Qazaqstan Bas prokuraturasy Erlan Nyghmatulindi reyderlik jasady dep aiyptady.

«Bir ainaldyrghandy - Qúday shyr ainaldyrady» degen osy da, Núrlan Nyghmatulinning taghy bir bauyrynyng ýstinen qylmystyq is qozghaldy. Taghdyr «myng asqangha bir tosqan» jasap, Nyghmatulinderdi ishken-jegenin qústyrudy qolgha alghan syndy.

Baghy janyp, júldyzy jarqyraghan Núrlan Nyghmatulin 2022 jylghy 1 aqpanda Mәjilis tóraghasy qyzmetinen ketkenin jaqsy bilemiz. Nýkeng 2012-2014 jyldary da Mәjilis spiykeri bolyp, 2016 jyldan bastap tómengi palatany basqarghan edi. Nazarbaev dәuirinde әr jyldary ol Preziydent Ákimshiligin basqardy jәne Qaraghandy oblysynyng әkimi qyzmetin atqardy.

Deputatattyq mandattan onyng basqa da tuystary qúr qalghan joqtyn. Atap aitsaq, ýlken aghasy – Arghyn Nyghmatulin Qaraghandy oblystyq mәslihatynyng búrynghy deputaty bolsa, egizi Erlan Nyghmatulin – Mәjilis pen Senatta deputat bolyp jalghandy jalpaghynan basqan-tyn. Endi olar Qúdaydyng da, Biylikting kózge shyqqan sýieline ainaldy.

Biylik pen Zannyng olardy qyryna aldy deytinimiz, Qazaqstan Bas prokuraturasy kәsipker Ramis Ibragimovtyng aryzy boyynsha qylmystyq is qozghady. Erlan Nyghmatulindi – Mәjilisting búrynghy tóraghasy Núrlan Nyghmatulinning synaryn – reyderlikke aiyptaghan sybys shyngha ainaldy.

Shyngha ainaldy deytinimz, júrt arasyna taraghan osy sybysqa sәrsenbi kýni Bas prokuraturanyng baspasóz qyzmeti «bopsalau» faktisi boyynsha qylmystyq is qozghalghanyn rastap nýkte qoydy.

Mәselening mәnisi mynada: 11 nauryzda Qaraghandy qalasynyng túrghyny, «Zara» franshizasynyng búrynghy iyesi Nataliya Ovdeychuk pen onyng júbayy Ramis Ibragimov «Erlan Nyghmatulindi reyderlikke qatysy bar» dep aiyptaghan bolatyn.

Búl arada taghy bir dәiek: Otandyq BAQ 2025 jylghy 7 qantarda Nyghmatulinderge reyderlikke qatysty jana aiyptaulardan keyin «preziydent Qasym-Jomart Toqaevty biylikten ketiruge dayyndaldy» degen kýdik bar ekeni habarlanghan bolatyn.

Sodan keyin-aq, Nyghmatulinderge qatysty reyderlik, qylmystyq qúrylymdargha qatysy bar boluy, zansyz shemalargha aralasuy jәne qylmystyq isterdi qoldan úiymdastyruy turaly aiyptaular birneshe ret sóz etilse de, olar әli bostandyqta taltandap jýr.

Ábil-Serik Áliakbar

Abai.kz