Reseyding janartylghan yadrolyq doktrinasy kýshine endi. Resey preziydenti Vladimir Putin ózgertilgen doktrinagha qol qoydy. Yadrolyq doktrina Reseyde Kenestik kezennen keyin alghash ret auqymdy negizde ózgeriske úshyrap otyr. Búl turaly Mezgil.kz aqparattyq portaly jazdy. 

Janartylghan qújat boyynsha, Resey aumaghyna qanatty zymyrandarmen nemese quatty drondarmen shabuyl jasalsa, Reseyding aumaqtyq tútastyghyna qauip tónse, onda Resey yadrolyq qarudy qoldanuy mýmkin.

Janartylghan doktrinada qosymsha tarmaqtar payda boldy. Onyng ishinde yadrolyq qarudy birinshi bolyp qoldanugha sebep bolatyn jayttar da jazylghan. «Resey aumaghyna qaray strategiyalyq bombalaushy úshaqtar, qanatty zymyrandar men auqymdy drondar úshyp kele jatqany nemese Resey aumaghyna kirgeni jayly aqparat anyqtalsa, onda Resey birinshi bolyp soqqy jasauy mýmkin» delingen qújatta.

Endigi tanda Reseyding aumaghyna ghana emes, kórshiles Belarusi jerine shabuyl jasalsa da Mәskeu tarapynan shabuyl jasaushygha qarsy yadrolyq qaru qoldanyluy mýmkin. Belarusi pen Resey «odaqtas el» jobasy ayasynda aumaqtaryn birlese qorghaugha kelisken. Al 2023 jyly Resey Belarusi aumaghyna yadrolyq qaru ornalastyrdy.

Taghy bir ózgeriste, bylay delinedi: «Yadrolyq qaruy bar elding qoldauymen, yadrolyq emes memleketting Reseyge nemese Reseyding odaqtasyna (Belarusiqa) jasaghan shabuyly olardyng birlese jasaghan shabuyly retinde qabyldanady».

Yadrolyq doktrinany ózgertudi sarapshylar Ukraina soghysymen tikeley baylanystyrady. Resey preziydentining baspasóz hatshysy Dmitriy Peskov búl aqparatty rastap, endigi tanda yadrolyq doktrina boyynsha Ukrainanyng batystyq zymyrandardy Reseyge qarsy qoldanuy Resey tarapynan yadrolyq soqqymen jauap beruge mýmkindik beretinin aitty.

Yadrolyq soqqy jasaugha qatysty sheshimdi Resey preziydenti qabyldaydy. Búl turaly qújatta naqty jazylghan.

Abai.kz