Tramptyng ant beru mýrәsiminde sóilegen sózinen...

Donald Tramp:

Viyse-preziydent Vens, spiyker Djonson, senator Tun, bas sudiya Roberts, Amerika Qúrama Shtattarynyng Jogharghy sotynyng sudiyalary, preziydent Klinton, preziydent Bush, preziydent Obama, preziydent Bayden, viyse-preziydent Harriys, mening әriptesterim.

Amerikanyng altyn ghasyry bastaldy. Býginnen bastap elimiz gýldenip, dýnie jýzinde qayta qúrmetke ie bolady. Biz kez kelgen elding qyzghanyshyna ainalamyz jәne ózimizdi endi qaytyp ózimizge paydalanuyna eshqashan jol bermeymiz. Tramp әkimshiligi әr júmys kýninde Amerikanyng mýdesin birinshi oryngha qoyady, óte qarapayym.

Biz býgin osynda jinalyp otyrghanymyzda, bizding ýkimet senim daghdarysyna tap boldy. Kóptegen jyldar boyy radikaldy jәne jemqor qúrylym azamattarymyzdan biylik pen baylyqty tartyp aldy, al bizding qoghamnyng ruhany tirekteri, qúndylyqtary ydyrap, әbden tozghyn boldy.

Býginnen bastap bәri ózgeredi, tez ózgeredi.

Osy sәtten bastap Amerikanyng qúldyrauy ayaqtaldy. Bizding bostandyghymyz ben últymyzdyng taghdyry búdan bylay keri ketpeydi. Biz Amerika biyligining birligin, qabiletin jәne adaldyghyn dereu qalpyna keltiremiz.

Songhy segiz jylda men 250 jyldyq tarihymyzdaghy kez kelgen Preziydentke qaraghanda kóp synaqtan óttim jәne osy jolda kóp nәrseni ýirendim. Bizding bastaghan isimizdi toqtatqysy kelgender mening bostandyghymdy ghana emes, shyn mәninde, mening ómirimdi de tartyp almaq boldy. Birneshe ay búryn kórikti Pensilivaniyada jendet meni qúlaghymnan jaralady, men tiri qaldym. IYә, meni Qúday Amerikany qayta qúru ýshin qútqardy, múghjiza!

Býgin men birqatar tarihy búiryqtargha qol qoyamyn. Osy әreketter arqyly biz Amerikada týbegeyli janaru men qayta gýldenu úderisin bastaymyz. Múnyng bәri parasattylyqqa baylanysty.

Birinshiden, men ontýstik shekaramyzda últtyq tótenshe jaghday jariyalaymyn. Elge zansyz kiru dereu toqtatylady, milliondaghan sheteldikterdi kelgen jerlerine deportasiyalau prosesin bastaymyz. Men «Meksikada qaldyru» sayasatymdy qalpyna keltiremin jәne «ústap, bosatu» degen tәjiriybeni toqtatamyn. Men últymyzgha jasalghan búl alapat shabuylgha toytarys beru ýshin ontýstik shekaramyzgha әsker jiberemin. Býgin men qol qoyghan búiryqpen sәikes esirtki karteliderin de sheteldik terroristik úiymdar qataryna jatqyzamyz. 1798 jylghy «Jau kýshter turaly» zangha jýginu arqyly men ýkimetke amerika topyraghyna engen, sonyng ishinde bizding qalalarymyz ben ishki qalalarymyzdaghy - sheteldik bandalar men qylmystyq toptardy jong ýshin federaldy jәne shtattyq qúqyq qorghau organdarynyng bar kýshin paydalanugha baghyttaymyn.

Bas qolbasshy retinde mening eng joghary mindetim - últymyzdy qauip-qater men basqynshylyqtan qorghau jәne men dәl solay isteymin. Biz búl missiyany búryn-sondy bolmaghan dengeyde oryndaymyz.

Ári qaray, men óz kabiynetimning barlyq mýshelerine rekordtyq inflyasiyany jenu jәne shyghyndar men baghalardy jyldam tómendetu ýshin qoldaryndaghy bar ýlken ókilettikterdi paydalanudy tapsyramyn. Búl inflyasiyalyq daghdarys shamadan tys shyghyndar men energiya baghasynyng sharyqtauynan tuyndady, sondyqtan men býgin últtyq energetikalyq tótenshe jaghday jariyalaymyn.

Amerika qaytadan iri óndirushi elge ainalady, bizde eshbir óndirushi elde joq nәrse bar - әlemdegi múnay men tabighy gazdyng eng ýlken qory bar. Biz ony tolyq paydalanamyz.

Biz baghany tómendetemiz, strategiyalyq rezervterimizdi molaytamyz jәne amerikandyq energiyany býkil әlemge eksporttaymyz.

Qayta auqatty el bolamyz, ayaghymyzdyng astyndaghy súiyq altyn sol mejege jetuge kómektesedi. Biz «Jasyl jana kelisimdi» ayaqtaymyz, elektr kóligi mandatynan bas tartamyz, dәstýrli avtoónerkәsipimizdi saqtaymyz, amerikandyq mәrtebeli avtojúmysshylargha bergen qasiyetti uәdemdi oryndaymyz.

