktar» nemese sol sekildi soqqylaushy drondar.

Sheshenstangha jasalghan búl soqqy qyryp-joyyp nәtiyje kórsetpedi degenmen, búl shabuyldyng psihologiyalyq soqqysy kýshti deuge bolady. Qaranyz:

Birinshiden: Soghys bastalghan alghashqy kýnnen armiyasyn jasaqtap, Kremliding aldyna tósep bergen Sheshenbasynyng imidjine soqqy. Qadyrovqa: «Bizding drondar Sheshenstangha da jete alady», - degen eskertu boldy.

Ekinshiden: Resey aspanyn armansyz sharlap úshyp, 1000 shaqyrym qashyqtyqta ornalasqan, Reseyding týkpir tylyndaghy «әskery bazagha» dóp soqqy jasau mýmkindigin Ukraina taghy bir mәrte әlemge pash etti.

Ýshinshiden: Ukraina drony Sheshenstannyng Gudermesine jetu ýshin Reseyding kemi birneshe aimaghyn attap ótken. Mysaly, halqy tyghyz ornalasqan Stavropoli, Krasnodar aimaqtaryn, Rostov oblysynyng aspanynan aman ótip, úzaq qashyqtyqqa úshyp jetken. Búnyng ózi Resey PVO-sy qalyng úiqyda ekenin nemese Ukraina drondarynyng PVO-gha aldyrghysyz ekenin kórsetedi.

Tórtinshiden: Ákkilik. Áskery sarapshylardyng pikirinshe, PVO 200-300 metr biyiktikten bastalatyn nysandardy myqty kóre bastaydy. Al odan tómeni «soqyr túman» aimaghy sanalady. Demek, Gudermeske jetken drondar óte tómen biyiktikte úshyp jetken boluy mýmkin. Osynsha úzaq qashyqtyqty «jerbauyrlap úshyp ótu» әkkilik emey ne deysiz? Al jol boyynda ornalasqan Reseyding «Pansirileri» men «Shilkalary» Ukraina dronyn joldan qúlata alghan joq. Bәlkim úiyqtap jatty.

Abai.kz