Sportta eshkim kýtpegen kezdeysoq jenis bolmaydy. Ár jetistikting artynda úzaq jylghy tynymsyz enbek, temirdey tәrtip jәne eng bastysy, sol chempiondyq joldan ótken jattyqtyrushy túrady. Qazaq sportynda da búl zandylyq júmys isteydi. Últtyq qúrama sportshylarynyng kóptegen jenisine biz búryn túghyr satysynan kórgen mamandardyng qosqan ýlesi zor.

Múnyng jarqyn kórinisi – Eldos Smetov. Ol – dzudodan Olimpiadada barlyq medali jiyntyghyn oljalaghan túnghysh qazaq paluany. Otandasymyz Parijde – altyn, Rioda – kýmis, Tokioda qola medali jenip aldy. Onyng sporttaghy joly Jambyl oblysynda bastaldy. Alghashqy bapkeri – Ahmet Júmaghúlov. Keyinnen Smetovti halyqaralyq dәrejedegi sport sheberi jәne halyqaralyq bәsekelerding jýldegeri Ghalymjan Jylgeldiyev jattyqtyra bastaghan. Býginde Jylgeldiyev әli de Smetovpen jәne qúramanyng basqa da kóshbasshylarymen júmys isteydi. Tәjiriybeli maman olargha kýres tehnikasyn ghana emes, boyyna chempiongha tәn qasiyetti sinirip keledi.

Al Oliga Dovgunnyng tarihy óz aldyna bólek әngime. Ol – nysana kózdeuden Aziyanyng birneshe dýrkin chempiony jәne ýsh Olimpiadagha qatysqan mergen. Qazir jas sportshylarmen, onyng ishinde Parij Olimpiadasynyng qola jýldegeri Islam Sәtpaev jәne Aleksandra Lemen júmys isteydi. Dovgunnyng tәjiriybesining arqasynda Últtyq qúrama túraqty nәtiyje kórsetip, halyqaralyq jarystargha jýieli dayyndyq jýrgizip jatyr.

Shanghy jarysynan da myqtap ornyqqan úrpaq sabaqtastyghyn bayqaugha bolady. Biyl aqpan aiynda ótken qysqy Aziya oiyndarynyng jýldegeri Konstantin Borsov dәl sol Harbinde 1996 jyly ótken Aziadanyng 3 dýrkin jýldegeri, әkesi Vladimir Borsovtyng jetekshiligimen jattyghady. Senim men týsinistikke qúrylghan múnday sabaqtastyq túraqty nәtiyjege qol jetkizuge jol ashady.

Fristayl-mogul – Qazaqstandaghy eng tabysty qysqy sport týrining biri. Últtyq qúramanyng bas bapkeri Elena Kruglyhina kezinde Olimpiadada syngha týsken. Onyng tәjiriybesi men osy sporttaghy tereng bilimi komandagha halyqaralyq arenada túraqty nәtiyje kórsetuge mýmkindik beredi. Onyng jetekshiligimen Yuliya Galysheva 2018 jyly Olimpiadanyng qola jýldegeri atansa, Anastasiya Gorodko jasóspirimder arasynda birneshe ret әlem chempiony atandy.

«Chempiondardy chempiondar tәrbiyeleydi» degen sózding jany bar. Qazaqstanda búl jay ghana әdemi sóz tirkesi emes. Elimizding tuyn әlemdegi iri jarystarda biyikte jelbiretuge mýmkindik beretin tiyimdi jýie.

Abai.kz