Basqasha aitqanda, siz óziniz qalaghan kólikti satyp ala alasyz. Biz Amerikada taghy da birneshe jyl búryn eshkim elestete almaytyn jyldamdyqpen kólik jasaytyn bolamyz.

Men amerikandyq júmysshylar men otbasylardy qorghau ýshin sauda jýiemizdi keshendi reformalaugha dereu kirisemin. Bizding isteytinimiz – basqa elder bay bolsyn dep óz azamattarymyzgha salyq salu emes, azamattarymyz bay boluy ýshin shet elderge tarifter men salyq salu.

Osy maqsatta biz barlyq kedendik tólemderdi, salyqtardy jәne kiristerdi jinaugha jauapty syrtqy salyq organyn qúramyz. Shetelden qazynamyzgha qyruar qarjy qúiylady. Amerikandyq arman jaqynda qayta oralyp, búryn-sondy bolmaghan beynede órkendep, bizding federaldy ýkimetting mýmkindigi men tiyimdiligin qalpyna keltiredi. Mening әkimshiligim jana Ýkimet tiyimdiligi departamentin qúrady.

Sóz bostandyghyn shekteytin zansyz jәne konstitusiyalyq emes federaldyq sharalardyng kedergisin eskerip men ýkimetting barlyq senzurasyn dereu toqtatu jәne sóz bostandyghyn Amerika Qúrama Shtattaryna qaytaru turaly búiryqqa qol qoyamyn.

Men memleketting úly kýshin sayasy qarsylastardy qudalaugha paydalanudyng saldaryn jaqsy týsindim. Biz múnday jaghdaydyng qaytalanuyna jol bermeymiz. Búl endi qaytalanbaydy. Mening basshylyghymmen biz konstitusiyalyq zang ýstemdigi ayasynda әdil, teng jәne beytarap sot tóreligin qalpyna keltiremiz.

Biz qalalarymyzgha tәrtip ornatamyz. Osy aptada men әleumettik injeneriya arqyly qoghamdyq jәne jeke ómirding barlyq aspektilerine nәsildik jәne jynystyq kenpeyildik tanytatyn ýkimet sayasatyn toqtatamyn.

Biz әrkim terining týsine qaramastan qabiletine qaray baghalanatyn qoghamdy qúramyz. Býginnen bastap AQSh ýkimetining resmy sayasaty mynaday bolady: tek eki jynys bar - er jәne әiel.

Biz 2017 jylghyday әlem búryn-sondy bolmaghan eng quatty armiyany jasaqtaymyz. Biz jetistigimizdi jengen shayqastarmen, ayaqtaghan soghystarmen emes, әli kirmegen soghystarmen baghalaymyz.

Preziydent MakKinly bizding elimizdi kedendik tarifter men ózining tapqyrlyghy arqyly óte bay etti. Ol Teodor Ruzvelitting kóptegen úly jetistikterin, sonyng ishinde Panamagha aqymaqtyqpen berilgen Panama kanalyn qarjylandyr ýshin tuylghan biznesmen boldy, oilanynyz. Amerika Qúrama Shtattary Panama kanalyna búryn-sondy júmsalghan kóp aqsha júmsady, kóp aqsha... Panama kanalynyng qúrylysynda 38 000 adam qaza tapty. Eshqashan bolmauy kerek múnday aqymaq syilyq bizdi óte kóp әdiletsizdikke úshyratty jәne Panamanyng bizge degen mindettemesi búzyldy. Bizding kelisimning maqsaty men sharttyng ruhy tolyghymen joyyldy. Amerikandyq kemeler shamadan tys aqy tóleydi jәne olargha eshqanday әdilettilik kórsetilmeydi, oghan AQSh Áskeriy-teniz kýshteri de kiredi. Eng bastysy, Qytay Panama kanalyn paydalanady. Qytaygha emes, Panamagha berdik qoy, endi keri qaytaryp alghymyz keledi.

Niu-Yorkten Los-Andjeleske, Filadelifiyadan Fenikske, Chikagodan Mayamiyge deyin, Hiustonnan Vashingtongha deyin bizding últty bizding qúqyqtarymyz ben bostandyqtarymyz ýshin ómirlerin qighan neshe buyn qúrdy. Olar fermerler men soldattar, kovboylar men zauyt júmysshylary, bolat óndeushiler men kómirshiler, polisiya qyzmetkerleri men pionerler boldy. Olar algha úmtyldy, eshbir kedergining olardyng ruhy men namysyn jenuine jol bermedi. Birge júmys istey otyryp, olar temir jol saldy, zәulim ghimarattar túrghyzdy, ghajayyp tas joldar saldy, eki dýniyejýzilik soghysta jeniske jetti, fashizm men kommunizmdi talqandady jәne kez kelgen synaqty jendi.

Osy ortaq tәjiriybelerden keyin biz qazir Amerika tarihyndaghy eng ýlken tórt jyldyng basynda túrmyz. Sizding kómeginizben biz Amerikanyng uәdesin qalpyna keltiremiz jәne biz óte jaqsy kóretin eldi qalpyna keltiremiz. Biz bir halyqpyz, bir otbasymyz, Qúdaydyng nazaryndaghy danqty elmiz

Abai.kz