QR Premier-Ministrining orynbasary N.B. Kósherbaevqa!

Qúrmetti Ermek Bedelbayúly!

Adamzat balasy kóz kórip, qúlaq estimegen qúbylystargha eriksiz kuә bolyp jatyr. Azghyndyq pen arsyzdyq shekara talghamaydy eken.  Múhamed payghambarymyz bir hadiysinde: «Eger bir jamandyqtyng kórseng qolmen týzet, oghan shamang kelmese tilmen ait, oghan kýshing jetpese – jýrekpen jek kór!» degen edi. Adam balasynyng qolymen jasalyp jatqan súmdyqtardyng kesirinen qol – qoltyqtan, til – týbinen kesilip, jýrekter qarayyp barady.

Mónke by men Mәshhýr Jýsip babalarymyz aitqan kýdik-kýmәndar esik-terezemizdi talqandap, bosaghamyzdy oirandap, tórimizde tayrandap, balamyzdy – balshyq, qyzymyzdy – mansúq ete bastady.

Jer shoqtyghy – Burabayda ótken Últtyq Qúryltayda el Preziydenti Qasym-Jomart Toqaev «Demokratiyalyq moralidyq delinip jýrgen qúndylyqtar, onyng ishinde LGBT kóptegen elge ondaghan jyl boyy tanylyp keldi. Osynday jeleumen halyqaralyq ýkimettik emes qorlar men úiymdar kóptegen elding ishki isine negizsiz aralasty» - dep ashyq aitty.

Sonday-aq, Memleket basshysy Preziydent Tramp bastaghan Amerika әkimshiligining jappay qyzmet babyn asyra paydalanugha qatysty oqighalardy anyqtaugha jәne dәstýrli moralidyq qúndylyqtardy qalpyna keltiruge baghyttalghan júmystary qoldaugha layyq ekenin atap ótti.

Rasynda da, songhy jyldary әleumettik jelilerde últtyq qúndylyqtarymyzgha jat qúbylystardy, LGBT-ny nasihattaytyn úiymdardyng belsendi әreketi imanymyzdy ýiirip, janymyzdy shýberekke týide. Ásirese, olar TikTok, ózge de platformalar arqyly óskeleng úrpaqty azghyndyqqa ýgitteude.

Asa joghary tehnologiyalyq әdis-aylamen qarulanghan múnday qiytúrqy ýgit-nasihatqa әli kәmelettik jasqa tolmaghan, jaqsy men jamandy aiyra bilmeytin, búghanasy bekimegen, ruhany dingegi qatpaghan balalar men jasóspirimderimiz tez boy aldyratyny anyq. Búl әreket BÚÚ-nyng Balalar qúqyghy jónindegi konvensiyasyna da qayshy keledi. Yaghny olar halyqaralyq normalardyng ózin belden basyp, adamdyqtan da, ardan da attauda.

Jastardy azdyryp, otbasyn oiran etudi kózdeytin búl úiymdardyng jymysqy әreketteri syrttan, yaghny shetelderden qarjylandyryluda. Olar búl baghytta júmys isteytin ýkimettik emes úiymdargha týrli granttar beru arqyly elimizding ishki isine aralasyp, últtyq bolmysymyzgha jat dýniyelerdi taratuda. Osylaysha, qoghamdy ishten iritip, memleketimizge qauip tóndirude.

Mәselen, «Feminita» deytin úiym tipti mektep oqushylarynyng chatyna «jynystyq qatynasqa baulityn, qalay gomoseksualist, lesbiyanka bolu joldaryn ýiretetin is-sharagha» shaqyrular taratqan.

Qazirgi tanda osynday úiymdardy qarjylandyryp kelgen YuSAYD-tyng júmysy toqtaghanymen, batys elderinen qarjylandyru tyiylmay otyr. Aqsha ýshin barlyq qúndylyqtardy ayaqqa taptaushylar jymysqy әreketterin jýrgizu ýshin syrttan dollarlap qyruar qarjy aluda.

Sondyqtan múnday úiymdardyng júmysyn múqiyat tekserip, zang ayasynda qatang shara qoldanyp, mýldem tosqauyl qoyatyn kez jetti.

Búl mәseleni osyghan deyin de әriptesterim Mәjilis minberinen birneshe ret kóterip, deputattyq saual joldaghan bolatyn. LGBT nasihatyna zanmen tyiym salugha da bastamashyldyq ettik. Alayda búl Ýkimet tarapynan qoldau tappay keledi.

Byltyr bastamashyl azamattar LGBT-gha qarsy jariyalaghan petisiyagha eki aptanyng ishinde 50 mynnan astam adamnyng qoldap dauys berui qoghamnyng da búghan barynsha qarsy ekenin bildiredi. Degenmen, qoghamnyng búl oryndy talaby Mәdeniyet jәne aqparat ministrligi tarapynan ishinara ghana qoldau tauyp, zertteymiz degenmen ghana shekteldi.

Úrpaghyndy azdyratyn, dәstýrindi tozdyratyn, alauyzdyqty qozdyratyn, ruhyndy syndyratyn, sóitip eldigindi tyndyratyn «demokartiyalyq ýrdisterdin» atasyna nәlet!

Auzymen qús tistegen alys-jaqyndaghy elderding ózi etekterin etekterin qymtap, esikterine qarauyl qoya bastady. Al, biz kónilimizdi kýpti qylyp, jaratylysymyzdy bayqap, sharanamyzdy shayqap túrghan qúbylystardy kózimizben kórip túryp qam-qareketsiz otyrmyz. Janymyz shyryldap, tәnimiz kýiip barady.

Endi Ýkimet halyqaralyq ýkimettik emes qorlar men úiymdardyng qas-qabaghyna qarap jaltaqtamay, elimizding ishki isine aralasyp, shanyraghymyzdy shayqaghysy keletin múnday qadamdargha batyl tosqauyl qoymasa bәri de kesh bolady.

Jetpis jeti atamyzda joq osynday ospadar әreketterding aldyn alu ýshin jedeldetip mynanday sharalardy qolgha aludy úsynamyn.

1. Býkil әleumettik jelilerdi qatang sýzgiden ótkizip, kәmelettik jasqa tolmaghandar arasynda últtyq dәstýrimiz ben dýniyetanymyzgha jat qúbylystardy nasihattaytyn azghyn aqparattargha tosqauyl qoy.

2. Mәdeniyet jәne aqparat ministrligining LGBT qozghalysynyng kәmelettik jasqa tolmaghandargha әseri turaly zertteuin ayaqtap, jariyalau.

3. El Preziydentining tapsyrmasyna sәikes dәstýrli moralidyq qúndylyqtarymyzdy nyghaytu jóninde arnayy tújyrymdama әzirleu.

4. Syrttan qarjylandyrylatyn, týrli granttar alatyn, últtyq salt-dәstýrimizdi mansúq etetin ýkimettik emes úiymdardy tekserip, olardyng kәmelettik jasqa tolmaghan balalarmen júmys isteuine tosqauyl qong.

Qúrmetpen,

«AMANAT» Fraksiyasynyng mýshesi, deputat Janarbek Áshimjan

Abai.kz