Aqsha joq, biraq Medvedevte milliard dollar bar

Reseyding búrynghy preziydenti jәne «Edinaya Rossiya» kóshbasshysy Dmitriy Medvedevpen baylanysty 15 qor soghys bastalghannan keyin shottardaghy aqsha sanyn kýrt arttyryp, ótken jyldyng sonynda 86 mlrd rubli ($1,08 mlrd) jinady, dep jazady «Nastoyashee vremya».

Olardyng ishinde: «Dar», «Sosgosproekt», «Gradislava», «Nevskiy», «Yantarnyy kray», «Inisiativa», «Razvitie y inisiativa», «Nasha pravda» jәne t.b. qorlary bar.

Eger 2022 jylgha deyin qorlargha jylyna 2-8 mlrd rubli týsse, 2023 jyly jarna somasy 50 mlrd rubliden, al 2024 jyly 70 mlrd rubliden asqan.

Qorlar ózderining qalay qayrymdylyq jasap jatqandary jayynda jaq ashpaydy. Búghan deyin olardy oligarhtar men «Gazprombank» qarjylandyrghan edi. Qorlardan týsken aqsha Medvedevting týrli jeke bastamalaryna tartylyp keledi.

2023 jyldyng nauryzynda «Edinaya Rossiya» kóshbasshysynyng bastamasymen reseylik armiyany qoldau ýshin «Nasha pravda» qory tirkelgen bolatyn. Ol drondardy, týngi kóru aspaptaryn, kózdeuishter men medisinalyq jabdyqtardy jetkizedi. Eki jyl ishinde «Nasha pravda» 2,4 mlrd rubli ($30,4 mln) júmsady.

Búl qor tek әskeriylerge ghana kómektesip qoymay, Medvedevting jerin eki tankerden ondaghan myng tonna mazut tógilgennen keyin Anapadaghy ekologiyalyq apattyng zardaptarynan saqtap qaldy.

2025 jylghy nauryzda qor zardap shekken aimaqqa tógiludi joigha arnalghan jabdyqtardy jetkizdi. Anapa týbinde Medvedevting «Skalistyy bereg» jýzimdikteri men sharap zauyty ornalasqan 10 gektargha juyq aumaqta jana jyljymaytyn mýlik nysandary salynyp jatyr.

Biraq Medvedevting bauyryna basqan iyelikteri bir múnymen shektelmeydi. Qorlar oghan basqa da jobalardy baqylaugha kómektesedi: Plesidegi, Sochiydegi jәne Rublevkadaghy reziydensiyalar, Baltyq tenizining jaghalauyndaghy Kaliningradtaghy 16 ga, Komarovo kentindegi eki qabatty kottedj jәne Sankt-Peterburg manyndaghy ýi, Krasnodar ólkesindegi 5 ga astam jýzimdikter jәne birneshe yahtany útap túrugha da septesedi.

Sonday-aq Medvedevting beyresmy holdinginde «Arktik Invest» investisiyalyq kompaniyasy men family office payda boldy. Ol aktivter 30 mlrd rubliden ($380 mln) asatyn 15 kәsiporyndy basqarady.

2024 jyly firma Sankt-Peterburg meyramhanasyndaghy ýlesti jәne toylar men merekelerdi úiymdastyratyn «Klub 2» firmasynyng 75% paketin satyp aldy, dep habarlaydy «Nastoyashee vremya».

Osynday-da «Soghys – qisapsyz baidyng jalghyz joly» degen shyghystyng maqaly oigha oralady.

Abai.kz