Aqtau manyndaghy úshaq apatyna baylanysty týrli joramal aityluda. Áleumettik jelide taraghan foto jәne viydeolargha baylanysty jeli qoldanushylary san týrli núsqany atauda. Úshaqtyng tehnikalyq aqauynyng boluy, úshaqtyng qústarmen soqtyghysuy, úshaqqa dron nemese әue qorghanys jýiesining shabuyl jasauy jәne basqa núsqalar aityluda.

Mamandar úshaq apatynyng naqty sebebin anyqtau ýshin uaqyt pen saraptama qorytyndylaryn kýtu qajet ekenin aitty. Úshaq apatyn zertteuge Qazaqstan, Ázerbayjan, Resey mamandary men halyqaralyq sarapshylar qatysady. Úshaq apatynyng sebebin anyqtau maqsatynda qara jәshikti oqu, tiri qalghan jolaushylardan jәne úshaq ekipajynan apatqa qatysty pikir alu, әleumettik jelide jariyalanghan foto jәne viydeolardy saraptamadan ótkizu, úshaqtyng әr bólshegin qarastyru jәne basqa is-sharalar jýzege asyryluda.

Qayghyly oqighagha baylanysty biylik ókilderi de pikir bildirude. Senat tóraghasy Mәulen Áshimbaev Azerbaijan Airlines kompaniyasynyng úshaghynyng apatyna baylanysty: «Áue apatynyn, úshaqtyng zaqymdanghan tústarynyng jәne búl qayghyly oqighanyng naqty sebebi әzirge belgisiz. Arnayy komissiya júmys istep jatyr. Qazaqstannyn, Ázerbayjannnyn, Reseyding tiyisti organdary júmyldyrylghan. Búl elderding ókilderimen birge bizding mamandarymyz da júmys isteude. Fotogha qarap birden sheshim shygharyp, búl osynday әreketting saldarynan deu nemese taghy basqany aitu búl - negizsiz mәlimdemeler, spekulyasiya», - deydi.

Ol mamandardyng úshaq apatyna baylanysty pikirlerine qúlaq asyp, qorytyndyny kýtu kerektigin aitty. Dәlelsiz dolbarlar men negizsiz joramaldar jasamaugha shaqyrdy.

«Komissiya, mamandar, sarapshylar júmys isteude. Olar barlyghyn qaraydy, ózderining qorytyndylaryn jasaydy. Qazaqstan da, Ázerbayjan da, Resey de aqparatty jasyryp qalugha niyetti emes. Barlyq aqparat qoghamgha ashyq jetkiziletin bolady. Oghan qatysty eshkimde kýmәn bolmauy tiyis. Mamandargha qorytyndy jasaugha mýmkindik beru kerek jәne ony azamattargha jetkizu qajet», - deydi Áshimbaev.

Úshaq apatyna baylanysty komissiyany basqaratyn viyse-premier Qanat Bozymbaev apattyng sebebine qatysty tújyrym jasaugha әzirge erte degen oida. «Aldyn-ala mәlimdemeler jasay almaymyn. Tipti boljamdy tújyrym jasaugha da erterek. Mәn-jaydy anyqtap jatqan mamandar bar», - deydi ol.

Úshaq apatynan keyin el premieri Bektenov te pikir bildirdi. Ol aviasiyalyq qauipsizdikti kýsheytu kerektigin aityp, tapsyrma berdi. «Birinshi kezekte jospardan tys tekseru jýrgizu jәne әuejaylardyn, әue kemelerining tehnikalyq jaghdayyn erekshe baqylaugha alu qajet. Ótkizilip otyrghan is-sharalar shenberinde otandyq aviakompaniyalar ekipajdardyng biliktiligin, rúqsatnamalaryn jәne qúzyretin qayta tekseru kerek. Sonymen qatar әue oqighalaryna jedel den qoi maqsatynda apattyq-qútqaru júmystaryn jetildiru jәne mýddeli memlekettik organdardyng ýilesimdi júmysyn qamtamasyz etu qajet. Oryn alghan jaghdaydan osynday oqighalardy aldaghy uaqytta boldyrmau ýshin naqty úsynystardy әzirley otyryp dúrys qorytyndy shygharu kerekpiz», — deydi ol.

Aqtau manyndaghy úshaq apaty 2024 jyldyng 25-jeltoqsanynda boldy. Úshaq bortynda 67 adam bolghan. Apattan 29 adam tiri qaldy.

Abai.kz