Halil Gibran

(1883-1931)

Livandyq-amerikalyq jazushy, aqyn, filosof. Onyng ataqty filosofiyalyq «Payghambar» poemasy әlemge tanymal.

Qúday

Kóne bir zamandarda,
Byldyrlap alghash tilim shyqqanda,
Kiyeli taudyng basynda,
til qattym men qúdaygha:

«Ua, IYem!
Qúlaq kesti qúlyng men,
Men ýshin zang barlyq tilek-әmirin,
Ótem saghan basymdy mәngi iyip men»
Til qatpastan sonda qúday,
Óte shyqty týnergen qúr dauylday.

Arada myng jyl syrghyp ótkende,
Kiyeli taudyng basynda, til qattym taghy Qúdaygha:
«Ua, Jaratushy! Sensing meni jaratqan,
iylep alyp balshyqtan,
berding beyne eng izgi,
Sendik qoy bәri mendegi»
Sonda Qúday til qatpastan,
Ketti ótip qanattay suyl qaqqan.

Ótkende arada taghy myng jyl,
Kiyeli taudyng basynda, til qattym taghy Qúdaygha:

«Ua, Áke!
Úlynmyn men sening ergen,
Mahabbat, mýsirkeumen dýnie kórgen.
Men de seni shyn sýiip, berilumen,
Jerdegi patshalyghyna iyemin men»
Sonda Qúday til qatpastan,
Túmanday ketti ainalyp alystan.

Arada taghy myng jyl ótkende,
Kiyeli taudyng basynda, til qattym taghy qúdaygha:

«Ua, Qúdiret!
Sen bәrin berushi tilegimsin.
Bolghanda men keshegin, sen boldyng ertenim.
Tamyrynmyn jerdegi men senin.
Sensing mәiegim kókke úmsynghan nayqalyp,
Ekeumiz birge ósemiz,
Kýn astynda jayqalyp»
Enkeydi de sonda qúday,
Qúlaghyma sybyr etti tәtti balday.
Alghanday teniz qúshaghyna
taudan aqqan búlaqty,
Qúshaghyna aldy meni ol daghy.
Týstim tómen, kósildi jazyq aldymda,
Qalmay erip keledi ol qasymda.

Aghylshyn tilien audarghan Naghyz Qabshyqbayúly

Abai.kz