Putin resmy týrde Ázerbayjan úshaghy ýshin keshirim súraudan bas tartypty. Búl jóninde Ázerbayjan BAQ-tarynda aitylghanynday, RF osy úshaq apaty ýshin jauapkershilikti óz moynyna aluy kerek degen úsynysqa jauap retinde Putinning press-hatshysy Peskov mәlimdegen.

Sóitip tep-tegis jerden RF ózine birshama dos memleketpen araqatynasyn ýzdi. Arghy týbinde mensinbeushilik, imperlik pighyl jatyr. Tek... kýsh kórsetuge shamalary kelmey túr, әitpese soghys salugha da dýzderi janbaydy, Ukraina olardyng әbden silikpesin shyghardy.

Búl bizdi tipti qiyn jaghdaygha qaldyrdy. Ne isteuge bolady? Ne de bolsa kólik ministri bar shyndyqty aityp saluy kerek. Áriyne, qúrbandyqqa shalamyz, basqa amal joq. Eki qolgha bir júmys tabylar. Esesine Ázerbayjan halqymen dos qalpymyzda qalamyz.

Osyghan baylanysty taghy bir oy aitqym kelip otyrghany. Úshaqtyng tura Manghystau jerine qúlaghany qazaq eline ýlken abyroy әpergeni shyndyq. Eger Qazaqstannyng basqa jerine qúlasa ne bolar edi? «Tiktokta» Qalila degen kinorejisserding әri operatordyng viydeolaryn kórip jýrgen bolarsyzdar. Sonda ol ótken kóktemdegi su tasqyny kezinde manghystaulyq taksiylerding adamdardy tegin tasyghany, manghystaulyqtardyng olargha kómekti ýiip-tókkeni turaly aityp kózine jas alady. Almatydaghy jer silkinisi kezinde taksisterding baghany kýrt kótergenderimen, nemese dalada qalghan shopyrlargha ontýstik ónirding bir eldi mekenining halqy bir bólke nandy myng tengeden, bir bótelke sudy birneshe ese baghagha kóterip satqanymen salystyrady. Manghystaulyqtarda adamgershilik qaghidasy әli joyylmaghanyna rizashylyghyn jasyrmaydy. Onysyna rahmet! Ayta ketu kerek - Qalila bizding jerlesimiz emes, sol ontýstikting adamy boluy kerek.

Bizding sol bauyrmalshylyghymyzdyng paydasy býkil qazaq eline tiyip jatyr dep aita alamyn. Búghan eshkim de renjimesin, men bireuding namysyna tieyin dep, nemese basqa bóten oimen jazyp otyrghanym joq. Abyroy bәrimizge ortaq, bәrimiz bir atanyng balasymyz, tek mentaliytetimizde azdap aiyrmashylyqtar boluy mýmkin, biraq búl tәrbiyemen týzelip ketetin nәrseler dep oilaymyn.

Endi qanday payda degenge jauap bereyin: jaqynda bireuler Bakude Aqtaugha úshayyn dep túrady, qol jýkteri 5kg asyp ketedi, sol kezde әlgi әuejay qyzmetkerleri kimsinder deydi ghoy. Búlar qazaqtarmyz, Aqtaugha úshqaly túrmyz deydi. Sonda әlgiler: Ooo Aqtau! Qazaqtar! dep quana bir-birine qarap búlardyng jýkterine qoldaryn bir siltep, óte berinder deydi. Mine, sәl nәrse bolsa da dostyq degen osyndaydan bastalady. Al tiktokta qazaq elining jalauyn kóterip, qanshama jyly sózder aitylyp jatyr! Tipti «Naftalan» sanatoriyining basshysy sóilep, bizge kelip demalyp ketinder, qazaqtar ýshin ýlken skidka jasaymyz dep jatyr, osynyng ózi abyroy emes pe? Búryn Qazaqstandy jýrdim-bardym tanityndar, al Aqtau degen qala baryn birinshi ret estip túrghandargha Ázirbayjanda biraz tanymal bolyp qalghanymyz ras. Búghan basshylyqtyng qatysy qanshalyqty ekenin bilmeymin, biraq halyqtyq diplomatiya degenimiz meninshe osy!

Endi osy sózderden keyin biz osy nәzik sezimderimizdi ýzip almasaq dep uayymdaymyn. Orystan seskenip basshylarymyz osynau iste ótirik aitatyn bolsa onda bәri bos sóz bolghany. «Dos kónili bir atym nasybaydan qalady» demekshi, әzirbayjandar bir teris qarap ketse ózine qayta qaratu mýmkin bolmay qaluy mýmkin. Teristiktegi jauyz kórshi bizdi tuys halyqtan aiyrmasa degen tilek qoy...

Quanysh Edilhantegi

Abai.kz